Lukas 4:6 - Alkitab bahasa Selaru

⁶ ma tyanuk ti I de byohe, “Nam ribun-ribun kuhareta nekre ktyabal malolkye ana kal ti O ma mhwareta, kali nam ribun nekre Hulasokwe yal ma yaw de, ode ana kdwakin esei ta esei, desyo kal ti i.

Lukas 4:6 Iomraidhean Croise

Lukas 4:7

Lemadendye kolnye mswakitil ode mou ma yaw, desikemo nam ribun nekre ana wasimw.”

2 Korintus 11:14

Dendye kete mhyeran ti kolnye iry desikre rala ktela maoly desikre. Kali ngkeskwaure wait uskwe khatuke dakun o, kyalamo ihliak tenanke kola Hulasokwe wasi nyaso madelaf manosy laitke ne.

Efesus 2:2

Ode kyoat desike mimorif kyaki-kyaki ne mtyoha ktela atyat mamin ti nuske ktem ne a nggora, ode mtyoha ngkeskwaure wait uskwe khatuke. Ode uskwe khatu ngkeskwaw desike hyareta ngkeskwaw mamin ti laitke, ode i ne dakun o hyareta e a myor iry a lema matomolu ode matoha Hulasokwe ne.

1 Yohanes 5:19

Ode the dakun ohe, ity neke Hulasokwe wasi iry a ity. Klala iry a lema matohakare ti nuske ktem ne mumu ne, neke ngkeskwaure wait uskwe khatuke hyareta sir.

Wahyu 12:9

Lemadendye Mikhael yor wasi nyaso matoha i desikre, rotuk sory alas lan desy yor wasi nyaso matoha iare mumu ne ei lasmyerke khahake. Sory alas desike ngkeskwaure wait uskwe khatuke i desy, ma ani Ibliske, ode ani Satanke dakun. Ode i ne dakun o ni a kyoat heitlulswo, neke i desy. Ma i ne iakal iry ribun mamin nuske ktem ne, mane kihury ma irkye isorw a Hulasokwe ne.

Wahyu 13:2

Heal kuatos neke tenanke kola harimauke tenanke, ode lwaunare kola beruangke lwaunare, klala nunuke kola singake nunuke. Lemade sory alas desike yal amalkyauke, ktyabal wen a ika raja ma ihareta tike, ma yal ti heal mahatw desy.

Wahyu 13:7

Ode Hulasokwe lyura heal mahatw desike ma syorw a iry matohakare, ma yala yal sir. Ode heal mahatw desike yal wasi haretke ma hyareta irire mumu ti nuske ktem ne, neke irire mumu manosy a klolanare mumu, ode irire mumu mamin ti negara-nare mumu, ode irire mumu mamin ti bangsa-nare mumu, ode irire mumu manal tel salno salik nekre mumu dakun. Ma iry mamin ti nuske ktem ne mumu ne heal mahatw desike hyareta sir.