Lukas 7:41 - Alkitab bahasa Selaru

⁴¹ Dendye Yesuske tyanuk ti i ma byohe, “Kolnye irkye enaru ma rutan kuban toha iry a maka wasi kubanke. Neke it a yutan kuban blyawan bokbokke atkwe enasim, ode it a yutan kuban blyawan bokbokke hean-sim.

Lukas 7:41 Iomraidhean Croise

Matius 18:28

Keskyede kyoat makarya desike ibetik bonyo, inal a yor lian makaryake it dakun, ma lian desike ika wasi utan ti makarya dai rabihy desy, neke karyarike kuban blyawan bokbokke atw. Lemade makarya desike tye lian desy telake ode byohe, ‘Hei, mswelw wasimw utan muutan toha yaw desy mirin!’

Matius 6:12

Ode mswos ara salamire ba, kola dene, aramy misos iry maka salat ma aramy ne dakun.

Markus 6:37

Keskyede Yesuske hyalas wasi matoha Iare ma byohe, “Lema! Ei neke musti mo myal kotw ti iry nekre ma ra.” Lemade rhalas Yesuske de rbohe, “Kolkyabei ma bisa ma aramy mlyiw roty karyari ne, ma aramy myal ti iry nekre mumu ma ra de? Roty desikre khesike anakyai kubanke atkwe enaru!”

Lukas 11:4

Ode mswos ara salamire ba, kola dene, aramy misos iry maka salat ma aramy ne dakun. Ode kete mlwura aramy, ma nam dum a khyury aramy ma kyor aramy ei atyatke.”

Lukas 12:48

Keskyede kolnye iry makaryake yala ktela salare, kali lema hye ktela wasi lalanke ibuare, lemade wasi lalanke ana yoban kakan i bo. Kali esei desike Hulasokwe yal eraske lan ti i, iry desy musti mo kyarya lan ti Hulasokwe dakun. Ode esei desike Hulasokwe yal haretke ti i ma lan, iry desy musti mo yala mamamak haret lan desy ti Hulasokwe dakun.”

Lukas 13:4

De lema mhye ohe toreng maney Siloam desy klyily ti kdyan iry dehean a kresi walw desikre ma rmaty. Kali ei ne mryekan o ktela neke kdi ti kali iry desikre wait lim o sal ribun ma kryesik iry salik mamin ti Yerusalem desy mumu e?

Lukas 7:40

Lemadendye Yesuske tyanuk ti iry Farisi desy ma byohe, “Simon, kala ma ktwanuk tunke it ti o.” Simon a hyalas I de byohe, “Tuanggurw, mtwanuk.”

Lukas 7:47

Lemadendye ktwanuk ti o, iry a wasi lim o sal ribun lan nekre Hulasokwe syos ba de, desikeo yal ralake kralake ti Hulasokwe o lan a ksyalik. Klala iry a wasi lim o sal tebikanke Hulasokwe syos ba dakun, desikeo yal ralake kralake tebikan ti Hulasokwe bo.”

Roma 3:23

kali irire mumu ne rala lim o sal, dendye soso sir toha Hulasokwe wasi madelafke de.

Roma 5:20

Keskyede heitlulswo ti klelan Adam yor Yesuske desy, desike ne Hulasokwe yal wasi tnyetakke ti Musa, mamode irkye bisa ma hye toha lbweta ohe, wasi lim o sal ialanare ktyabal a ktyabal toha. Keskyede kyoat lim o sal neke ktyabal a ktyabal toha, desikeo Hulasokwe rala eras inal ti irkye ne ktyabal a ktyabal ma mausw dakun.