Lukas 2:7 - Alkitab bahasa Selaru

⁷ Lemade idur hah bonyo ananke wamwany a I, neke naman auskwe. Ode ral taiske khisike ma rasekir eta I, ma rulik I ti biby o saby wen raknam tike kralake, kali lema kika sey ma ramin ti.

Lukas 2:7 Iomraidhean Croise

Khyehyeike 42:27

Rba-rba nini metdyet a kyal sir ti sal a klen, lemade ramres ma renaf desy. Desike bonyo waitke it lyakat wasi kadutke it ma yal kotw ti keledainare ma ra, desikeo itot wasi kubanare ti kadutke krala desy.

Khyehyeike 43:21

ode kyoat aramy myolik aramy mbyai ara hnuamy, desike bonyo aramy mimres ti sal a klen kali metdyet a kyal aramy, ode aramy mlyakat kadut desikre bonyo aramy mitot huruk kuban aramy minal ma miliku gandum desikre. Ode lema aramy mhye o esei ne iluk kuban nekre ne de. Lemadendye aramy myety de myolik huruk mane. Ode aramy myety kuban dakun ma ana aramy mlyiw a gandumke huruk.”

Matius 1:25

Keskyede Yusuf lema yenah yor Maria nini kyait a Maria wasi sew a idur hahke bo. Ode kyoat Maria idur hah bonyo, ananke wamwany a I, lemadendye Yusuf yaki naman desy anike ti Yesus.

Matius 13:55

De lema I neke ama-na ika tukan aw e? Ode lema ena-na ani Maria, ode wainare sir ne: Yakobus ta, Yusuf ta, Simon ode Yudas ne e?

Matius 8:20

Keskyede Yesuske tyanuk ti i ma byohe, “Asw a utan mata mnaske ika wena ma byob ti, ode manuke o ika nuka ma imin ti dakun, keskyede Irkye Ananke lema ika wena ma imres ti, ode yenaf ti.”

Lukas 10:34

Lemade yarasik iry desy ma byihy soranare, ode yal tasy maiskye kwen makitkye ma yalik ti soranare ma yala ma nelnyely. Maktei o yalik nul zaitunke ti soran desikre, ode yal kainke klaike ma yal ma lyel soran desikre. Maktei o syalak i ti wasi keledaike ma yor a i ma rbai sey iselw ma imin tike, ma syeak i ti desy.

Lukas 2:6

Kyoat ramin o Betlehem, desikeo kyait Maria wasi sekwe ma idur hah.

Lukas 2:8

Sew a Yesuske radur i desy ma wasi metdyetke, desikeo iry majaga dombanare dum a ramin ti wen knanike it ma sitw o tnyei ktyuhw ti ma rajaga wait dombanare ti. Wen desike lema soso toha hnu Betlehemke.

2 Korintus 8:9

Kali ei neke mhye ohe, ity Ebut Yesus Kristuske syusu rala eraske ti e de. Neke biar ma ti wen sra eraske I neke mausw ti I a ksyalik, keskye khyali e, dendye tyutuk wasi mausw desy, ode yorw ei lasmyerke khaha ne ma yala tenanke kola ne iry a lema manait ei sra o hah nekre, ma yaorif a e. Ode khyali lema inait ei sra o hah desike, dendye ei neke bisa ma mitot maloly manal nini namke toha I.

Galatia 4:4

Keskyede kyait sew a Hulasokwe itunikke bonyo, Hulasokwe yaso Ananke ma myai nuske ktem ne, ma Hulasokwe Anan neke wamfwetke it ma idur hahak I, ma naman desy imorif neke tyoha tnyetak Musake mumu.