Lukas 4:34 - Alkitab bahasa Selaru

³⁴ “Hei! Yesus iry Nazaret O, mrweky sai ma aramy ne de? Mmwa ma mkwordalam aramy mane e? Yaw ne khwe o esei O de. Oi neke Iry Nelnyely manosy a Hulasokwe.”

Lukas 4:34 Iomraidhean Croise

Khyehyeike 3:15

Ode ana kiba knaru neke kala o ma mor a wamfwet desy it de imnisik a it, ma ti kyait wamfwet desike tesnwo natu, ror tesnwo natumw it de imnisik a it dakun. Ma wamfwet desy tesnwo natu syosno tyabak usumkwe khatuke, ode o a ana mkwuty a tikake.”

Matius 8:29

Ode iry deru desike reik ma rbu de rbohe, “Hei, Hulasokwe Anan O! Nam sai ne mureky ma aramy ne de? Lenla kyait sew a Hulasokwe itetakke bonyo, mmwa ma moban de mtwaba aramy ma ne e?”

Markus 1:24

“Hei! Yesus iry a Nazaret O, mrweky sai ma aramy ne de? Mmwa ma mkwordalam aramy mane e? Yaw ne khwe o esei O. Oi neke Iry Nelnyely manosy a Hulasokwe.”

Markus 1:34

Ode Yesuske nyoha iry ribunke wait kbai salno salik nekre, ode yesak ngkeskwaw ribunke dakun toha iry desikre ma rbetik, ode lema lyura ngkeskwaw desikre ma ratun, kali rhe ohe Yesus neke Hulasokwe Anan a I.

Markus 5:7

Lemade Yesuske tyanuk ti iry desike ma byohe, “Hei ngkeskwaw o, mbwetik toha iry ne!” Dendye iry desike telake lan ma tyanuk de byohe, “Yesus Hulasow Lan Lahukke Anan O, mrweky sai ma yaw ne de? Kuten ma muhwab ti Hulasokwe ma ana lema muhdawan yaw, ma isikkwe ksunw!”

Lukas 1:35

Lemade nyaso manosy lait desike hyalas i de byohe, “Hulasokwe Memeanke ana kyorw ti o, ode Hulasow Lan Lahukke amalkyauke ana kyaoa o, ma ana naman mudur ti desike nelnyely a I, ode ana rbu de rbohe, ‘Hulasokwe Ananke.’

Lukas 4:33

Ode ti sey rasambayan tike krala desy, irkye it a ngkeskwakwe syukar i soso de, neke byoran ma byohe,

Lukas 4:41

Ode Yesuske yesak ngkeskwaure dakun toha iry desikre ma rabetik bonyo, rboran ma rbohe, “Oi neke Hulasokwe Anan O!” Keskye Yesuske tyerik sir ma kete ratun, kali rhe ohe I neke Iry a Hulasokwe isusu ma ika Raja ode iaorif irkye ne.

Lukas 8:37

Lemadendye iry Gerasa desikre mumu raten Yesuske ma tyutuk sir ode bya, kali ramtaut ma ksyeman sir. Lemade Yesuske syai aroke.

Nyasoare ti Karyaatare 16:39

Dendye mel desikre rma ma raten toha Paulus yor Silas ma kete rkeyer a sir. Maktei o ror deruke ma rbetik toha sey metmetke kralake, ode raten ma lemamo deruke rbetik toha hnu desy.

Nyasoare ti Karyaatare 2:27

kali Hulasow O, Oi ne lema mlwoin toha yaw ti kumin mamaty rala ne, ode lema mlwura wasimw Iry Nelnyely ne ma tenanke khyon ti asake kralake.

Nyasoare ti Karyaatare 3:14

Yesus neke Iry a nelnyelkye ode Iry mlakye, keskyede mibu a mituly I, klala miten ma Pilatus musti mo tyunik iry matabahunw a irkye ne ti e.

Nyasoare ti Karyaatare 4:27

O Hulasow O, tun Daud itanuk nekre mlay ma kdi ti de, kali raja Herodes Antipas, yor gubernur Pontius Pilatus, rawahuk sir a ror iry a lema Yahudi-nare, rtabal iry a Israel-are ti nus Yerusalem ne. Lemade raktemtem a rreky ma rsorw Yesuske. I neke wasimw Makaryake ma rtabahunw a I. I neke nelnyely a I, ode mswusu I de ma ika Raja ode yaorif irkye.

Yakobus 2:19

Ode ei neke mtyanuk ohe mtyohak o Hulasokwe sasasam a I bony ode? Desike mlay! Keskye ngkeskwaure rtohak ktela desy dakun, lemade ramtaut ma ramlulurw.

1 Yohanes 3:8

Klala iry a lema imres ma iala lim o salke mo, ngkeskwaure wait uskwe khatuke anan a i. Kali kyala kyosy khyehyeike de, ma kyaki-kyaki ne, ngkeskwaure wait uskwe khatuke i ne iala lim o sal nekre bo. Kali koldyesike mane Hulasokwe Ananke myai nuske ktem ne, ma iskyui-iskyay ngkeskwaure wait uskwe khatuke wasi ktela iala desikre mumu.

Wahyu 20:2

Ode nyaso manosy lait desike kyumak a sory alas desy, ode yal rante desike ma dyalun a i, nini ainke ribunke sasam. Sory alas desike ngkeskwaure wait uskwe khatuke i desy, ma ani Ibliske, ode ani Satanke dakun.

Wahyu 3:7

Irkye Ananke tyanuk huruk ma yaw ma byohe, “Mkwesy atyahkye it, ma mlwosu wasikw nyano ne ti nyaso manosy laitke, ma ti lyosu wasikw nyano ne ti iry ribun matohak ma Yaw ne, o nus Filadelfiake. Neke mkwesy kolnye, Nyano neke kyosy Iry a Nelnyelkye ode Iry Mlakye, neke Yaw. Ma Yaw neke kkwumak raja Daud wasi kuskuske, ma kolnye kkwus holholatke ma kimlakat de, desikemo irkye it a lema bisa ma hyolat eta holholat desy de. Ode kolnye khwolat holholatke ma kkwus eta de, desikemo irkye it a lema bisa ma lyakat holholat desy dakun de.