Lukas 2:34 - Alkitab bahasa Selaru

³⁴ Lemade Simeon iten Hulasokwe ma yal eraske ti Maria yor Yusuf. Maktei o, tyanuk ti Maria ma byohe, “Naman neke Hulasokwe syusu I ode khyali I, Hulasokwe ana yaorif iry ribun mamin ti Israel ne ode ana yamatik iry ribun mamin ti Israel ne dakun. Ode naman neke yeluk nyatos manosy Hulasokwe, keskyede irire ribun ana lema rou I.

Lukas 2:34 Iomraidhean Croise

Khyehyeike 14:19

Maktei bonyo yal eraske ti Abram ma byohe, “Kuten Hulasow Lan Lahuk maala lait o lasmyerke khaha ne ma yal eraske ti Abram oi ne.

Khyehyeike 47:7

Rajake itanuk maktei bonyo, Yusuf yor Ama Yakub ba ti Rajake hye i dakun. Dendye Yakub byu de byohe, “O Hulasow O, kuten ma mal eraske ti Raja ne!”

Matius 11:19

Klala Irkye Ananke mya, desikeo lema yas de iknam o yenw bo. Keskyede lema mdyakin I dakun, de mihes I ma mbyohe, ‘Myatos I e! I neke ikotw atyat, ode yenw tua manas. Ode lema eras I, kali ika lui yor iry maily usure, rtabal iry maka wait lim o sal nekre.’ Ode biar ma mtyanuk koldyesy, keskyede kolnye myatos Hulasokwe wasi irire tot raalanare, desikeo bisa ma mhye ohe, Hulasokwe wasi hehei lulw o lyakwe mlay.”

Matius 12:46

Kyoat Yesuske malmata itun a yor iry ribunke ti sekye krala desy, desike bonyo ena-na yor wainare rma ma rseak I, keskyede lema bisa ma rait a I, kali irire ribun sir a ksyalik ti sey desy, dendye ramdiry ti mloskye bo.

Matius 21:44

Dendye esei desike ana dyi ti hatkwe khaha desy, desikemo ana ibtasy elik. Ode esei desike ana hatw desy kdi ma kdyan i, desikemo ana iahw elik.”]

Matius 27:63

ode rtanuk ti i ma rbohe, “Amam lan o, aramy mnyenas a iry a makakmet desy ti kyoat a imorifke, desikeo tyanuk ma byohe, ‘Ana sekwe enatelw kyelak eta bonyo myorif huruk.’

Lukas 2:35

Lemadendye naman neke yeluk nyatos ma khyury a irire ma rhura ralat a krala eras o atyat nekre ei mloskye. Klala Maria, oi neke ralamkwe ana ksyal ma kdyohut, kola dene krakye kiutw o ne.”

Nyasoare ti Karyaatare 13:45

Keskyede kyoat iry Yahudi-nare ratos iry ribun desikre bonyo, ralatare ksunw ode rsoi ralat, dendye rahmway Paulus ma rbohe ikakmet.

Nyasoare ti Karyaatare 17:6

Keskyede iry desikre lema ratot deruke. Lemade rkumak Yason yor iry matohakare dum, ma rhait sir ba ti melare. Ode kyoat ranait melare bonyo, rakakmet ma rboran ma rtanuk de rbohe, “Iry nekre, sir ne rasuy a irire ma raka oror o nanwaw ti nuske ktem ne mumu. Ode rmai ity wait hnuke dakun mane!

Nyasoare ti Karyaatare 24:5

Aramy mhye o iry neke hyury atyatke ti irire, ode syuy a irire ma rala oror o nanwaw ti Yahudi-nare ti wen kabei ta kabei bo, ode i neke ika usu khatu ti lui Nazaretke dakun.

Nyasoare ti Karyaatare 28:22

Keskyede aramy neke mbyuma mtyomolu o ti wasimw a tohtohakke, kali aramy mhye o irire ti wen kabei ta kabei bo neke rtanuk etno eta nam muajar desikre.”

Nyasoare ti Karyaatare 4:26

Raja mamin nuske ktem ne ror usu khatu salik rawahuk sir, ma rasosan sir ma rsorw ity Ebut Hulasokwe, yor Iry a isusu ma ika Raja ode iaorif irkye ne.’

Nyasoare ti Karyaatare 6:7

Lemade Hulasokwe tunanare kimelir ti nus desy, ma khyury ma iry matohak Yesuske rtabal a rtabal ma ribun sir ti Yerusalem. Ode iry mabaa klen ti irkye yor Hulasokwe ribun sir a rtohak Yesuske dakun.

Roma 9:32

Ode kyanmwane lema ratot a ksala ma bisa ma kiala sir ma mlay a sir ti Hulasokwe ne de? Kali lema rtohak ti Kristuske, de rtohak ti ktela ratoha tnyetak Musake ne. Kali rrekan o wait ktela desikre bisa ma kyala sir ma mlay a sir ti Hulasokwe. Dendye rola dene iry a matunas hatkwe ma ilily ne, kali lema rbuma rtohak ti Kristuske.

1 Korintus 1:23

Keskyede aramy neke, aramy myabrita Kristuske. Kristus neke I ne Hulasokwe isusu I ma ika Raja ode iaorif irkye ne, ma I ne imaty ti tul masanwalw ike ne. Brit aramy miabrita desike ne kyala iry a Yahudi-nare ma ralatare ksunw ksyalik. Ode iry a lema Yahudi-nare rrekan o, Brit aramy miabrita desike, brit a ktemke desy bo.