Juan 1:1 - Si Biblia NT

¹ Sin saytaw sin ba'yo et nin pinarsa a animan, main yayna a si Kabalikasan nan Dios. Kalamo' naya nin Dios, tan si syay Kabalikasan, Dios yaynamaet.

Juan 1:1 Iomraidhean Croise

Mateo 1:23

“Ket si sayay birhin a balasang, gumuktot ya li'! Lalaki ya li' a anak na tan tawagen ya li' nin Emmanuel.” Say rabay nan irgwen ket “Kalamo' tamoyay Dios.”

Lucas 24:53

Nangibwat sin saytaw, nako saraynan pirmidtaw sa sakop nan Timplo nin mangrayo konan Dios.

Juan 1:14

Ket si syay Kabalikasan, nag'in yan tawo tan niikap ya sa busel mi ket naadal mi a kata'gayan na nin maikana' kona nin sya tamo' a kapada na nin Ama, ta kawa'nan nan liso a tutawo tan patutu'wan nan liso a maipa'ka' konan Dios.

Juan 1:18

O', mataman no kasa et gapo ni saya nin naka'kit konan Dios abirno ana sa maka'numan, si Anak, a syan diri ket Dios ya tan kalamo' nayan pirmi, syay nangipapalaway nin maipa'ka' kona nin Dios.

Juan 1:2

Ba'yo et nin pinarsa a animan, kalamo' nayaynan Dios.

Juan 16:28

Si Ama ko a ibwatan ko nin nakodti sa mundo, tan sya li' lamang a sublian ko ta lumakwan akoynadti sa mundo.”

Juan 17:5

Ket sawanin, Ama ko, isubli' nako anadsen komo, sa kata'gayan nin pa'sar nin pikalamo' ta sin ba'yo ya et nin pinarsa a mundo.

Juan 20:28

Ket inumbat ya si Tomas tan wana kona ni Jesus, “Si'ka a Uunuren ko tan si Dios kon raywen ko!”

Juan 8:58

Ket wana ni Jesus, “Isipen moyoyti nin maong: Kai ya et nin niyanak si Abraham, main akoyna nin gindat.”

Roma 9:5

Saray puon ra et ket tutawo saran magsen a pagmamatalek ra nin nipatandaan nan Dios konra a pangako' na konran tutawo na, tan si syay Cristo, no maipa'ka' sa kinatawo na ket Judio ya nin kadayaan ra. Syay Dios a makapangyayadi' sa sarba. Sya, marayo ya anggan-angga. Peteg a wanin!

Efeso 3:9

Nibaki' nako anamaet nin mangipapalaway sa no pa'no a say rabay naynan gaw'en nin gindat ket yadien nayna. Sa linmabas anan panaon, si Dios a syay namarsa nin sarba, kai na nin nipatandaan ti sa si'numan a gindat anan rabay nan gaw'en

Filipos 2:6

Si Cristo, mataman no iti nin pirmi kona a kinaDios, kasa sa pinanakem na a ipase'se' na a sya kapada nayay Dios.

Colosas 1:15

Bana' konan sitin Anak na, ma'kit yan peteg a Dios a kai nin ma'kit nin si'numan. Gindat anan manepeg a mag'uray ya sa sarba nga'min nin pinarsa nan Dios.

Colosas 1:17

Wanin anamaet bana' ta main yaynan gindat a Anak ba'yo nin nagkamain a animan, tan mantumuloy nin main a sarba tan main nin uksoy bana' ta sya a mampangipalalako nin sarba.

1 Timoteo 3:16

Kasan sapo nin maalagayti say pagkabyay tamo nin maikana' sa ginwa' na ni Cristo! Sawanin nayna tamo' et nin nipatandaan ti nin Dios “Sya, nag'in yan tawo nin na'kit rayan tutawo. Pinatutu'wan nan Ispirito nan Dios a sya kasa gapo nin kakurangan na. Na'kit raya anamaet nin uanghil. Nipatandaan a maipa'ka' kona sa nagsikabarang nin lugar sa mundo, abaw sara a nagmatalek kona tan niyuli' nayan nisubli' nin Dios sa kagalangan a main kona.”

Tito 2:13

Matkap anaod a wanin a pagkabyay tamo leg'an a mantaga'nan tamoyaytaw si makapaririket kontamo a mansiguradwen tamo, say paka'kit tamo li' sa kata'gayan na ni Jesu-Cristo no sumubli' yaynadti. Sya, makapangyayadi' nin Dios tan Mangingisalba tamoya.

Hebreo 13:8

Anaod, si Jesu-Cristo, kai ya gapo nin manguman. No si'no ya sa linmabas anan panaon, sya et sa anggan sawanin nin panaon, tan sya et li' a lamang sa anggan-angga.

Hebreo 7:3

Saya et, kasan mabasan pakatandaan maipa'ka' konran ama tan ina na, o konran pupuon na, o sa tinmaranaan na tan sa nanganggawan na. Kanya' nin kapada nan Anak nan Dios, magnayon a padi' ya anggan-angga.

2 Pedro 1:1

Si'ko si Simon Pedro a aripen na ni Jesu-Cristo, tan apostol nako anamaet. Surat koyayti komoyo nin nirama' nan Dios sa pagmamatalek a parihoy kaalagawan komoyo tan komi. Siin ket nangyadi' mangibwat sa kamaungan tan katunungan na ni Jesu-Cristo nin Dios tan Mangingisalba tamo.

1 Juan 5:20

Tanda' tamo et a si Anak nan Dios, nako yadti ket binu'kasan nay kukaisipan tamo ta pigaw nin nakatanda' tamoya a sya, tutuo ya. Anaod, ta naipasaya atamo konan si Anak na a si Jesu-Cristo, ket naipasaya atamo anamaet konan Dios a sya, tutuo ya. Sya a tutuon Dios tan sya a ibwatan nin anggan-angga nin byay a iti konan diri.

1 Juan 5:7

Kanya' nin main nin tulo ra nin mamatutuo sa maipa'ka' kona ni Jesu-Cristo, no si'no ya:

Nipadar 1:11

wana, “Isurat mo a ma'kit mo ta pigaw nin ipa'wit mo li' sa saytin pitoy dupong ran mammemper sa sayti nin syudad: Efeso, Esmirna, Pergamo, Tiatira, Sardis, Filadelfia tan Laodicea.”

Nipadar 1:17

Sin na'kit koya, bara'mo akon nati nin nilukbob sa adapan na. Bale' niga'get naya a wanan nin gamet na kongko mi'sa wana, “Andi' ka nin mali'mo bana' ta si'koyti si tarana' tan si kala'pusan nin sarba.

Nipadar 1:2

Nisurat ko a sarban nipa'kit kongko, ket patutu'wan ko nin sayti ket peteg a minsahi nin niparate' nan Dios nin nipatandaan na ni Jesu-Cristo.

Nipadar 1:8

Si Uunuren a Dios, a sya ket Makapangyayadi' ya sa sarba tan sya anaod ket main ya sawanin, main yayna sin saytaw et sin tarana', tan main ya anggan-angga wana, “Si'ko a mansabtan nin Alpha tan Omega.”

Nipadar 19:13

Si sulot nan bata ket nalbet ya nin daya', tan say titulo na ket Kabalikasan nan Dios.

Nipadar 2:8

Sinmunor wana, “Wanti a isurat mo konan ibabaki' nan Dios konan dupong ran mammemper itaw sa syudad nin Esmirna: ‘Si'ko yay si tarana' tan kala'pusan nin sarba. Si'kon lamang taw si nati nin sinmubli' nin mabyay. Ket sayti a ibarita' ko komoyodsen:

Nipadar 21:6

Wana et kongko, “Nayadi' ana a sarba. Si'ko a Alpha tan Omega a say rabay nin irgwen si'koy tarana' tan kala'pusan nin sarban bagay. Si si'numan a milata', byan koyan ranom nin kasan bayad mangibwat sa subor a mamin anggan-angga nin byay a iti konan Dios.

Nipadar 22:13

Si'ko a mansabtan nin Alpha tan Omega, tan main akoyna sin nu'na tan main ako et li' anggan kalansuyutan. Si'ko et a tarana' tan kala'pusan nin sarban bagay.

Nipadar 3:14

Sinmunor wana, “Wanti a isurat mo konan ibabaki' nan Dios konan dupong ran mammemper itaw sa syudad nin Laodicea, ‘Si'ko yay si “Amen” sa sarban gawa' nan Dios. Si'koy mapagmatalkan nin mangwa' sa sarban ipagwa' na tan mamatutuon peteg nin maipa'ka' kona. Mangibwat kongko, pinarsa nan Dios a sarba. Ket sayti a ibarita' ko komoyodsen: