Lukas 19:16 - Alkitab bahasa Selaru

¹⁶ Iry mamunake mya ma byohe, ‘Amam lan o, kuban blyawan sasam munal ma yaw desike, wasi mabilakke kyal kuban blyawanke hean.’

Lukas 19:16 Iomraidhean Croise

Lukas 19:13

Lemade mel desike lenla iba bonyo, yabuk irkye hean toha wasi atare. Ode yal wasi kuban a blyawanke hean ma ihe ti sir, ode tyanuk ti sir ma byohe, ‘Wasikw kuban nekre myal ma mlyiku namit-namit ma mkyeta nini kulak yaw, desikeo myal a myolik ma yaw, ktyabal wasi mabilak desikre mumu.’ Mel desike tyanuk ti sir maktei bonyo bya.

Lukas 19:15

Keskyede raja lan desike lema you ratanukare de tyes uman ma syalak mel desy ma ika raja bo. Isalak i maktei bonyo, mel desike yulak i bai wasi nuske. Kyoat inait wasi sekye bonyo, yabuk wasi at dehean inal kuban ti sir desy. Ode yena ratsam-ratsam ma byohe, ‘Kuban kunal ti e desikre kika wasi mabilak ta lema de?’

Lukas 19:17

Lemade mel rasalak ma ika raja neke tyanuk ti at desike de byohe, ‘Oo, karyaamw neke eras a ksyalik. Muka at eras! Kali oi neke mutohtohak tel ti ktela kakan ne, lemadendye kswalak o ma mhwareta hnuke hean.’

1 Korintus 15:10

Keskyede Hulasokwe syusu rala eraske ma yaw, dendye senweke kuka nyaso ti Yesuske. Ode Hulasokwe rala eras inal ma yaw desike, lema kdi hah bo, de kika kbuan. Kali yaw neke kalkyaw yaw ma kkwarya ma kbwilak nyaso salik nekre mumu. Keskyede lema amalkyaukkwe desy ma kkwarya wasikw karya desy, de Hulasokwe I ne isaluk yaw ne, ma yal malkyakakwe ma yaw, ma bisa ma kkwarya wasikw karya desy, khyali rala eras inal ma yaw ne.