Joon 11:2 - Gooti Toolluro Yogalokwono

² Sumdomgu abolo Mariyav wobeya sudo kuunyokwe munollo puruv Aguto Jisasolluro suvlo tovi kimovoubweyo'no gamoro midoto tokwe amollouropiyoka tov akav kurukwono. Aki nobollokwe Lasarosol abolo Mariyavuro jo'mwekono.

Joon 11:2 Iomraidhean Croise

Kuuguudo Sugudo akav Makolluro sakwollokakwono Mak 14:3

Toro junodopure toga Jisasol wagwolago Betani toru Saimoonolluro ago tovi aulonomwallajukekono. Saimoonol sumdomgu wonawiyo nobollo tov kwollajuko kwol kuruv su toro toga'no'gwowi nonagutekono. Jisasol toro tooke kuulonomwaloduke toga abolo puruv sul bootool puuwa amokabokakwono. Bootool su tovi wobeya sudo kuunyokwe wonyo pun surosungikokwono. Wobeyo sudo kuunyokwe wonyo su tov kuunodokwono. Toro tovino tov nuugwiyo bwotonyo tokwe abingikokwono. Toro tovi mokabino sumaiyokwe bootool mujumollo tovi pwojo'no Jisasol noluuleyo toru nomwaloduke toga gamoro mido tovi aimowosokakwono.

Luuk 7:13

Toro ton bomokalokwodopure toga Aguto tool abekanyo su tobuullu wonyuno sumaiyokwe kalo wino'no aro kuudokaikono. “Guu kumdo madubinono.” Kuudokaikono.

Luuk 7:19

Toro kuudopo tovi Joonol wuu'nyuno sumaiyokwe gami uumjunyokwe pworallu adomarokaikono. Toro toorallu gamoro yamuugojo purukwe Aguto Jisasollu wuudoganbulluno'moneyokwe amodapiyokaikono. Joonolluro yamuugojo su tov arokwono. “Gooti toolluro nekullo'mwojo'moneyokwe ajesoka Krais toolluno sogwollo kinodowado su tool guu kwekudukono? Oo a'mwo pwolluno sogwollo kuuno kinmwalanonoldukono?”

Joon 11:21

Toro te Martav Jisasollu wuuru'ma'no sumaiyokwe aro kuudokakwono. “Agutoloo, guvu akawai mwalodo'bureyo'mno'juki mi nyo'mwo tekwo mabolowo'jujukekono.

Joon 11:3

Toro te gami jo'mwo Mariyakwe'aro Martakwe'aro tonodal Jisasolluno aro adapiyolovakono. “Agutoloo, gumoro kalo buuropino gujunodowodo tool nobollokwekono.”

Joon 11:32

Toro kuvi kuruv Mariya'gwowi Jisasol mwaloduke toru'no avlavokakwono. Toro plaino sumaiyokwe Jisasollu wono'no gamoro suvlo dolago toru kwolomuulo'narokakwono. Toro wolomuulo'na'no sumaiyokwe aro kuudokakwono. “Agutoloo, guvu akawai mwalodo'bureyo'mno'juki mi nyo'mwo tool mabolowo'jujukekono.” Kuudokakwono.

Joon 12:3

Jisasol toro toorogai kuulonomwaloduke toga Mariyav wobeya sudo kuunyokwe wonyo puruv wan hap kiloo tov amokabokakwono. Wobeya sudo kuunyokwe wonyo su tov kuunodokwono. Toro tovino tov nuugwiyo bwotonyo tokwe abingikokwono. Mariyav wobeya sudo kuunyokwe wonyo su tov mokabino sumaiyokwe Jisasolluro suvlo tovi aimowobweyokakwono. Toro kimovobweno sumaiyokwe abolo su tov gavnokweyovuro midoto tokwe maro'no guruko amollaurokakwono. Toro kimovobweyoduke toga wonyo su tovida'ai wobeya sudo tov bwotonyo wuuno'no yiuwi'nokai ago su tovi anakuuto tomuu aullo'mowopiyokakwono.

Joon 13:13

Kevu nyudodupudorekikono. “Ibwasokweyoloo,” aki “Agutoloo,” nyudodupudorekikono. Kevu su toro nyudodupudo tov kuvigono. Nuu kuvinono su toro ikullumo'nodumdonyugono.

Joon 13:14

Toro te nuu kemi Aguto ikullumo'nodumdonyugono. Aki kemi ibwasokwe ikullumo'nodumdonyugono. Nuu su toro ikullumo'nodumdo kwonyu kuruv kwako tomuu'aro bwolomorumwogapinodam kemoro suvlo tonyu wonyo tokwe amollaikul'mo'monyugono. Su toro to'busuko kubalno kevu kworekul kuruv kemida'ai gabovo tooravuro suvlo tonyu wonyo tokwe neya jal'movogaulo.