Lukas 3:14 - Alkitab bahasa Selaru

¹⁴ Ode suldatare dakun o rena i de rbohe, “Ode aramy neke myala sai de?” Bonyo Yohanes hyalas sir de byohe, “Kete misoruk irire wait kubanare, ode kete mikakmet ma mtyudu irire ma khyury ma ramtaut e ma ral kuban ti e, de mimukmuka e a myor wasimy katy desikre bo.”

Lukas 3:14 Iomraidhean Croise

Matius 8:5

Kyoat Yesuske syukar ei hnu Kapernaumke, desikeo suldatare wait uskwe khatuke mya ma yait a Yesuske, ode yal ralake kralake bain-bain ma iten toha Yesuske ma byohe,

Lukas 19:8

Keskye Zakheus imdiry ti wasi sekye, ode tyanuk ti ity Ebut Yesuske ma byohe, “Amam Lan O, senweke kuhatetak ti O, ohe, wasikw malolkye ktyabal wasikw nam ribun lan nekre mumu, ana kuhe ti kbya enaru, ma kal sasam ti iry a lema manait ei sra o hah nekre. Ode iry a kukakmet a sir ti wait maloly nekre, ana kety de kolik ti sir o kryesy ma kkyaly, ma enaat a kbyilak.”

Lukas 3:10

Lemade iry ribun desikre rena Yohanes de rbohe, “Koldyesikemo ana aramy myala sai de?”

Lukas 3:13

Yohanes hyalas sir de byohe, “Myily mo kete myily ma kbyilak haretke itunik ti eke.”

Nyasoare ti Karyaatare 10:7

Ode kyoat Hulasokwe wasi nyaso manosy lait desike itanuk maktei bonyo bya. Dendye Kornelius yabuk irkye enaru toha wasi makarya ti seike, rtabal suldat majaga ike. Suldat neke indil ma tyoha Hulasokwe tunanare dakun.

Filipi 2:15

Kete myala koldyesy ma ksyusu ohe, ei neke Hulasokwe anan a e, kali lema mika salamy, ode irire lema bisa ma rudu sal ti e dakun, de nelnyelnyely a e bo. Ode musti mo mmyorif koldyesy daku iry mahature, neke iry a kyaki-kyaki ne raala lim o sal nekre ti nuske ktem ne, ode musti mo myabrita Tun manety mormyorif harharkwe ti sir dakun. Koldyesikemo ei ne myola dene thunare ti metdyet mo, radelaf a nuske ktem ne. Mamode ti kyoat Yesus Kristuske ana ima huruk ne, ei ne bisa ma mbyitil matakkwe. Kali kolnye mmyorif koldyesy, neke ksyusu ohe karyaakkwe ode maslyesakkwe ti e ne lema kdi hah bo.

Filipi 4:11

Ode kete mryekan o ktwanuk koldyesy kali anakyai nam dum a ktyol ma yaw nggora. Lema koldyesy! Kali kajar ma kkwoman de, ti ktela eras o atyat nekre, desikeo kumukmuka yaw bo.

Titus 2:3

Koldyesy dakun o mswurat a maka enmosure ma rmorif mo rtoha nam Hulasokwe ibuke. Ode kete rahes irire ma anitare kiray, dete lemamo renw tuake ma kyala sir. De musti mo rajar ktela erasare

Wahyu 12:10

Ode kyoat raotuk sir ei hahke bonyo, ktwomolu teltelke it ma kyatela kyosy laitke ma ktyanuk de kbyohe, “Senweke, nenmo kyait sekwe ma Hulasokwe yaorif irkye. Ode senweke Hulasokwe nenmo syusu wasi haretke, ma hyareta kola rajake. Ode senweke Mesiaske, neke Iry a Hulasokwe isusu ma ika Raja ode iaorif irkye ne, neke nenmo syusu wasi haretke dakun mane. Kali ngkeskwaure wait uskwe khatu a kyalamo sewah o msarin ne, ioit sal ti iry a matohak ti Hulasokwe ne, neke rotuk lakhidik i ba toha wen sra eraske de.