Lukas 18:9 - Alkitab bahasa Selaru

⁹ Yesuske ihes tun inahliakke it ti iry a mabihy tenatare o mlay, ode ratos iry salik desikre lema mlay a sir.

Lukas 18:9 Iomraidhean Croise

Lukas 10:29

Keskyede iry desike yobak a mlakye ti tenanke, dendye byu ti Yesuske de byohe, “Nam rakesy desy kbyuma klwobak wasikw irire. ‘Wasikw irire’ ne esekar de?”

Lukas 15:2

Dendye iry a Farisi-nare ror a iry mahe snurat o tnyetak Musake, rakunkunw ma rbu de rbohe, “Yesuske yal iry a maka wait lim o sal nekre ma iknam a yor a sir.”

Lukas 16:15

Lemade Yesuske tyanuk ti iry desikre de byohe, “Myala tenamire ma mlay ti irire, keskyede Hulasokwe hye ralamy kralanare. Nam sai irkye dyakin, desikeo Hulasokwe imnisik.

Lukas 18:11

Iry Farisi desy imdiry ma myesan ode syambayan kolnye, ‘O Hulasow O, kswalak eraske ba ti O, kali yaw neke lema kola iry salik nekre, neke lema kunamet, lema kuhatw, lema kaldotw ode lema kola iry maily usw desy.

Lukas 19:7

Keskyede iry ribun desikre ratos Yesuske ma syukar Zakheus wasi sekye bonyo, rakunkunw ma rbohe, “Iry neke bya ti imin a iry maka wasi lim o sal nekre seike bony e?”

Lukas 7:39

Kyoat a iry Farisi maabuk Yesuske neke iatos ktela desy bonyo, tyanuk ti ralake kralake ma byohe, “Kolnye iry ne iry manety Hulasokwe wasi nyanoke I ne, musti mo hye o wamfwet makumak I neke wasi lim o sal nekre ribun.”

Nyasoare ti Karyaatare 22:21

Keskyede ity Ebutke tyanuk huruk ma yaw de byohe, ‘Mbwa bo, kali Yaw ne kaso o ma mbwa soso, ti ana mabrita Yaw ti iry a lema Yahudi-nare.’”

Roma 10:3

Ode sir dakun o lema rbuma rhe ksala Hulasokwe iala irire ma mlay a sir ti I ne, de rbuma rtoha wait ksala ratoha tnyetak Musake ne, kali rrekan o ksala desike ne kiala sir ma mlay a sir ti Hulasokwe ne. Dendye ktela desike ne kihury ma lema rou Hulasokwe wasi ksala kiala sir ma mlay a sir ti I ne.

Roma 14:10

Dendye kyanmwane mires ma mioit salke ti waimy o hatnimamy matohakare ne de? Ode kyanmwane mihmway sir dakun ne de? Kali ana taktemtem mumu neke tba ti tamdiry ma tsara Hulasokwe, ma ana byihy a ity ma yohut tun ma ity.

Roma 14:3

Ode iry a mana kotw sai ta sai bony ne, kete mihmway iry a cuma mo mana sayorke ne bo. Koldyesy dakun ti iry a cuma mo mana sayorare, kete myoit salke ti iry a mana kotw sai ta sai bony ne. Kali Hulasokwe yal e mumu ma wasi iry a e de.

Roma 7:9

Kola lenla khwe tnyetak Musake, desikeo krwekan o kumorif ne lema kala lim o sal. Keskyede kyoat a khwe tnyetak Musa desy, ma tnyetak desike kbyu eta yaw, desikeo lim o sal neke nenmo khyareta kyal ralakkwe kralake.