Lukas 9:11 - Alkitab bahasa Selaru

¹¹ Keskyede iry ribunke rtomolu ma Yesuske yor wasi matoha Iare rbai wen kele ratelin desy bonyo, iry ribun lan desikre rlakut ma rtoha I dakun. Ode iry desikre ti ranait Yesuske ti wen desy bonyo, Yesuske yal sir ma raktemtem ti desy, ode ihes ti sir ohe Hulasokwe mya ma hyareta kola Rajake. Ode nyoha iry klurukare ma eras sir dakun.

Lukas 9:11 Iomraidhean Croise

Matius 14:14

Ode kyoat Yesuske rsara sir ma yorw toha aroke ei laranke khahake bonyo, yatos o irire ribun sir a ksyalik, ma khyury ma lyobak sir. Lemadendye nyoha iry a isy masunure wait a kbainare ma eras sir.

Matius 21:31

Lemade Yesuske yena iry desikre huruk ma byohe, “Ktyoha e mo, ti naman deru desike, neke ese tyoha ama-na nam itanukke de?” Iry desikre rhalas ma rbohe, “Naman auskwe.” Lemade Yesuske tyanuk ti sir ma byohe, “Mlay! Mtyomolu mamak nam kutanuk ti e ne. Iry a maily usure, ode wamfwet atyatare ana rmuna e, ma sir desike ana raka iry a Hulasokwe ihareta kola Rajake ti ralat a kralanare ne.

Matius 21:43

Lemade klwosu ti e ohe, wasimy hakke ma ana mika iry a Hulasokwe ihareta kola Rajake ti ralat a kralanare ne, keskye ana Hulasokwe yal a yolik hak desike toha e, ma ana yal ti bangsa matoha nam itanukare ne. [

Lukas 1:53

Iry mamlarare mo, yal mauskwe ti sir ma kinanal sir, ode yesak iry maka wait malolire ma rba o ramranran.

Lukas 5:31

Lemade Yesuske hyalas sir ma byohe, “Iry a lema klurukare lema robak dokterke, klala iry a klurukare robak dokterke.

Lukas 8:1

Lema klenke soso bonyo Yesuske lyakut a lyola hnu kakan o lan nekre, ma yabrita Brit Eraske ohe Hulasokwe mya ma hyareta kola Rajake. Kyoat desike dakun o wasi matoha I dehean a kresi enaru desike rlakut ror I.

Lukas 8:10

Dendye Yesuske hyalas wasi matoha Iare ma byohe, “Ei neke Hulasokwe yal hehe eraske ti e, ma mhye o kolkyabei ma Hulasokwe mya ma hyareta kola Rajake. Klala ktela neke kihunik i ti iry salik. Mane ne kajar sir a kyor tun inahliakke, ma ‘Biar ma ratos, keskyede lema rmatakit, ode biar ma rtomolu, keskyede lema rhe kbuanare.’

Lukas 9:10

Kyoat a Yesuske wasi nyasoare raulak sir bonyo, rahes a nam ribun rakarya desikre ti Yesuske. Lemade Yesuske yor a sir ma rbai wen kele ratelinke ti hnu Betsaidake kserike. Desikeo rmesan a ror Yesuske bo.

Lukas 9:12

Ode sekwe yala ma idi bonyo, Yesuske wasi matoha I dehean a kresi enaru desy rtanuk ti Yesuske ma rbohe, “Tuanggurw O, maso iry ribun desikre ma rbai hnu maney nekre, ma ti robak kotw ma ra, ode wen ma ramin ti aduk, kali wen a tamin ti neke kele rtelin.”

Lukas 9:2

Ode yaso sir ma ti rabrita ohe Hulasokwe mya ma hyareta kola Rajake, ode rnoha kbainare toha irire ma eras sir.

Nyasoare ti Karyaatare 28:31

Ode Paulus ires ma yabrita o kolkyabei mane Hulasokwe ima ma ihareta kola Rajake ne, ode yajar sir ti kihali ity Ebut Yesus Kristuske. Kyoat iabrita desike lema kika iry maba eta i.

Roma 10:14

Keskyede kolkyabei ma irire bisa ma raten ity Ebutke ma yaorif a sir, kolnye lema rtohak ti I de? Ode kolkyabei dakun ma bisa ma rtohak ti ity Ebutke, kolnye lenla rtomolu Brit Eraske ti khyali I ne de? Ode kolkyabei ma bisa ma rtomolu Brit Eraske ti khyali I, kolnye lema kika iry maabrita Brit Eras desy ti sir de?

Roma 10:17

Dendye irire bisa ma rtohak ti Kristuske, kolnye iry desikre rtomolu Brit Eraske. Ode irire bisa ma rtomolu Brit Eras a kilosu Kristuske ne, kolnye irire rabrita Brit Eras desy ti sir.

Roma 15:3

Kali Kristuske dakun o lema ryekan tenanke kmyesan bo, biar ma I neke Iry a Hulasokwe isusu ma ika Raja ode yaorif irkye. Kola tun Kristuske itanuk ti Hulasokwe ma rakesy ti Kitab Lanke ma kbyohe, “Nam sai irire rtanuk ma rahmway O, nam desike kola ne rtanuk ma Yaw ma desy.”

2 Timotius 4:2

Musti mo mundil ma mabrita Hulasokwe tunanare, biar ma irire lema rtomolu o dakun. Ode kolnye irire raka salat, desikeo musti mo mlwosu salatare ti sir, ode mtwerik iry maala ktela atyatare dakun. Ode musti mo malkyaw irire ralat a kralanare, ma rala ktela erasare kmyesan ti kiba knaru ne. Ode kete samlurw o mkweyer, de mal ral lublubke ma majar sir.