Lukas 4:5 - Alkitab bahasa Selaru

⁵ Lemadendye ngkeskwaure wait uskwe khatu desy yor Yesuske bai wen atatke it, ode syusu mait nuske ktem ne mumu ti Yesuske,

Lukas 4:5 Iomraidhean Croise

Matius 24:14

Ode ana rabrita Brit Eras a Hulasokwe ihareta kola Rajake ne ti nuske ktem ne mumu, ma irire mumu ne rtomolu Brit Eras desy ma ktei, desikeo nenmo nuske ktem ne klyodur.”

Matius 4:8

Maktei o ngkeskwaure wait uskwe khatu desike yor Yesuske bai wen atatke it, ode syusu mait nus o hnu mamin ti nuske ktem ne mumu, ktyabal nam eras mamin ti krala nekre mumu ti Yesuske.

1 Korintus 15:52

Ode ktela desikre mumu kdi ti, ti kyoat ttomolu strompet manosy lyaw lahlahukke ma kdudu. Ma kyala mait bonyo, iry matohak ti Yesuske ma ramaty ne, Hulasokwe yala sir ma rmorif huruk, ror tenat harharw a lema bisa ma kibtasy ne. Ode ity a matohak a tamorif a nggora ne, lema tmaty, de Hulasokwe ihihi ity tenatare ma harharw dakun.

1 Korintus 7:31

Lemadendye bisa ma myal ktela miala ode mirekan ti nuske ktem ne, ma myal ma mbyuak ti wasimy mormyorifare. Desike lema nam. Keskye kete myal wasimy mormyorifare ti ktela desikre, ma cuma mo mryekan ti ktela desikre bo. Kali ana lema soso bonyo nuske ktem a tamatakit ne kyor nam desikre mumu ne lema kimin de.

2 Korintus 4:17

Kali masunw madan aramy ti selsel ne lema soso. De aramy mryekan o mran bo, kali ana kyety eras manal nini namke ma aramy. Ode kolnye aramy milalau masunw desikre kyor eras desy, desikeo eras desike lan de lan ma kbyilak masunw madan aramy desikre, ma lema bisa ma aramy mlyau myal eras desike kdedake.

Efesus 2:2

Ode kyoat desike mimorif kyaki-kyaki ne mtyoha ktela atyat mamin ti nuske ktem ne a nggora, ode mtyoha ngkeskwaure wait uskwe khatuke. Ode uskwe khatu ngkeskwaw desike hyareta ngkeskwaw mamin ti laitke, ode i ne dakun o hyareta e a myor iry a lema matomolu ode matoha Hulasokwe ne.

Efesus 6:12

Mnyenas! Lema tamdiriat a tor iry a tamatakit a sir ne, de tamdiriat a tor ngkeskwaure wait uskwe khatuke, ode tor wasi ngkeskwaw matoha iare mumu. Sir ne lema tmatakit a sir, keskye rkumak haret kelerakokke, ma rtenuk ode rhareta nam atyat mamin ti lait o lasmyer nekre mumu. Sir ne rasorw a ity ma tamdiriat ne.