Lukas 4:25 - Alkitab bahasa Selaru

²⁵ Dendye mtyomolu, kali heitlulswo kyoat Elia imorifke, lema uske ainke enatelw o ktera elik, ma lu o laar lan a ksyalik ti hnu desikre mumu. Ode enen somare o ribun sir ti Israel dakun.

Lukas 4:25 Iomraidhean Croise

Matius 20:15

Dendye kbwuma kala sai ta sai, desyo kyosy a yaw bo. Kali wasikw! Dendye kete mswoi ralamw ti kuala eraske ti irire ne dakun.’”

Lukas 10:21

Kyoat desike dakun o Hulasokwe Memeanke kbyenw a Yesuske, ma khyury ma imukmuka imarmara I ode syambayan ma byohe, “Amakw a Amam Lan O, Oi ne muhareta ti lait o lasmyerke khaha ne. Klweru Animkwe, kali tun dai kutanuk nekre mumu ne muhunik ti iry mahe telare. Keskye Amo, mlwosu tun nekre mumu ti iry a manauk tenatare ma babaf ne. Ode Amo, mala koldyesy kali ktela muala desy khyury ma ralamkwe kimukmuka i.”

Roma 9:15

Kali Hulasokwe tyanuk ti Musa de, ma byohe, “Kolnye kbwuma kswusu wasikw loblobakke ti esei desy, desikemo kswusu ti i bo. Ode kolnye kbwuma kswusu ralakw eraske ti esei desy, desikemo kswusu ti i bo.”

Roma 9:20

Keskye lema bisa ma mtyanuk koldyesy. Ei neke iry a e bo. Ode irkye lema bisa ma tyanuk ti Hulasokwe ohe, Hulasokwe sal a I. Kola dene lkusy a irire raala toha rayahkwe ne, ma lkusy desike lema bisa ma kyena iry maala lkusy desike ma kbyohe, “Kyanmwane mala yaw kolnye ne de?”

Efesus 1:11

Ode kyala kyosy khyehyeike, Hulasokwe yohut de ma yilik ity ma wasi iry a ity de, ma ity neke tety ral sasamke tor Kristuske, ma ktyoha Hulasokwe wasi rekryekkye. Hulasow neke tyenuk ma ktela irekire mumu ne ana kdi ti, ma ktyoha ibuke.

Efesus 1:9

Neke Hulasokwe lyosu wasi rekryekkye ma ity, ma ktyoha ibuke ma kyala ralake ma kimukmuka i. Heitlulswoke Hulasokwe ihunik wasi rekryeky ne ti irkye, keskyede selsel ne yal Kristuske, ma Kristuske yala rekryeky desike ma kdi ti de.

Yakobus 5:17

Mnyenas Elia! Elia neke iry manety Hulasokwe wasi nyanoke ti heitlulswo. Elia neke iry a i bo, kola ity ne dakun, keskye yal ralake kralake bain-bain ma syambayan ti Hulasokwe ma iten ma kete uske. Dendye lema uske nini ainke enatelw ktera.

Wahyu 11:6

Ode kyoat iry deru desy rabrita Hulasokwe wasi nyano desikre ti lasmyerke khaha ne a nggora, desikeo haretke kimin sir dakun, ma bisa ma rbu eta uske ma lema kyoras, ode bisa ma rala wer o tasi nekre ma kihihi i ma kola larke, ode bisa ma rala masunw ribun sai ta sai ti lasmyerke khaha ne, ti sew kabei ta kabei bo, ma ktyoha rabuke.