Lukas 2:9 - Alkitab bahasa Selaru

⁹ Kyala mait bonyo, ity Ebut Hulasokwe wasi nyaso manosy laitke syusu i ti iry desikre, ode ity Ebut Hulasokwe wasi madelahke kdyelah sir, lemade ramtaut a ksyalik.

Lukas 2:9 Iomraidhean Croise

Matius 1:20

Keskyede Yusuf ryekan ti ktela desy nini yenaf. Ode kyoat ienaf bonyo, myey o, Hulasokwe wasi nyaso manosy laitke mya ma syusu tenanke ti i, ma byohe, “Yusuf a Daud tesnwo natu o, kete ralamkwe kakan, de mal Maria ma sawamw a i. Kali naman mamin a fteike krala desy, neke Hulasokwe Memeanke kkyarya ti i ma desy,

Lukas 1:28

Nyaso manosy lait desike mya ma syukar ei Maria wasi sekye ma byu ti i de byohe, “Maria o, ity Ebut Hulasokwe yal eraske ti o de, ode yor a o.”

Lukas 2:8

Sew a Yesuske radur i desy ma wasi metdyetke, desikeo iry majaga dombanare dum a ramin ti wen knanike it ma sitw o tnyei ktyuhw ti ma rajaga wait dombanare ti. Wen desike lema soso toha hnu Betlehemke.

Lukas 24:4

Lemade rrekan a ktela desy, desikeo lema rhe o rala sai. Malmata ramdiry ti bobke krala desy, kyala mait bonyo, irkye enaru ma rhonak rabit bokbokbok nekre ma knyely malay, ma ramdiry ma rney a sir ti desy.

Nyasoare ti Karyaatare 12:7

Ode kyala mait bonyo Hulasokwe wasi nyaso manosy laitke imdiry ma nyey Petrus, ode madelahke knyely ti kamarke krala desy. Nyaso manosy lait desike yoha Petrus ma byu ti i de byohe, “Hei, mbwatar mirin!” Desike bonyo rante ranal ma rauk Petrus sima desikre kimosu i.

Nyasoare ti Karyaatare 27:23

Kali detke Hulasokwe wasi nyaso manosy laitke mya ma imdiry ti serikkwe. Hulasow neke wasi iry a yaw, ma kswambayan ode kou ti I.

Nyasoare ti Karyaatare 5:19

Keskyede metdyetke bonyo, Hulasokwe wasi nyaso manosy laitke it a mya ma lyakat sey a metmet desy wasi holholatare, ode yor Yesuske wasi nyaso desikre ma rbetik ei mloskye. Hulasokwe wasi nyaso manosy lait desike tyanuk ti sir de byohe,

2 Korintus 3:18

Ode ity ne mumu ma tatohak ti ity Ebutke ne, kola dene ity Ebutke yaditi kain maeteta ity huhut nekre ba de ti nam tarekanare. Dendye nenmo the ohe, ity Ebutke wasi madelafke lan a ksyalik. Ode ity neke tola ne tatayalke, kali iry salik bisa ma ratos ity Ebutke wasi madelafke ti ity wait mormyorifare. Ode ity Ebutke yal Hulasokwe Memeanke ma kkyarya ti ity ralat a kralanare, ma sew kyaki ne kyala ity wait mormyorifare, ma kbyaa kbya nini ana kola I, ma wasi madelafke ktyabal a ktyabal toha ti ity wait mormyorifare.

2 Korintus 4:6

Kali heitlulswo Hulasokwe tyanuk ma byohe, “Lemamo madelahke kdyelaf ti kelerakokke.” Ode I neke Hulasow a maala madelahke ma kdyelaf ti ity ralat a kralanare ne. Yala koldyesy mamode bisa ma the Hulasokwe wasi madelaf a lan a ksyalik ne, neke bisa ma tatos toha Yesus Kristuske.

1 Timotius 3:16

Mlay bain nyano manosy Hulasokwe ne eras a ksyalik. Heitlulswo nyano ne kihunik i, keskye Hulasokwe lyosu ma ity de. Lemade ity wait tohtohakke ne, ttohak ode tou nyano malosu Yesus Kristuske, neke ne: I neke myai nus ne ma yola irkye, ode Hulasokwe Memeanke klyosu o Yesuske Hulasokwe Anan I, ode Hulasokwe wasi nyasoare rosy laitke ratos I de, ode I neke wasi britke irire rabrita ti negara-nare, ode ti nuske ktem ne irire rtohak I, ode Hulasokwe syalak a I bai wen sra eras madelaf Hulasokwe imin tike.

Wahyu 18:1

Kyoat desike katos nyasoke it ma yorw yosy wen sra eraske. Nyaso desike wasi haretke lan, ode wasi madelahke kdyelah lasmyerke khaha ne mumu.

Wahyu 20:11

Ode katos kader mahareta lan bokbok ne it, ma Irkye it a tyaklulw ti kader desy. Ode Iry desike yety mdedan, ma kyoat wasi madelafke kidelaf bonyo, laitke ode lasmyerke khaha ne kila toha wasi madelafke ma lema kimin elik.