Jems 5:6 - Gooti Toolluro Yogalokwono

⁶ Kevu a'mwo abolo idopto'nodo tonyu kooti yogalo aduuwipi toga yere domdukuurosopi kirumwallo tov yasuwa'no uubweyodupudogaikikono. Aki kevu a'mwo abolo idopto'nodo su tonyu yiuno yasuwa'no to'no romiyosodupudogaikikono. Kevu kaiyako su toro igolodopure kuvi kuruv a'mwo abolo idopto'nodo su tobuurono'gwowi ikwonyapino to'no yopi kemi aikomgu molo maikullokweyogano.

Jems 5:6 Iomraidhean Croise

Aisaiya 53:7

Toro tekwoji kaiyako igolodopure toga dado ibwosuno'no yogalo puru'monodo kuruv maravokaikono. Toro tool sipsip deko madodowodo pwolbusuko sumo'nokaikono. Sipsip pwol noromiyoso'moga'deyo oo ato kuurupiyomallo'moga'deyo toga deko madonekono. Toro toolbusuko kubalno a'mwo su tekwoji noromiyoso'mo yodopure toga yogalo puru'monodo kuruv maravokaikono.

Matyuu 21:38

Toro kuvi kuruv kwolaiyo su tool wain womdo toru ai'movoka toga womdo tovi amollomwallajupo tooro wono'mno aro sajunoporogano. “Oo kwolaiyo akal ganumiyago toolluro aiko toru marowo'ji yiuwi'nokai tonyu nomaronekono. Toro toollu nevu aromiyosa'ji tov ganumiyago toolluro yiuwi'nokai ton yiuno nevuno maranokwono. Toro te kwolaiyo su toollu aromiyosano.” Sajunoporogano.

Matyuu 27:20

Toro adopiyaboka kuvi kuruv pris mido mollomwalokwe toorogai'aro Juu tooravuro mido mollomwalokwe toorogai'aro tooro kwolallo abi'bwo'nopo tonyu aro adupureyokweyo'mo guureji adumuurolovoporogano. “Yiuno Barabasolluno jullurolovonekwopiyabono. Yo'bi Jisasolluno'gwowi aboloneyokwe neya aromiyosupuro.” Su toro wuudupureyokwe tovino guureji adumuurolovoporogano.

Matyuu 5:39

Toro kuvi kuruv nuvno'gwowi aro ikudumo'mokwono. A'mwo pwol ma'no ma'no so'ji toollu guu a'mwo su toollu kaiyako migolbinono. Toro kweku kuruv a'mwo pwol gumoro anato tomguda'ai suuwado tovi alpuurogumollo'ji tov a'mwo su tool gumoro kwonamomguda'ai suuwado tovi alpuuronumolloneyokwe guu neya domorubweyono.

Kuurotokwe 22:14

Aki a'mwo su tool aro anyudokaikono. “Nemi nellukweyago tooravuro Gooti tool aro me'no ajagubweyokaikugono. Gavnokwe toolluro ilaiyo winodowo'jure tonyu youromallo'moneyokwe ajagubweyokaikugono. Aki gamoro Sugudo Kuunodo toollu wonbino'moneyokwe ajagubweyokaikugono. Aki gamoro yogaimaguurai tovi wuu'nubino'moneyokwe ajagubweyokaikugono.

Kuurotokwe 7:52

Aiyogasuro kemi tellukweyago su tooro yiuwi'nokai Gooti toolluro proofet sumo'nugelabiyajupo kworai kuruv kaiyako sugollajuporogano. Yiuwi'nokai Gooti toolluro proofet pwolno pwolnodo toorai kaiyako toro sugolmelabiyajuporogano. Proofet su tooro aro amoruudomollajuporogano. “Gooti toolluro Sugudo Kuunodo tool nobwonekono.” Toro moruudomollodopure kworai kuruv kemi tellukweyago tooro aromiyosajuporogano. Toro kuvi kuruv aga'no'gwowi Gooti toolluro Sugudo Kuunodo amoruudomollajupo su tool me'no abokaikono. Toro aboka toollu kevu buulo uugunyumopiyo'mno aromiyosopekono. Toro te aga kevu kwolluro romiyosokwe wimo'nodupudorekikono.

Kuurotokwe 8:32

Toro ilomwalno sumaiyokwe a'mwo Afrikada'ai tool Gooti toolluro kuuguudo amomjojogilmovlaiyajuko tov arokwono. “Oo toro tekwoji kaiyako igolodopure toga dado ibwosuno'no gamoro yogalo puru'monodo kuruv maravokaikono. Toro tekwo aro to'busuko sumo'nokaikono. Sipsip pwol gamoro ato tov dovoruupiyomallo'mo toga deko madonekono. Aki sipsip muugunyo pwol noromiyoso'mo meromokavla'mdopure toga deko madonekono. Toro to'busuko kubalno a'mwo su tekwoji noromiyoso'mo yodopure toga gamoro yogaimaguurai puru'monodo kuruv maravokaikono.

Hibruu 10:38

Aki a'mwo pwol moro sumdo tovi sugudo imo'nodowodo su tool gamoro kuudo uubweyodowodo tovi'aro aiyo mujomwekovla'mwalonekono. Toro kuvi kuruv a'mwo gabovo pwol mino buulo anuugunyumopiyo'ji to'gwowi nuu ilaiyo mimwalmekono.” Sakwollungikokwono.

Jems 2:6

Toro kuvi kuruv kevu a'mwo abolo apoo'nyaiyo pubuuraino yovo tov bwolomorumwogapiyodapudogaikikono. Kuudo neya jaullulo. A'mwo abolo kuto ivito bwotonyagokwe ton kemi jul'nyo ikullabodupudogano. Aki kuto ivito bwotonyagokwe su ton kemi kooti yogalo daikullo'moneyokwe tomuuno me'nolopuuromokovla'mdupudogano.

Jems 4:2

Kevu noonyumwonyu punyuno kwanyu sumdo kinuwiyodupudo kuvi kuruv ku'nono mama'dupudogaikikono. Toro tovino tov kevu kuto ivito su tonyu ipolomallo'moneyokwe a'mwo pworai romiyosodupudogaikikono. Aki kevu a'mwo pworavuro kuto ivito tonyuno kwekuullu kuudo yau'dupudo kuvi kuruv kuto ivito su ton ku'nono mama'dupudogaikikono. Toro tovino tov kevu kuto ivito su tonyu ipolomallo'moneyokwe molo inodupudogaikikono. Aki kuto ivito tonyu ipolomallo'mo togaikul molo yogalo kuullajunodupudogaikikono. Toro kuvi kuruv kemoro mama'dupudo tovino kavlo tov arokwono. Kevu Gooti toollu ikullabiyo'moneyokwe tovino muudoganodupudo tovinokwono.

1 Pita 4:18

Su toro tovino Gooti toolluro yogalo sakwollungiko puruv aro dodowodokwono. “A'mwo abolo Gooti toolluro sumdo tovi sugudo wimo'nodupudo tobuurai ma'no ma'nodo tovuro kirumwallo tovida'ai bomollurolovomokalokwiyo'moneyokwe womdo tov kavenodo'maiyo. Toro tovino tov a'mwo abolo Gooti toollu muumjunodupu ma'no ma'no mujumovlaiyokwe su tonyuno'gwowi Gooti tool mabomollurolovomokalokwonogano.” Dodowodokwono.