Lukas 13:4 - Alkitab bahasa Selaru

⁴ De lema mhye ohe toreng maney Siloam desy klyily ti kdyan iry dehean a kresi walw desikre ma rmaty. Kali ei ne mryekan o ktela neke kdi ti kali iry desikre wait lim o sal ribun ma kryesik iry salik mamin ti Yerusalem desy mumu e?

Lukas 13:4 Iomraidhean Croise

Matius 18:24

Dendye kyoat raja desike byihy wasi makarya desikre wait utanare bonyo, wasi makaryake it ma wasi utanke lan a ksyalik, neke blyawan bokbokke tatyailke ribunke atkwe enatelw ksala hean-at (340.000kg). Dendye raja desy yaso ma ror makarya desy ma syara i.

Matius 6:12

Ode mswos ara salamire ba, kola dene, aramy misos iry maka salat ma aramy ne dakun.

Lukas 11:4

Ode mswos ara salamire ba, kola dene, aramy misos iry maka salat ma aramy ne dakun. Ode kete mlwura aramy, ma nam dum a khyury aramy ma kyor aramy ei atyatke.”

Lukas 13:3

Lema koldyesy! Keskyede ei neke kolnye lema mtyunik totamy atyatare, desikemo ei ne mumu ana myaty kola iry desikre.

Lukas 13:5

Lema koldyesy! Keskyede ei neke kolnye lema mtyunik totamy atyatare, desikemo ana mmyaty kola iry desikre dakun.”

Nyasoare ti Karyaatare 28:4

Kyoat iry a Malta desikre ratos manunw desike ma itol-itol Paulus simake bonyo, it de tyanuk ti it ma rbohe, “Mlay bain o iry neke, iry matabahunw irkye i ne, kali biar ma lema myaty o tasike, keskyede ity wait hulasow wamfwet maukun irkye, lema lyura i ma myorif.”