Lukas 5:8 - Alkitab bahasa Selaru

⁸ Kyoat Simon Petrus iseak a ktela desy bonyo, syakitil ti Yesuske lwau-na ktutunare ma byohe, “Amam Lan O! Lemamo soso O toha yaw, kali yaw neke iry a lim o sal yaw.”

Lukas 5:8 Iomraidhean Croise

Matius 17:6

Ode kyoat wasi matoha I detelw desy ratomolu tel desy bonyo, rsakitil ode rou ma nenma rakikisy lasmyerke, kali ramtaut ma ksyeman sir.

Matius 2:11

Lemade iry desikre rsukar ei sekye krala desy, ma ti rseak a naman desike yor ena Maria, ma rsakitil ode rou ti naman desy. Maktei bonyo iry desikre rlakat wait batbatak a rasosan malolitare ti nekre, ma ral blyawan kunkuny o, kemenyan o, mur, ma ral ti naman desy.

Matius 8:8

Keskyede suldatare wait uskwe khatu desike hyalas Yesuske ma byohe, “Amo, kete mbwai wasikw sekye, kali lema kbwer o ktwahal ma kal O ei wasikw sekye kralake. De kolkyabei mo mtwanuk tunke khatuke it ti ne, ma bisa ma wasikw makaryake eras a i bo.

Lukas 5:7

Lemade rkahy a liat mamin wait aro idake ma rma ma rsaluk sir, dendye liatare rma ma raktemtem a raboli masy desikre ei wait aroare, ma kbyenw ma nenma klyodur.

Lukas 5:9

Simon tyanuk koldyesy kali yor lian desikre mumu rmetratw ti raseak masy ribun darkye kinal desikre.

1 Korintus 13:12

Kola ne ity ne dakun, ma tamin ti lasmyerke khaha ne a nggora, desikeo lenla bisa ma the bain-bain nam nekre mumu. Kola ne tatos ity matatare ti tatayal ahwahkwe ne. Keskye kyoat ana ti tsara Hulasokwe o wen sra eraske, desikeo nenmo bisa ma the bain-bain nam nekre mumu. Koldyesy dakun o senweke ti lasmyerke khaha ne, neke the Hulasokwe ralake kralake tebikan bo, keskyede ana kyait sekwe ma tbai wen sra eraske, desikeo nenmo the Hulasokwe ralake kralake mumu, kola ne Hulasokwe ihe ity ralat a kralanare dakun ne.

Wahyu 1:17

Lemade kyoat kuatos I bonyo, klwily ma kubobob ti wasi lulululw ne, kola dene iry a mamatkye ne. Keskyede syaa sima wanke ma yaw ode tyanuk ma byohe, “Kete mumtaut! Kali Yaw neke Iry Mamuna Yaw, ode Iry Manosy Lyaw a Yaw,