Lukas 18:7 - Alkitab bahasa Selaru

⁷ Mlay bain o Hulasokwe ana yoryeta wasi iry a iilikare ti sewah o msarin rasambayan ti I ne. Ode I dakun o ana lema inggonw ti ioryeta sir ne.

Lukas 18:7 Iomraidhean Croise

Matius 24:22

Kyoat desike Hulasokwe yatuuk seure ti taras masunw desy, kali kolnye lema yatuuk seure ti sew masunw desikre, desikemo lema irkye it a myorif dakun. Keskyede kali Hulasokwe lyobak wasi iry a iilikare, lemade yatuuk seure ti taras masunw desy.

Matius 24:24

Kali kyoat desike irire ribun ana rma ma rakakmet ma rbohe, sir neke Mesias sir. Ode irire ribun ana rma dakun ma rakakmet ma rbohe, sir ne iry a manety Hulasokwe wasi nyano sir. Ode ana rala nyatos o ktela masalsyalik iare dakun. Mamode ktela o nyatos raala desikre khyury ma kikakmet a iry mamin ti nuske ktem ne, ma ti kyal a robak ma rakakmet a iry a Hulasokwe iilikare dakun.

Matius 7:11

Ode biar ma iry mahatw a e dakun, keskye kyalamo myal nam erasare ti anamire. Apalai Amamy mamin ti wen sra eraske ana yal nam erasare ti e, ma kbyilak nam eras a miala desikre dakun, neke yal nam erasare ti iry a maten toha Ike.”

Lukas 11:13

De biar ma iry mahatw a e dakun, keskye myal a mhye nam eraske ti anamire. Klala Amamy Hulasow mamin wen sra eras ne lema ihatw, de eras I a ksyalik, desikeo yala hye ma kbyilak e dakun ma yal nam eras lan de lan ne ti e. Neke ana yal Hulasokwe Memeanke ti iry maten toha Iare!”

Lukas 21:28

Kolnye nam ribun lan neke kyala ma kdi ti, desikemo mimdiry ma myalkyaw ralamy kralanare, ode mbyitil matamy ma mimukmuka e, kali lema soso bonyo Hulasokwe yaditi e toha masunkwe ma yaorif e.”

Roma 8:33

Ode ity neke Hulasokwe yilik ity de, dendye lema irkye it a bisa ma yoit salke ma ity, kali Hulasokwe I ne iohut ohe, iry a iilik desikre mlay a sir de.

Kolose 3:12

Waikw e, Hulasokwe yilik e ma wasi iry nelnyely a e de, ode lyobak a e. Lemadendye ei ne musti mo mlyobak iry, ode msyusu ralamy erasare ti irire dakun, ode mnyauk tenamire ma babaf, ode myala ral lublubke, ode kete samlurw o mkyeyer, de mikita bo.

1 Tesalonika 3:10

Ode sewah o msarin nekre aramy myal ara ralamy kralanare bain-bain ma miten toha Hulasokwe, ma lyura aramy ma mbya ti msyeak a e, mamode bisa ma aramy mtyabal nam matol ti wasimy tohtohakke ma kyoat.

2 Tesalonika 1:6

Hulasow neke mlay a I, lemadendye ana yala masunkwe ma kdyan iry a maala e ma masunkwe kidan a e ne dakun.

1 Timotius 5:5

Klala enen somke it, ma lema ika amno wai bain-bain ma rseak a i, de imorif neke yal wasi mormyorifke ti Hulasokwe bo, ode sewah o msarin neke syambayan ma iten Hulasokwe ma syaluk a i.

2 Timotius 1:3

Timotius o, khyali o mane kswalak eraske ba ti Hulasokwe. Hulasow neke, kal ralakkwe krala nelnyelkye ma kswakitil ode kou ti I, kola heitlulswo ebnwo matrumakw rsakitil ode rou ti I dakun. Ode sewah o msarin nekre kswambayan mo lema kumluak ma kswambayan ti o dakun.

2 Timotius 2:10

Lemadendye kalkyaw ralakkwe ma khwar masunw sai ta sai bo, mamode iry a Hulasokwe iilikare bisa ma rtomolu Hulasokwe tunanare, ode rtohak Yesus Kristuske ma yaorif sir, ode ana rmorif ror I nini nam, ti wen sra eras madelafke.

Titus 1:1

Titus anakw o! Yaw neke Paulus, ma Hulasokwe wasi at yaw, ode Yesus Kristuske wasi nyaso yaw dakun. Hulasokwe yilik yaw de, ode yaso yaw ma kalkyaw iry iilikare wait tohtohakke ti Yesuske, ode kajar sir ma rhe Brit a mlay taajar nekre, ma rmorif mo wait mormyorifare ktyoha nam Hulasokwe ibuke bo.

Wahyu 18:20

Lemade teltelke it a kbyetik toha wen sra eraske ma ktyanuk de kbyohe, “Hei, wen sra eras o, mumukmuka mumarmara o! Kali nus lan desike kiskyui-kiskyay de! Ode iry matohak ti Yesus e, ode Yesuske wasi nyaso e, ode iry manety Hulasokwe wasi nyano e, mimukmuka mimarmara e dakun! Kali Hulasokwe yukun iry mamin nus lan desy, ma hyalas sir ti wait ktela atyat raala ti e desy de.”

Wahyu 6:10

ma kbyohe, “O ara Ebumy Hulasow Lan Lahuk O, Oi ne nelnyely a O, ode mlay a O. Hekyab o mtwunik a tnyetakke, ma mukun iry mamin ti lasmyerke khaha ne, ti ratabahunw aramy ne de?”

Wahyu 7:15

Dendye khyali ktela desy, lemade ramdiry ma rsara Hulasokwe wasi kader mahareta desy, ode sewah o msarin nekre rsambayan ti Hulasokwe Seike kralake ti wen sra eras ne. Ode Iry mataklulw ti kader mahareta desike, I ne iseak sir, ode iharak mamak a sir ne.