Lukas 4:18 - Alkitab bahasa Selaru

¹⁸ “Ity Ebutke Memeanke kimin a Yaw, kali byitil sima ma Yaw de, ma kabrita Brit Eraske ti iry a lema manait ei sra o hahare, ode Hulasokwe yaso Yaw ma katelakw ti iry rakumakare ma rtunik a sir, ode iry a lema mamatakitare ma rmatakit, ode kaditi iry mahar mdedanare,

Lukas 4:18 Iomraidhean Croise

Khyehyeike 3:15

Ode ana kiba knaru neke kala o ma mor a wamfwet desy it de imnisik a it, ma ti kyait wamfwet desike tesnwo natu, ror tesnwo natumw it de imnisik a it dakun. Ma wamfwet desy tesnwo natu syosno tyabak usumkwe khatuke, ode o a ana mkwuty a tikake.”

Matius 11:5

neke matmabolke myatakit de, ode mablukutke lyakut de, ode mambaulke iblunke nelnyely de, ode mamolkwe tyomolu de, ode mamatkye myorif huruk de, ode iry a lema manait ei sra o hah nekre, kabrita Brit Eraske ti sir dakun de.

Matius 12:18

Hulasokwe tyanuk ma byohe, “Myatos! Wasikw nyasoke I ne, ma kilik I de. Ma klwobak I, ode kou I ti ralakkwe de. Ode yala ralakkwe ma ksyenan. Ma ana kal Memeakkwe ti I, ode I neke ana yabrita wasikw eras a mlakye ti bangsa-nare.

Matius 12:20

Ode ana syusu rala eraske ti iry a maluhare. Neke kolnye: I neke kolnye yait a kbabil mabelke, desikeo ana lema yohut ma kisalik a i. Ode kolnye yait damarke ma kelelnanke kibail-kibail, desikeo ana lema yohu hyunw dakun. Ode I dakun o ana yalkyaw tenanke nini ktela mlay a kuohut nekre kdi ti mumu.

Matius 4:16

Ma iry mamorif ti lasmyer desikre, neke lulswoke rmorif ti kelerakokke, keskyede senweke nenmo rmatakit madelaf lan ne. Ode madelaf desike ksyusu salke ti iry a mamin ti kelerakok desikre.”

Matius 5:3

“Eraske kimin ti iry a rahe tenatare o lema rber o rtahal ti Hulasokwe ne, kali sir desike Hulasokwe wasi iry a sir de, ode sir desike iry a Hulasokwe ihareta kola Rajake ti ralat a kralanare de.

Lukas 4:17

Dendye iry makarya ti sey rasambayan tike krala desy ral kitab Yesaya ikeskye ti I ma byaca. Yesaya neke heitlulswo iry a manety Hulasokwe wasi nyanoke. Ode Yesuske byuka kitab Yesayake, ma byihy tunke khatuke it ma ktyanuk de kbyohe,

Lukas 6:20

Yesuske yatos wasi matoha Iare ode tyanuk ti sir de byohe, “Eraske kimin ti e, kolnye lema myait ei sra o hah, kali senweke Hulasokwe wasi iry a e, ode ana mimin ti nus lan Hulasokwe ihareta tike.

Lukas 7:22

Lemade Yesuske hyalas iry deru Yohanes iaso desikre ma byohe, “Mbya, ode mtyanuk ti Yohanes nam sai myatos ode mtyomolu de: neke matmabolke myatakit de, mablukutke lyakut de, mambaulke iblunke nelnyely de, mamolkwe tyomolu de, mamatkye myorif de, ode iry lema manait sra o hahke kabrita Brit Eraske ti i de.

Nyasoare ti Karyaatare 10:38

Ode mhye dakun ohe Hulasokwe syusu Yesus a iry Nazaret desy, ode yal Memeanke ktyabal amalkyauke ti I. Lemade Yesuske byai kabei ta kabei bo, ma yala ktela erasare, ode yesak ngkeskwaure wait uskwe khatuke toha irire ma eras sir. Kali Hulasokwe inonor I bo.

Nyasoare ti Karyaatare 26:18

ma ti mhwela matatare, ma rbetik toha kelerakokke ma rei madelahke, ode raditi sir toha ngkeskwaure wait uskwe khatuke wasi haretke ma ti Hulasokwe hyareta sir. Koldyesikemo ana Hulasokwe syos salatare ba, ode yilik sir ma wasi iry a sir dakun, kali rtohak Yaw de.’”

Nyasoare ti Karyaatare 4:26

Raja mamin nuske ktem ne ror usu khatu salik rawahuk sir, ma rasosan sir ma rsorw ity Ebut Hulasokwe, yor Iry a isusu ma ika Raja ode iaorif irkye ne.’

Nyasoare ti Karyaatare 4:27

O Hulasow O, tun Daud itanuk nekre mlay ma kdi ti de, kali raja Herodes Antipas, yor gubernur Pontius Pilatus, rawahuk sir a ror iry a lema Yahudi-nare, rtabal iry a Israel-are ti nus Yerusalem ne. Lemade raktemtem a rreky ma rsorw Yesuske. I neke wasimw Makaryake ma rtabahunw a I. I neke nelnyely a I, ode mswusu I de ma ika Raja ode yaorif irkye.

Kolose 1:13

Kali I neke yaditi ity toha haret kelerakokke, ma yor ity ba ti Anan ilobakke ti wen ihareta tike.

Yakobus 2:5

Waikw o hatnimakw kulobak e, mtyomolu aduk! Iry a lema manait ei sra o hah nekre, Hulasokwe yilik a sir ma wait tohtohakke mausw bain-bain, ma sir ne ral ralat a kralanare ti I de. Ode ana ratot eraske ti wen Hulasokwe ihareta tike, kali heitlulswoke Hulasokwe tyetak maktei de ma ana yal eras desike ti iry manal ralat a kralanare mumu ti I ne.