Joona 4:9 - Gooti Toolluro Yogalokwono

⁹ Toro adoka toollu Gooti tool aro kuudokaikono. “Guu kuuwo'agokwe wuulo abuukuropimoka tovino surodo aguunadopiko tov ilaiyo'maiyo.” Toro kuudoka kuvi kuruv Joona'wol kuudokaikono. “Awiyo, moro surodo anuunadopiko akav ilaiyokwono. Aki surodo su tov bwotonyo kuunodo anuunadopiko tovino tov nuu yiuno'no bollo'mo anyunadopiyo.” Kuudokaikono.

Joona 4:9 Iomraidhean Croise

Joona 4:1

Gooti Yawel a'mwo abolo tonyu maromiyebuuropiyoduke tovi Joona'wol muugona'no sumaiyokwe ilaiyo mwino'no surodo'mo sokaikono.

Joona 4:10

Toro kuudoka toollu Gooti Yawel aro kuudokaikono. “Kuuwo'agokwe wuulo abuukuropimoka su tov surakuuto pullugwoji yere bila'dowo aki surakuuto pullugwoji yere abuukuropimokakwono. Kuuwo'agokwe wuulo su tovi gumoro womdo yodore tovida'ai mabila'moka kuvino kuruv guu kalo bwotonyo agujunadopiko tov ilaiyo'maiyo. Guu Niniveda'ai a'mwo abolo tobuuraino kalo agujunowo'jujuko kweku kuruv kalo magujunadopiyo.

Joona 4:8

Toro buukuropino sumaiyokwe kuujo tool me'no abwoladoka toga Gooti tool du'muujudokwe dolo puruv sovrowosokaikono. Dolo su tov kuujo tool sulopiyamoka tomuuda'ai bo'no sokakwono. Toro yoduke toga kuujo tool guureji adokaikono. Toro doduke toga Joona'wolluro mido tov miguunoguuno ibwosunyuno sumaiyokwe kuruwiyo bollo'mo sokaikono. Toro ino sumaiyokwe kuuwo'agokwe wuulo abuukuropiyoka tovino surodo'mo tool aro adokaikono. “Oo nuu aiyo kuuno mujomwekovlaiyo'mo manyunadopiyo. Toro tekwonyu abolmi tov ilaiyokwono.” Adokaikono.

Matyuu 26:38

Toro tool aro kuudokaikono. “Nuu moro poowokalago tovi kalo bwotonyo nyunoduke tovida'ai bollo'mo sadokwono. Toro te kevu akawai kinomwalopi nuuge doduwa'julo.” Kuudokaikono.

2 Koorin 7:10

Neya duu'nyulo. A'mwo abolo pun Gooti toolluro ilaiyo winodowodo tomgu'aro uumjunyo'mo winodupudogano. Toro ton kemi ma'no ma'no pasudo tooraino jul'nyo ibwosunopi Gooti toollomno kuudo youragunyumo'nodupudogano. Aki a'mwo abolo su ton Gooti toollomno kuudo souragunyumo'nupi tovi'aro Gooti tool kemoro ma'no ma'nodo tovuro kirumwallo tovida'ai bomollurolovomokalokwiyokwekono. Aki a'mwo abolo su ton Gooti toollomno kuudo souragunyumo'nupi su tovino aki aiko te kuudo mabwolloullokweyogano. Toro kuvi kuruv kwako akavida'ai a'mwo abolo tono'gwowi kemi ma'no ma'no pasudo molludo'movla'mdupudo tooraino kalo wingovla'mdupudogano. Toro kalo wingovla'mdupudo kuvi kuruv kemi ma'no ma'no pasudo su toorai ku'nono miyuu'dapiyodupudogano. Toro ton kemi pasudo molludo'movla'mdupudo su toorogai yiunokuudo nomabolpinogano.

Adodolukuu'nosungiko 9:6

Toro te a'mwo abolo ton danyu'nyuwuulo su toro tovi ibwosungovla'mno ibwosungovla'mno yopi dupinogano. “Oo neya abolmo.” Toro dopi kun kuruv ku'nono mabolpinogano. Aki danyu'nyuwuulo su tovi iworaiku'nyo'moneyokwe bolnodo tovi ku'nono miyo'mgonomapinogano.