Lukas 7:42 - Alkitab bahasa Selaru

⁴² Ode iry deru desy lema rait ma reluk kuban desikre, dendye iry a maka wasi kuban desike byuma kete reluk de ktei bo. Lemade ti iry deru neke ese iten eraske lan ma kbyilak ti iry maka wasi kuban ne de?”

Lukas 7:42 Iomraidhean Croise

Matius 18:27

Dendye raja desike ralake klyobak makarya desy ksyalik, lemade raja desike syos makarya desike wasi utanare ba mumu ma ktei.

Matius 18:34

Lemade raja desike kyeyer a ksyalik. Dendye yaso ma rluk makarya mahatw desike ei sey metmetke kralake. Ode yaso iry majaga ti sey metmet desy ma roban makarya desy, nini syelw wasi utanare mumu ma ktei.”

Matius 6:12

Ode mswos ara salamire ba, kola dene, aramy misos iry maka salat ma aramy ne dakun.

Lukas 7:43

Simon a hyalas ma byohe, “Krwekan mo iry mautan kuban ribun desy.” Yesuske hyalas ma byohe, “Tun mutanukke mlay.”

Roma 3:24

Keskyede selsel ne kyosy a Hulasokwe rala eraske, dendye yohut ohe, mlay a ity ti I ne, neke lema khyali nam taalanare, kali nam taalanare lema bisa ma ktyuny kyal Hulasokwe rala eras inal ma ity ne. De Hulasokwe yohut ohe, mlay a ity ti I ne, neke khyali inal Anan Yesus Kristuske ma imaty ma ilitan eta ity ne.

Roma 5:6

Hulasokwe wasi loblobakke ma ity ne kolnye: kyoat werke kyait ity telatare de, kali lema bisa ma tbetik toha lim o sal kidan ity ne, dendye kyait sew a Hulasokwe itunikke bonyo, Kristuske myaty khyali ity a tasorw a Hulasokwe ne.

Galatia 3:10

Keskyede esei desike ryekan o, i desike mlay a i kali tyoha tnyetak Musake, dendye i desike musti mo hye ohe ana Hulasokwe yukun i ma yotuk i bai mamaty rala. Kali rkesy ti Kitab Lanke de, ma kbyohe, “Esei desike byuma tyoha tnyetak Musake, musti mo tyoha tnyetak Musa ikesy desikre mumu ti sew kyaki nekre. Klala esei desike tyoha tnyetak Musake, keskyede yala sal ti tnyetak Musa desike it bo, desikeo ana Hulasokwe yukun i ma yotuk i bai mamaty rala.”

Efesus 1:7

Ode kyoat Kristuske myaty, desikeo larake kibo ei lasmyerke khaha ne. Dendye Hulasokwe yal Kristuske lara desy, ma klyitan eta ity, ode yal ma syos ity wait lim o sal nekre ba. Hulasokwe yala koldyesy, kali ralake eras a ksyalik.

Efesus 4:32

De musti mo it de lyobak it, ode it de syusu rala eraske ti it, ode it de syos it wasi lim o sal ba, kola ne Hulasokwe isos ity salatare, khyali Kristuske imaty ma lyitan eta ity ne.

Kolose 3:13

Ode kete it de yatil it, de kolnye iry salik rasal ti e, desikemo musti mo msyos wait sal desikre ba, kola ne ity Ebutke isos salamire ba ne.