Aki lomwo toga Gooti Yawelluro jurogudo kuunodo tokwe'aro bako tokwe'aro tovallu noonpinogaikikono. Kev togaikul nami mebweyogalo anakudadokwopo kuvi kuruv Gooti Yawel kwolluda'ai kuudadokwovo. Toro tovino tov me'no ikuu'nodowodo tool gamoro jurogudo tov ikuduuwallodowo'jure tovi noonpinogaikikono.” Kuudolorakono.
Joon 11:4 - Gooti Toolluro Yogalokwono4 Toro adapiyolo tovi Jisasol wuu'nyuno sumaiyokwe toga aro adokaikono. “Nobollo su tov yiunokuudo bollo'mo'maiyo. Toro kuvi kuruv Gooti toollu ilomoropiyo'moneyokweyokwono. Aki nobollo su tovi'aro nuu Gooti toolluro Kwolaiyo toonyu yovo aguto mallo'moneyokweyokwono.” Adokaikono. Faic an caibideil |
Joon 11:4
20 Iomraidhean Croise
Toro kuvi kuruv nuvu gamoro womdo su tonyu kuvinono sumi to'gwowi kuudo neya donubweyogaulo. Aki kevu moro yogalo tonyu kuudo muubweyo'mo aikulluno'ji tov moro duuwallo jurogudo ikuduuwallodumdo tonyuno'gwowi kuudo neya duubweyogaulo. Su toro kuubwepi toga mino aro kuudo nyouronumapinogaikikono. Oo su tooke'aro Ganumiyago Gooti tooke'aro tonumdal yiuno aval'no guro'mwonyodubuloraldeyo. Mino su toro kuudo nyouronumapinogaikikono.”
Toro kuvi kuruv aro to'gwowi nuudumonyugono. “Nyunumiyagoloo, guu a'mwo abolo tonyu guvnokwekujuro yovo aguto tovino kuu'maiyo toru duuduuwallono.” Nuudumonyugono.” Kuudokaikono. Jisasol toro wuujuno sumaiyokwe toga Gooti toolluro ago muunyu kai'muuda'ai yogaimaguurai puruv aro adokakwono. “Moro yovo aguto tovino kuu'maiyo toru me'no kuuduuwallonyugono. Toro toonyu aga aki aiko te kuvinono nuuduuwallumonyugono.” Adokakwono.
Jisasol gami uumjunyokwe toorai kuuguudo me'no wuujuno sumaiyokwe toga Gooti toolluro ago muunyu kai'muuno iloonyopiya'no aro kuudokaikono. “Nyunumiyagoloo, gumoro ajesodo toga me'no abai'mopso. Toro te nuu gumoro Kwolaiyo toonyu gumino yovo tovi ilomogwopiyodo'mure tovino tov guu gumoro Kwolaiyo toonyuno yovo tovi nokwo julomonuwopiyawono.
Jisasolluro duuwallo jurogudo su tov muudu'nodokwono. Toro tov kwako Galili tomuuda'ai wagwolago Kana towai sumo'nokakwono. Jisasol duuwallo su tovi'aro gamoro jurogudo kuunodo tovino kuu'maiyo toru'no kuuduuwallunokaikono. Toro kuuduuwallunoka tovi gamoro uumjunyokwe tooro wono'mno kwolluno kuudo kuubweyoporogano.
Toro anubweyoka su tov aro tovino'mokwono. A'mwo abolo ton Nyunumiyago toolluno yovo aguto wiyodupudo to'busuko kubalno gamoro Kwolaiyo kwonyu kuruv yovo aguto neya nyabumwalpino'moneyokwe tovinokwono. Toro te a'mwo pwol Gooti toolluro Kwolaiyo toonyuno yovo aguto manyabwo'ji tov Nyunumiyago amonuwopiyaboka kwolluno kuruv yovo aguto mwiyonekono.
Toro kuudopo toorai Jisasol aro kuudokaikono. “Nuvnokwe toonyuno yovo tovi sulomoropiyami tov yiuno yasuwa'no to'no imo'nonokwono. Toro kuvi kuruv moro Nyunumiyago toolno'gwowi mino yovo tovi ilomoropiyodawodekono. Toro ilomoropiyodawodo su toolluno kevu dodupudorekikono. “Oo su tool nemi Gootekono.” Dodupudorekikono.
Su toro kuudoganopo tovi Jisasol kuudokaikono. “Awiyo, sumnowojo su tov gavnokweyolluro ma'no ma'no pasudo tovida'aiyo'maiyo. Aki gami ganum kwolabolo teyaulluro ma'no ma'no pasudo tovida'ai kwimo'nokalmaiyo. Toro kuvi kuruv Gooti tool gamoro jurogudo tovino a'mwo abolo tonyu kuu'maiyo toru'no wuuduuwallo'moneyokwe kwimo'nokaikono.
Toro te Isuraiyolda'ai a'mwo abolo bwotonyago ton Gooti toolluro puuto tovi'aro mabodupu buulo kuugunyumopiyajupogano. Su toro kuugunyumopiyajupo tonyu Gooti tool yiunokuudo amodukwopiyokaldukono? Awiyo, yiunokuudo mamodukwopiyokaikono. Kemoro buulo kuugunyumopiyajupo su tov Jisasolluro kuuguudo sugudo tovi a'mwo abolo Juu tooravuro miyawosunodupudo ton wuu'nupino'moneyokwe kudo'aiko to'busuko ausubweyokakwono. Toro te Gooti tool a'mwo abolo Juu tooravuro miyawosunodupudo tonyu ma'no ma'nodo tovuro kirumwallo tovida'ai me'no abomollurolovomokalokwokaikono. Gooti tool aro tomgu'aro winyokwekono. “Moro abomollurolovomokalokuumi su tovida'ai Isuraiyolda'ai a'mwo abolo ton wonopi a'mwo abolo Juu miyawosunodupudo tonyuno kwekuullu saupi tov miyomno kuudo nyouragunyumo'nupinogano.” Gooti tool su toro winodowodekono.
Aki ikulsulo ki'nodupudo to'busuko kubalno pasudo idopto'nodo pun yiuno Jisas Kraisollu'aro bodupudogano. Pasudo idopto'nodo su togai yomjomwekovlaiyo'moneyokwe kuudo tov kemoro poowokalago tovi neya aullo'movaikwopiyono. Kevu su toro tomgu'aro yomjomwekovla'mdopure togaikullu a'mwo abolo ton aikwonpi tov Gooti toollu yovo aguto wiyopi aki nyulomodomoropimwolapinogano.
Toro toonyu aro tov anyumo'noneyokwe tovino sogwollo kinodumdonyugono. Nuu Aguto toolluro sumdo tovi wogulo yowo'gallunyo'moneyokwe pasudo puru'monodo kuruv nyumwalmiyo. Aga kugake'aro lukomgu kugake'aro kuruv yiuwi'nokai toga nuu Krais toollu yovo aguto wiyo'moneyokwe tovino luko nyumwalmiyo. Toro kuvi kuruv yiuwi'nokai toga Krais tool yovo aguto to'no neya ma'mwalonekono. Nuu aiyo mwalo'miyo'mdeyo oo abolmiyo'mdeyo kuruv moro kulako akakwe yiuwi'nokai pasudo molludo'movla'mdo'mure tovida'ai Krais tool yovo aguto to'no neya ma'mwalonekono.
Toro te kevu Krais su toollu'aro Gooti toollu kuudo me'no kuubwemwakopogaikikono. Aki Gooti su tool Krais toollu aiyo aiko te moduka'mno sumaiyokwe gamoro bako bwotonyo toru me'no amorumwallokaikono. Toro tovino tov kevu Gooti su toolluno kuudo uubweyodupudogaikikono. Aki Gooti su toolluno sogwollo to'no kinodupudogaikikono.
Toro te kemida'ai a'mwo pwol moruudomollo'moneyokwe yasuwa'wino su tovi amaro'ji tov a'mwo su tool Gooti toolluro mago tovida'ai mollodavowo'ji gamoro mago tokwe neya moruudomollumwalonekono. Aki kemida'ai a'mwo pwol a'mwo abolo pubuurai womdo wiyo'moneyokwe yasuwa'wino su tovi amaro'ji tov a'mwo su tool Gooti toolluro jurogudo uubweyodowo'jure tokwe a'mwo abolo pubuurai womdo guureji neya wimwalonekono. Su tov aro tovinokwono. Kemoro yiuwi'nokai judo'no judo'no womdo amjumovlapi su ton Jisas Kraisollu'aro Gooti toolluno yovo tovi kuvinono ilomoropiyapinogaikikono. Jisas Kraisol Gooti toolluro bako bwotonyo pwopiyodowodo tovi anakuuto tomuu mwalodowo aki yiuwi'nokai tonyu mido mollomwalodowodekono. Toro toolluno nevu yiuwi'nokai toga yiunokuudo neya ilomoropimwolowanekono. Nebalokwono.
Sanasan