Juan 1:21 - Si Biblia NT

²¹ Ket wanra kona, “Si'no ka edet? Si'ka para si Elias a wanran sumubli' iti?” Ket wana, “Kai, ambo' ako.” “Si'ka para edet taw si Prupita a man'irgwen na ni Moises?” nitepet ra anamaet kona. “Kai,” wana nin inumbat.

Juan 1:21 Iomraidhean Croise

Mateo 11:14

Ket akuen moyo pa a si Juan ket syay Elias a mantaga'nan moyon sumubli'.

Mateo 16:14

Wanra nin ni'bat, “Main nin mamarita' a si'ka si Juan a Mammawtismo, bale' main anamaet nin mamarita' a si'ka si Elias. Saray raruma et ibarita' ra a si'ka si Jeremias, o no kai, saya ka konran saray prupita.”

Mateo 21:11

“Sya si Jesus a sayay prupita nin taga Nazaret itaw sa Galilea,” wanran ni'bat nin saray abaw nin tutawon nikialuyon kona ni Jesus.

Lucas 1:17

Say pinanakem tan pakayadi' na ket bilang sa nibi nan Ispirito nan Dios kona ni Elias a prupita nan Dios sin nu'nan panaon. Pasublien na li' a mabistan pisisimbatan nin mangatua tan ua'nak. Saray subag konan Dios ket, gaw'en nan kipada anay pangingisip ra konran matunong. Ket mu'na yayna ta pigaw nin isadya' nasaray tutawo sa pag'uuray nan Uunuren.”

Juan 1:22

Wanra anamaet kona, “Si'no ka edet anaod? Ibarita' mo pa ta matkap a main nin ibarita' mi konran saray namaki' komi. Ani a magwa' min maibarita' maipa'ka' sa kinasi'no mo?”

Juan 1:25

“No wanin a ambo' ka a Cristo tan ambo' ka anamaet si Elias o si Prupita nin inirgo na ni Moises, mayin edet a mampamawtismo ka?”

Juan 6:14

Sin na'kit ra anaod nin tutawoyti nin ginwa' na ni Jesus nin mamatutuo nin maipa'ka' kona nin diri, wanra, “Siti anan diri yaytaw si Prupita nin nipadles a makodti sa luta'!”

Juan 7:40

Main konran saray nakarnge' sa saytin wana ni Jesus a namarita', “Peteg a siti ana a mantaga'nan nin Prupita!”