Lukas 21:21 - Alkitab bahasa Selaru

²¹ Kyoat desike iry a mamin propinsi Yudeake musti mo rala rbai kususwanare. Ode iry a mamin ti nuske krala desy, musti mo ado riar toha nus desy. Ode iry a mamin nuske kseri desike kete rsukar ei nuske krala desike de.

Lukas 21:21 Iomraidhean Croise

Khyehyeike 19:17

Maktei bonyo nyaso desy it a byu ti sir de byohe, “Adoko mila ma ti myaorif tenamire, kete myulak matamire ma myatos ei lyakwe, ode kete mimres dakun ti ktebteban Yordanke, de mila a myobak huarare ma kete mmyaty liklikan.”

Khyehyeike 19:26

Kyoat desike bonyo sawa-na yulak matake ei lyakwe, lemadendye tyoy a tul taisiskye.

Matius 2:1

Yesuske radur I o hnu Betlehemke, ti propinsi Yudeake. Kyoat desike Herodes ika raja ti propinsi Yudea desy. Ode kyoat desike dakun o iry a majusare, neke iry a mahe tel ma ratos nyatos mamin ti ftunare ne, neke rosy a Timurke ma rbai nus Yerusalemke.

Matius 24:16

“Kyoat desike iry mamin ti propinsi Yudeake musti mo riar toha desy, ma ra-la rbai kususwanare.

Markus 13:15

Ode iry mamin ti mloskye, kete syukar ma yal nam dum toha sekye kralake.

Wahyu 18:4

Maktei o ktwomolu teltelke it huruk, ma kyosy wen sra eraske ma kbyohe, “Iry matohak ma Yaw e, mbyetik toha nus lan Babel desy! Ma kete kyal nini msyeak toha iry mamin ti nus lan Babel desikre, ma myala ktela atyat maola raala desikre. Kali kolnye myala koldyesy, desikeo ana Hulasokwe yukun e a myor sir.