Lukas 23:2 - Alkitab bahasa Selaru

² Lemade iry desikre rudu salke ti Yesuske ma rbohe, “Aramy myatos iry ne elik ma syuy a iry Yahudi-nare ma lema rtoha haret Romawike, ode byu eta aramy ma kete aramy msyelw a uskwe ti Kaisarke. Ode tyanuk ohe I neke ana ika raja, kali byohe Hulasokwe syusu I ma ika Raja ode iaorif irkye ne.”

Lukas 23:2 Iomraidhean Croise

Matius 17:27

Keskyede ma kete khyury ma maily usw desikre usut a khatunare ksunw ma rkeyer a ity, desikemo mbwa ti mail ti tasi kakanke. Ode masy a mamuna mubitkye, desyo mnwan hahake, kali kuban blyawan bokbokke enaat desy kimin ti hahake kralake. Dendye mal a kuban desikre, ode mbwa ti mswelw a ituru ity wait usw a Hulasokwe Seike ti sir.”

Matius 22:21

Desikeo iry desikre rhalas Yesuske ma rbohe, “Kaisarke.” Lemade Yesuske tyanuk ti sir de byohe, “Koldyesikemo nam sai desike Kaisarke wasi, desikemo myal ti Kaisarke. Ode nam sai desike Hulasokwe wasi, desikemo myal ti Hulasokwe.”

Matius 27:11

Dendye Yesuske imdiry ma syara gubernur Pilatus. Lemade Pilatus yena Yesuske de byohe, “Oi ne iry Yahudi-nare wait raja O e?” Dendye Yesuske hyalas ma byohe, “O a mmwesan a mtwanuk koldyesy bo.”

Markus 12:17

Lemade Yesuske tyanuk ti sir ma byohe, “Koldyesikemo nam Kaisarke wasike mo, myal ti Kaisarke. Ode nam Hulasokwe wasike mo, myal ti Hulasokwe.” Kyoat iry desikre ratomolu Yesuske ma itanuk koldyesy bonyo, rheran a ksyalik.

Markus 15:2

Kyoat ranait so bonyo gubernur Pilatus yena Yesuske ma byohe, “Oi ne iry Yahudi-nare wait raja O e?” Yesuske hyalas ma byohe, “O a mmwesan a mtwanuk koldyesy bo.”

Lukas 23:14

Ode tyanuk ti sir ma byohe, “Iry ne dai myor I ma yaw de, kali mbyohe I ne isuy a iry Yahudi-nare ma lema ratoha haret Romawike ne. Desikeo dai kbwihy a I ma myatos mumu deny ode? Keskyede lema kutot salke sasasam toha I dakun, kola dene sal miudu ti I ne.

Lukas 23:5

Keskyede iry desikre ralkyaw sir ma rtanuk ma rbohe, “Iry neke i ne ihury ma iry ribun lan ne it de syorw sala it ne, khyali tun a iajarare ti propinsi Yudeake ktem ne. Neke khyehyeike yala ktela nekre o propinsi Galileake, maktei o yei propinsi Yudeake, ma mya ma yait nus Yerusalem ne dakun.”

Nyasoare ti Karyaatare 24:13

Ode iry desikre dakun o lema bisa ma rsusu ktelake it ma klyosu ohe tun raoit sal ma yaw ti o nekre mlay.

Nyasoare ti Karyaatare 24:5

Aramy mhye o iry neke hyury atyatke ti irire, ode syuy a irire ma rala oror o nanwaw ti Yahudi-nare ti wen kabei ta kabei bo, ode i neke ika usu khatu ti lui Nazaretke dakun.

Roma 13:7

Dendye musti mo myal nam sai ta sai ti wasimy maharetanare, ma ktyoha ksalanare. Neke musti mo msyelw a uskwe ti maily uskwe, ma ktyoha haretke itunik ti eke. Ode musti mo myal alanke ti wasimy maharetanare, de kete msyorw a sir.