Lukas 3:22 - Alkitab bahasa Selaru

²² ma Hulasokwe Memeanke kyorw ti I, kola ne manu hahkye nyem ma tyuny a I. Ode Hulasokwe telake kbyetik kyosy laitke ma ktyanuk ti Yesuske ma kbyohe, “Oi neke Anakw a O, ma klwobak a O, ode kou O ti ralakkwe.”

Lukas 3:22 Iomraidhean Croise

Matius 12:18

Hulasokwe tyanuk ma byohe, “Myatos! Wasikw nyasoke I ne, ma kilik I de. Ma klwobak I, ode kou I ti ralakkwe de. Ode yala ralakkwe ma ksyenan. Ma ana kal Memeakkwe ti I, ode I neke ana yabrita wasikw eras a mlakye ti bangsa-nare.

Matius 17:5

Ode moluk a Petrus itanuk koldyesy bonyo, kyala mait o, oan bokbokke khatuke it a kmya ma kkyahat eta raktemtem. Ode rtomolu teltelke it ma kyosy oanke krala desy, ma ktyanuk ti sir de kbyohe, “Anakkwe I ne, ma klwobak I a ksyalik. Mtyomolu I!”

Matius 27:43

Kali ohe I neke tyohak ti Hulasokwe, ode tyanuk ma byohe, Hulasokwe Anan a I, dendye tseak o Hulasokwe mya ma yaorif a I ta lema.”

Matius 3:13

Ode kyoat desy dakun o Yesuske yosy propinsi Galileake, ma byai sah Yordanke, ma Yohanes byabtis a I.

Matius 3:16

Kyoat Yohanes ibabtis Yesuske maktei, ode Yesuske imdiry bonyo, laitke kimlakat, ode yatos manu hahkye ma yorw toha laitke ma mya ma tyuny a Yesuske, ma klyosu ohe, Hulasokwe Memeanke kyorw ti Yesuske de.

Matius 3:17

Ode Hulasokwe telake kbyetik kyosy laitke ma kbyohe, “I neke Anakw a I, ma klwobak a I, ode kou I ti ralakkwe.”

Markus 1:11

Ode Hulasokwe telake kbyetik kyosy laitke ma kbyohe, “Oi neke Anakw a O, ma klwobak a O, ode kou O ti ralakkwe.”

Markus 1:9

Kyoat Yohanes byabtis irire, desikeo Yesuske yosy a hnu Nazaretke o propinsi Galileake, ma mya ma Yohanes byabtis I ma hyuhuk I ti sah Yordanke.

Markus 9:7

Ode oanke khatuke kmya ma kkyahat eta raktemtem. Ode kyoat ramin ti oanke krala desy, desikeo rtomolu telke it ma kyosy oanke krala desy ma ktyanuk de kbyohe, “Anakkwe I ne, ma klwobak I a ksyalik. Mtyomolu I!”

Lukas 2:14

“Tleru Hulasow mamin ti laitke sra lahuk soke Anike, ode eras ti iry a ity Ebut Hulasokwe idakin sir ti lasmyerke khaha ne.”

Lukas 4:21

Lemadendye Yesuske yajar iry desikre ma byohe, “Hulasokwe tunake khatu rakesy ma kubaca ti mitomolu neke, senwe kdi ti mane.”

Nyasoare ti Karyaatare 10:38

Ode mhye dakun ohe Hulasokwe syusu Yesus a iry Nazaret desy, ode yal Memeanke ktyabal amalkyauke ti I. Lemade Yesuske byai kabei ta kabei bo, ma yala ktela erasare, ode yesak ngkeskwaure wait uskwe khatuke toha irire ma eras sir. Kali Hulasokwe inonor I bo.

Kolose 1:13

Kali I neke yaditi ity toha haret kelerakokke, ma yor ity ba ti Anan ilobakke ti wen ihareta tike.