Lukas 9:41 - Alkitab bahasa Selaru

⁴¹ Lemade Yesuske tyanuk ti iry ribun desikre mumu ma byohe, “Hei, ei neke mihatw, ode lema mtyohak! De ana kor e nini kolkya? Ode ana kukita nini hekyab o mtyohak Yaw de?” Lemade Yesuske tyanuk ti naman desike ama ma byohe, “Mor anamw desy ma.”

Lukas 9:41 Iomraidhean Croise

Matius 11:28

Hei iry ribun a lema maneti kyal ode mahar a mdedan e! Mmya ma myait Yaw, kali ana kaditi harhar mdedan desikre ba toha e, ode kala e ma mmyea mo ktyutw.

Matius 12:39

Keskyede Yesuske hyalas iry desikre ma byohe, “Taras neke taras iry mahature. Ode iry mamin ti taras neke rbuma kala nyatos harharkwe it ti sir, ma bisa ma rtohak ma Yaw, keskyede ana lema kala nyatoske sasasam ti sir dakun. De cuma mo kala nyatos maola nyatos a heitlulswo madi ti Yunus iry manety Hulasokwe wasi nyano desy bo.

Matius 12:45

Lemade ngkeskwaw desike bya ti ryubut ngkeskwakwe itw elik, neke rahatw ksyalik ma rbilak a i, ode yor sir ma rma ma rsukar iry desy huruk ma rmon ti. Dendye iry desike isike ksunw ma lan, ma kbyilak a mamunake dakun. Lemadendye ktela maoly desike, ana kdi ti iry mahatw mamin ti taras ne dakun.”

Matius 16:4

Ei neke taras iry mahatw a e, ode lema mhye Hulasokwe. Ei neke mbyuma kala nyatos masalsyalik ike ti e. Keskyede ana lema kala nyatos salik ti e de, de cuma mo ana kala nyatoske it ti e, neke nyatos maola nyatos a heitlulswo Hulasokwe iala ti Yunus, iry manety Hulasokwe wasi nyano desy bo.” Yesuske itanuk koldyesy maktei bonyo, tyutuk iry desikre ti desy, ode lyakut ma bya.

Matius 17:17

Lemade Yesuske tyanuk ti iry ribun desikre mumu ma byohe, “Hei, taras lema matohak e, ei neke lema mhye mibasara de! Dendye ana kor e nini kolkya? Ode ana kukita nini hekyab o mtyohak Yaw de? Amo, mor anamw desy ma.”

Matius 23:36

Lemadendye mtyomolu mamak nam kutanuk ti e ne. Ktela atyat dai kutanuk nekre mumu neke ana taras selsel neke mhyar!”

Matius 3:7

Keskyede kyoat yatos iry ribun manosy a lui Farisi-nare, ror iry manosy lui Saduki-nare, ma rma ma byabtis a sir, desikeo tyanuk ti sir de byohe, “Hei iry ribun mahatw maola ni e! Esei ne ibu ti e ma mila mmyai ne ne de? Ma masunw manosy Hulasokwe ana kima o lema kena e ne de?

Markus 10:14

Kyoat Yesuske iatos ktela desy bonyo, kyeyer a wasi matoha Iare ode tyanuk de byohe, “Mlyura naman kakan desikre ma rma ma rait Yaw, de kete mbya etno eta sir. Kali iry maola naman kakan desikre, ana wenatke ne wen Hulasokwe ihareta kola Rajake tike.

Markus 10:49

Lemade Yesuske imres, ode yaso ma rabuk iry matmabol desy. Dendye iry desikre rtanuk ti iry a matmabol desy ma rbohe, “Mumdiry, ode malkyau ralamkwe, kali Yesuske yabuk a o!”

Markus 9:19

Lemade Yesuske tyanuk ti wasi matoha Iare ma byohe, “Hei, iry a lema matohak e! Musti mo ana kor e nini kolkya? Ode ana kukita nini hekyab o mtyohak Yaw de?” Lemade Yesuske tyanuk ti naman desike ama ma byohe, “Mor anamw desy ma.”

Lukas 8:25

Lemade Yesuske tyanuk ti wasi matoha Iare ma byohe, “Kyanmwane lema mitohak Yaw ne de?” Iry desikre rmetratw ode ramtaut mait, ma it de tyanuk ti it ma rbohe, “Iry neke esei ne bain de? Mane inal haretke ti esw o besa nekre, ma kele rateka mait ne de!”

Lukas 9:40

Ode kuten toha wasimw matoha Oare ma resak a ngkeskwaw desy, keskyede lema rala ral i.”

Lukas 9:42

Malmata naman desike lyakut ma ti iney a Yesuske, ngkeskwaw desike byesak naman desy ti lasmyerke, ode yayak i ti de yayak i ma. Lemade Yesuske yaswel ngkeskwaw desy ma ngkeskwaw desike byetik toha naman desy ma naman desy eras a i, maktei o Yesuske yal i ti ama.

Nyasoare ti Karyaatare 13:18

Kyoat rabetik toha Mesir bonyo, ramin ti wen malosy-loskye, ode Hulasokwe syeak sir ti wait mormyorifke nini ainke hean-at ti wen desy, biar ma totatare lema eras dakun.

Nyasoare ti Karyaatare 2:40

Lemade Petrus tyanuk a ktela it ktela it ma yal ma syurat sir, maktei o tyanuk ti sir ma byohe, “Miten Hulasokwe ma yaorif e! Ode kete mtyoha iry mahature ti taras ne, kali kolnye mtyoha sir desikemo Hulasokwe ana yukun e dakun!”

Roma 2:4

Anakyai lema mhyaduli ohe Hulasokwe syusu rala eraske ma mausw ksyalik ti e, ode yala ralake ma lublub ma kete samlurw o ika keyer de ikita bo. Keskye musti mo mhye ohe Hulasokwe syusu rala eraske ti e, kali byuma ei ne mtyunik wasimy lim o sal nekre ba.