Lukas 2:14 - Alkitab bahasa Selaru

¹⁴ “Tleru Hulasow mamin ti laitke sra lahuk soke Anike, ode eras ti iry a ity Ebut Hulasokwe idakin sir ti lasmyerke khaha ne.”

Lukas 2:14 Iomraidhean Croise

Matius 21:9

Ode iry ribun desikre dum a rlakut a kmuna Yesuske, ode dum a rosi lyakwe, ode raktemtem ne ratelat ma rbohe, “Tleru raja Daud Tesnwo natu ne! Eraske kimin a I, kali myaa yor Hulasokwe wasi haretke! Lemade tleru Hulasow a mamin ti sra lahuk so!”

Lukas 1:79

Koldyesy dakun ti ity Ebutke wasi madelah manosy laitke, kdyelah iry mamin ti kelerakok a ramtaut matmyatkye ne. Ode yeuk sir ei sal mabai eraske ma ika eras sir a ror Hulasokwe.”

Lukas 19:38

Lemade telatare lan ma rbohe, “Eraske kimin a I, kali I neke Raja I, ode ima ne khyali Ity Ebut Hulasokwe Anike! Senweke Hulasow mamin ti wen sra eraske ika eras yor ity de. Lemade tleru Hulasow mamin laitke sra lahukke Anike!”

Lukas 2:13

Kyala mait bonyo Hulasokwe wasi nyaso manosy laitke, ribun sir a ksyalik, neke ramin ma ror nyaso mamuna desy, ma raktemtem a rleru Hulasokwe Anike ma rbohe,

Lukas 2:15

Ode nyaso desikre ratanuk maktei bonyo, rulak sir ei wen sra eras Hulasokwe imin tike, ode iry majaga domba desikre it de tyanuk ti it ma rbohe, “Mmya ma tbai Betlehem ma ti tatos naman kakan radur ti ne, kola ne nam ity Ebut Hulasokwe lyosu ma ity ne.”

Lukas 3:22

ma Hulasokwe Memeanke kyorw ti I, kola ne manu hahkye nyem ma tyuny a I. Ode Hulasokwe telake kbyetik kyosy laitke ma ktyanuk ti Yesuske ma kbyohe, “Oi neke Anakw a O, ma klwobak a O, ode kou O ti ralakkwe.”

Nyasoare ti Karyaatare 10:36

Enakw o amakw e, mhye o brit manosy Hulasokwe ne ilosu ma iry a Israel aramy ne. Neke Brit Eraske ohe Hulasokwe ika eras yor irkye, khyali Yesus a Hulasokwe isusu ma ika Raja ode iaorif irkye ne. Yesus Kristus neke Amam Lan I ti irire mumu.

Roma 5:1

Lemadendye waikw o hatnimakw e, Hulasokwe byohe ity neke mlay a ity de, khyali ity wait tohtohakke ti Yesus Kristuske. Ode khyali nam a ity Ebut Yesus Kristuske ialake, dendye Hulasokwe ika eras yor ity de, ma bisa ma wasi inaka eras desy kimin a ity.

Efesus 1:6

Hulasokwe yohut koldyesy mamode tleru o tbitil Anike, kali I neke ralake eras ma ity o lan a ksyalik! Hulasokwe syusu rala eras desy ma ity, ti tanety ral sasamke tor Anan a ilobak ne de, neke Yesus Kristuske.

Efesus 1:9

Neke Hulasokwe lyosu wasi rekryekkye ma ity, ma ktyoha ibuke ma kyala ralake ma kimukmuka i. Heitlulswoke Hulasokwe ihunik wasi rekryeky ne ti irkye, keskyede selsel ne yal Kristuske, ma Kristuske yala rekryeky desike ma kdi ti de.

Efesus 2:4

Keskyede Hulasow neke lyobak ity ksyalik, lemade syusu rala eraske ma ity o mausw ksyalik.

Efesus 2:7

Hulasokwe yala ktela desikre mumu ma ity, ma ksyusu ti irire mumu ti taras ana mama nekre ohe, Hulasokwe rala eras neke mausw ksyalik ma ity ma lema tlaw tal. Ode Hulasokwe syusu rala eras neke ma ity, neke ne ktela Yesus Kristuske iala ma ity ne.

Filipi 2:11

ma nam desikre mumu neke, rou ma rbohe, “Yesus Kristuske I neke Amam Lan I.” Kali koldyesike mane ana irire mumu ne ralan ity Amat Hulasokwe, ode rleru Anike.

Filipi 2:13

Ode bisa ma myala koldyesy, kali Hulasokwe myesan a kyarya ti ralamy kralanare, ma ei ne mdyakin ma mtyoha ktela ibuke, ode yalkyaw e ma bisa ma myala nam ibuare dakun.

Kolose 1:20

Ode Hulasokwe yohut huruk ma yal Ananke larake, ti kyoat imaty ti tul masanwalw ike ne, ma yal ma ika eras huruk Ia yor irkye, ktyabal nam ribun mamin ti lait o lasmyerke khaha ne mumu.

2 Tesalonika 2:16

Hulasokwe lyobak ity, ode ralake eras ma syaluk a ity, ma yalkyaw ity ralat a kralanare nini nam, ma tal ity wait mormyorifare mumu ti I, ma takita nam eras ana inal ma ity ne. Lemade aramy miten ma ity Ebut Yesus Kristuske, yor ity Amat Hulasokwe, yaluka e ode yalkyaw ralamy kralanare, ma tun mitanukare ktyabal ktela mialanare mumu ne eras.

Wahyu 5:13

Maktei o ktwomolu huruk ma iry o heal o ail o manu ribun mamin ti wen sra eraske, ode mamin ti lasmyerke khaha ne, ode mamin ti lasmyerke krala ne, ode mamin ti tasike kralake, sir ne mumu neke raora ma rbohe, “Ity Ebut Hulasow mataklulw ti kader maharetake, yor Dombake Ananke, neke musti mo tleru Sir, talan Sir, ode tbitil Anitare ti kiba knaru ne. Ode Sir neke rhareta nam nekre mumu ti kiba knaru ne.”