Lukas 18:16 - Alkitab bahasa Selaru

¹⁶ Keskyede Yesuske yabuk naman kakan desikre ma rma. Lemade tyanuk ti wasi matoha Iare de byohe, “Mlyura naman kakan desikre ma rma ma rait yaw. Kete mbya etno eta sir, kali iry maola naman kakan desikre ana wenatke ne wen Hulasokwe ihareta kola Rajake ne.

Lukas 18:16 Iomraidhean Croise

Khyehyeike 21:4

Ode kyoat Ishak wasi sekwe walw bonyo, Abraham yatosa i ma ktyoha haret Hulasokwe itunik ti Abrahamke.

Matius 19:14

Keskyede Yesuske tyanuk ti wasi matoha Iare ma byohe, “Mlyura naman kakan desikre ma rma ma rait Yaw, de kete mbya etno eta sir. Kali iry maola naman kakan desikre, ana Hulasokwe wasi iry a sir, kali Hulasokwe wasi irire sir ne, iry a Hulasokwe ihareta kola Rajake ti ralat a kralanare ne.”

Lukas 18:15

Irire rma ma ror anat kakanare ti Yesuske, ma musti mo syaa sima ti sir ma yal eraske ti sir. Kyoat desike Yesuske wasi matoha Iare ratos ktela desy bonyo lema rdakin dendye rbu eta iry desikre.

Lukas 18:17

Mnyenas! Esei desy lema tyohak Hulasokwe kola naman kakanke, i desike ana lema syukar ei wen Hulasokwe ihareta kola Rajake ne.”

Nyasoare ti Karyaatare 2:39

Kali Hulasokwe ihatetak de, ma ana yal Memeanke ti ea myor ebnwo anamy, mtyabal iry mamin ti wen sosoare dakun. Inahatetak neke ti iry a ity Ebut Hulasokwe iabukare mumu, ma wasi iry a sir.”

1 Korintus 14:20

Lemade waikw o hatnimakw matohak e, musti mo nelnyely a e, kola naman kakan a lenla rala rhe tot atyatare ne. Keskye kolnye ti hehe malkyakaw manosy Hulasokwe Memeanke ne, desikeo kete minamana e ti ktela mihe ma mirekanare. De ei neke musti mo lan e ti ktela mihe ma mirekanare ti khyali hehe malkyakaw desy.

1 Korintus 7:14

Kali biar ma wamwany desike lema tyohak ti Yesuske, keskyede Hulasokwe yal eraske ti wamwany desy, kali sawa-na tyohak ti Yesuske. Kola ne wamfwetke dakun, ma biar ma lema tyohak ti Yesuske, keskyede Hulasokwe yal eraske ti wamfwet desy, kali lai-na tyohak ti Yesuske. Kali kolnye Hulasokwe lema yala koldyesy, desikeo anatare ana Hulasokwe byohe lema nelnyely a sir, kola dene iry a lema matohakare anatare ne. Keskye Hulasokwe yala koldyesy ma naman desikre nelnyely a sir, kali ti enatke ta amatke ne, it a tyohak ti Yesuske de.