Lukas 4:1 - Alkitab bahasa Selaru

¹ Kyoat Yesuske rbabtis I, desikeo Hulasokwe Memeanke kbyenw a I. Lemade yulak I a yosy sah Yordanke bonyo, Hulasokwe Memeanke kyeuk I ma byai wen malosy-loskye.

Lukas 4:1 Iomraidhean Croise

Matius 3:16

Kyoat Yohanes ibabtis Yesuske maktei, ode Yesuske imdiry bonyo, laitke kimlakat, ode yatos manu hahkye ma yorw toha laitke ma mya ma tyuny a Yesuske, ma klyosu ohe, Hulasokwe Memeanke kyorw ti Yesuske de.

Lukas 2:27

Dendye Hulasokwe Memeanke kyor Simeon bai Hulasokwe Seike. Ode kyoat Maria ode Yusuf ror Yesuske rmai Hulasokwe Seike, ma ti rala ktelake ma ktyoha tnyetak Musake bonyo, Simeon myatakit a sir.

Lukas 3:3

Lemade Yohanes a byaa lyola iry mamin ti sah Yordanke kseri desy, ma yatela ti sir de byohe, “Mtyunik totamy atyat manety lim o sal desikre ba, ode mmya ma rbabtis e, ma Hulasokwe syos salamire ba.”

Lukas 3:38

Kenan ama Enos. Enos ama Set. Set ama Adam. Ode Adam neke ama Hulasokwe.

Lukas 4:14

Lemade Yesuske yulak i ei propinsi Galileake, ode Hulasokwe Memeanke kamalkyauke kimin a I. Lemade Yesuske abritake kimelir ti propinsi Galileake ktem desy mumu.

Lukas 4:18

“Ity Ebutke Memeanke kimin a Yaw, kali byitil sima ma Yaw de, ma kabrita Brit Eraske ti iry a lema manait ei sra o hahare, ode Hulasokwe yaso Yaw ma katelakw ti iry rakumakare ma rtunik a sir, ode iry a lema mamatakitare ma rmatakit, ode kaditi iry mahar mdedanare,

Nyasoare ti Karyaatare 1:2

ma ti kyait sew Hulasokwe isalak a I bai wen sra eras Hulasokwe imin tike. Kyoat Yesuske lenla isai bai wen sra eras Hulasokwe imin tike bonyo, Hulasokwe Memeanke kkyarya ti I, ma yaso wasi nyaso iilik desikre ma ti rabrita Brit Eraske.

Nyasoare ti Karyaatare 10:38

Ode mhye dakun ohe Hulasokwe syusu Yesus a iry Nazaret desy, ode yal Memeanke ktyabal amalkyauke ti I. Lemade Yesuske byai kabei ta kabei bo, ma yala ktela erasare, ode yesak ngkeskwaure wait uskwe khatuke toha irire ma eras sir. Kali Hulasokwe inonor I bo.

Nyasoare ti Karyaatare 8:39

Ode kyoat rabetik toha benbenu desy, kyala mait bonyo Hulasokwe Memeanke kyor Filipus ba, ma lema imin. Ma iry Etiopia desike lema myatakit a i de. Lemade syaur wasi laklakutke bai lulkwe, ode imukmuka imarmara i.