Lukas 3:1 - Alkitab bahasa Selaru

¹ Seure kiliku i ma kaisar Tiberius ika raja ti nuske ktem Romawike ma hyareta ainke hean a kresi enasim de. Kyoat desy dakun o Pontius Pilatus ika gubernur ti propinsi Yudeake, klala Herodes a hyareta ti propinsi Galileake. Ode Herodes wai Filipus neke hyareta ti propinsi Itureake ktyabal propinsi Trakhonitiske, klala Lisanias hyareta ti propinsi Abilene-ke.

Lukas 3:1 Iomraidhean Croise

Khyehyeike 49:10

Yehuda o, ebnwo anamw ana raka Raja ma rkumak haretke nini irkye it a mya, desyo iry neke Raja lan lahuk i, ma ana nuske ktem neke mumu rma ma rsakitil o rou ti i.

Matius 14:1

Kyoat desike Herodes Antipas ika raja ma hyareta ti propinsi Galileake, desikeo tyomolu Yesuske abritake ti nam ialanare.

Matius 14:3

Raja Herodes tyanuk koldyesy, kali kyoat lenla tyomolu Yesuske abritake bonyo, Herodes yaso wasi suldatare ma rkumak a Yohanes Mababtiske, ode ral ranteke ma rdalun i, maktei o rluk a i ti sey metmetke kralake. Herodes yala koldyesy, ma kyaluka sawa Herodias ne ralake kralake. Herodias neke heit a Filipus sawa i, ma raja Herodes isoruk i toha wai Filipus ne, ma yal i ma isaa yor i de.

Matius 14:6

Keskyede kyoat a raja Herodes wasi sew a radur i tike kdi ti, desike bonyo ika kalkal. Ode ti wasi kalkal desy, yabuk Herodias anan wamfwetke, ma mya ma myenari ti ia yor wasi mwakunare wait lulululw ne. Ode warar mur desike wasi menari desike khyury ma Herodes ralake ksyenan a ksyalik.

Matius 22:17

Lemadendye mlwosu ma aramy ohe, bisa ma aramy msyelw a uskwe ti Kaisarke, ta lema de?”

Matius 27:2

Dendye iry desikre raso irire ma rba ti rsik ranteke ti Yesuske simanare, ode ror I ba ti gubernur a propinsi Yudeake, neke yosy a Romawi, ma ani Pontius Pilatus.

Markus 6:17

Keskye lenla tun desike kdi ti bonyo, raja Herodes neke yaso ma rkumak Yohanes, ma rluk i ti sey metmetke kralake. Yala koldyesy, kali Herodes sawa Herodias ne kyeyer a Yohanes ne a ksyalik. Herodias ne heit a raja Herodes wai Filipus ne sawa i. Ode Herodias ne kyeyer a Yohanes, kali kyaki-kyaki ne Yohanes tyerik raja Herodes, ma byu eta i ma byohe, “Ktela muala desike sal! Kali Hulasokwe wasi tnyetak inal ti Musake kbyu eta ma kete tasaa tor ity waitare sawatare.”

Markus 6:21

Lemadendye Herodias itot klelanke it ti kyoat raja Herodes yala kalkal lan ne, ti wasi sew radur hahak ike. Ti sew desike raja Herodes yabuk wasi maka kmata lan nekre mumu, ror usu khatu suldatare, rtabal iry manety lulw ti Galilea nekre mumu dakun, ma rmai wasi kalkal desy.

Lukas 13:31

Kyoat desyo iry Farisi-nare dum a rma ma rtanuk ti Yesuske de rbohe, “Kete mumin ti ne! Mbwai wen salik, kali raja Herodes yobak ma tyabahunw a O.”

Lukas 2:1

Kyoat kaisar Agustus neke, ika raja ti nuske ktem Romawike, desikeo yal haretke ti wasi melare, ma rbaa roli nusare ode hnuare, ma ral iry mamin ti nuske ktem Romawi desike anitare mumu ma hye aryaritare.

Lukas 23:24

ode yohut ma tyunik tnyetak matmyatkye ti Yesuske.

Lukas 3:19

Keskye Yohanes tyerik Herodes, iry lan mahareta ti propinsi Galilea ne, kali isaa yor Herodias, neke Herodes wai-na sawa, ode ktyabal wasi tot atyat salik iala nekre dakun.

Lukas 9:7

Kyoat raja Herodes Antipas ihareta o propinsi Galileake, desikeo tyomolu ktela ribun Yesuske iala nekre mumu. Keskye lema hye o esei ne Yesuske, kali tyomolu o irire dum a rtanuk ma rbohe, “Yesus neke Elia, ma yorw yosy wen sra eraske ma mya huruk mane.” Ode dum a rbu de rbohe, “Yesus neke iry manety Hulasokwe wasi nyano heitlulswoke it, ma myorif huruk mane.” Ode irire dum a rbohe “Yesus neke Yohanes Mababtiske, ma myorif huruk de.”

Nyasoare ti Karyaatare 23:26

“Gubernur Feliks amam lan o, kuten eraske ti o. Yaw ne Klaudius Lisias yaw.

Nyasoare ti Karyaatare 24:27

Ode seure kiliku-kiliku i neke Feliks lema byuma yaditi Paulus toha sey metmetke krala desy, kali yobak ma yal iry a Yahudi-nare ralatare. Ode ainke enaru kyelak eta bonyo, Perkius Festus neke yeluk a Feliks, ma ika gubernur.

Nyasoare ti Karyaatare 26:30

Lemadendye raja Agripa imdiry, desikeo gubernur Festus yor Bernike, rtabal iry mataklulw desikre mumu ne ramdiry dakun ma raktemtem a rbetik.

Nyasoare ti Karyaatare 4:27

O Hulasow O, tun Daud itanuk nekre mlay ma kdi ti de, kali raja Herodes Antipas, yor gubernur Pontius Pilatus, rawahuk sir a ror iry a lema Yahudi-nare, rtabal iry a Israel-are ti nus Yerusalem ne. Lemade raktemtem a rreky ma rsorw Yesuske. I neke wasimw Makaryake ma rtabahunw a I. I neke nelnyely a I, ode mswusu I de ma ika Raja ode yaorif irkye.