Lukas 19:21 - Alkitab bahasa Selaru

²¹ Kswosan kali kumtaut o. Kali oi neke ralamkwe ngkora. Ode mukita ma mu irire maslyesatare, kola ne lema mtwan namit-namit de mukita ma mal kisinare bo.’

Lukas 19:21 Iomraidhean Croise

Lukas 19:20

Ode atke it huruk a mya ma byohe, ‘Amam lan o, wasimw kubanke ne a nggora, kali kswosan mamamak ti wasikw kurkur simke kralake. Mane ne nde.

Lukas 19:22

Lemade mel rasalak ma ika raja neke tyanuk ti at desy ma byohe, ‘Hei, at atyat o! Ana kukun o, ma ktyoha tunamure. Kali mhwe o ralakkwe ngkora e? Ode kukita ma ku irire maslyesatare e? Ode lema ktwan namit-namit de kukita ma kal kisinare bony e?

Roma 8:15

Kali Hulasokwe Memean a inal ti e ne, neke lema kyala e ma mimtaut kola atare, ti ramtaut wait amam lanare ne. De Hulasokwe yal Memeanke ti e, ma kyala e ma ei neke anan a e. Ode khyali Hulasokwe Memean a mamin ti ity ralat a kralanare ne, mane ity neke bisa ma tal ity ralat a kusunare ma tabuk Hulasokwe o, “Amo.”

Roma 8:7

Kali iry a rarekan ti wait dakdyakin atyatare ne, iry desikre rsorw a Hulasokwe. Iry a maoly desikre sir ne lema rbuma rtoha tnyetak Hulasokwe, ode lema bisa ma rlakut a rtoha tnyetak desy dakun.

2 Timotius 1:7

Dendye kete mumtaut ma mkwarya wasimw karya desy, kali Hulasokwe inal Memeanke ma ity ne ma kete tamtaut, de kyala ity ma malkyakaw ity, ode kyala ity ma bisa ma it de lyobak it, ode kyala ity ma bisa ma taneti ity tenatare ti ktela atyatare.

Yakobus 2:10

Kali kolnye ttoha Hulasokwe wasi tnyetak rakesy mumu ti Kitab Lanke ne, keskyede lema ttoha sasam bo, desikeo kola dene tasal ti tnyetak desikre mumu.

1 Yohanes 4:18

Lemade esei desike Hulasokwe wasi loblobakke kimin i, desikeo iry desike lema imtaut, kali loblobak manosy Hulasokwe kyaditi matatwanke de. Kyalamo irire ramtaut, kali rrekan o ana Hulasokwe yukun sir. Lemadendye esei desike imtaut o ana Hulasokwe yukun i, desikemo matatwan desike ksyusu ohe Hulasokwe wasi loblobakke lenla kbyenw a i mamak.