Lukas 12:5 - Alkitab bahasa Selaru

⁵ Ana kswusu ti e ohe esei ne musti mo mimtaut I ne de. Mimtaut a Hulasokwe bo, kali kolnye tyabahunw irkye mo, I neke hyareta ma yotuk iry desy ei mamaty rala. Lemade ktwanuk ti e, ma mimtaut Hulasokwe bo.

Lukas 12:5 Iomraidhean Croise

Matius 10:28

Ode kete mimtaut iry a matabahunw tenamire ne, kali lema bisa ma rtabahunw a smwaknamire. De musti mo mimtaut Hulasokwe, kali wasi haretke lan ma bisa ma tyabahunw a smwaknamire ode tenamire dakun ti wen ay malehur manal nini namke kralake.

Matius 25:41

Maktei o Raja desike tyanuk ti iry mamin ti seri wisal desikre ma byohe, ‘Hei iry a ana mamaty e! Myaditi lakhidik e toha ne, ma mbyai ay malehur manal nini namke krala rasosan kita ngkeskwaure wait uskwe khatuke, inor wasi nyasoare ne.

Matius 25:46

Lemade ktwanuk ti e ohe, iry a mamin ti serikw wisal nekre, ana rsukar ei ay a malehur manal nini namke. Klala iry a mamin ti serikw wanke ne, ana rmorif nini nam ti wen sra eraske.”

Matius 5:22

Klala ktwanuk ti e ohe, esei desike kyeyer a wai o hatnima, desikeo i desike ana Hulasokwe yukun i. Ode esei desike ikanak irire, desikeo i desike ana ror i ba ti Maukun Tunare, ma rukun a i. Ode esei desike isoba iry, desikeo ana rotuk i bai mamaty rala, neke wen a ay malehur manal nini nam tike.

Markus 13:23

Lemadendye mijaga mamak a e! Kali ktwanuk tun nekre mumu ti e a kmuna de.”

1 Tesalonika 4:6

Dendye kete myala koldyesy ma khyury ma misal ti ity wait a matohak Yesuske, ta esei ta esei dakun, neke kete misaa myor sawatare, dete lemamo kete misaa myor laitare dakun. Kali ity Ebutke ana yukun iry maala lim o sal maola desikre. Ktela neke aramy msyurat ti e de, ma mironrony mamak a e ma kete myala koldyesy.

Wahyu 14:7

Ode nyaso manosy lait desike yatela ma byohe, “Musti mo mimtaut Hulasokwe ode mlyeru Anike. Kali kyait sekwe mane, ma Hulasokwe yukun irkye ti nuske ktem ne. Dendye musti mo msyakitil ode myou ti I, kali I ne iala lait o lasmyer o tasi ne, ktyabal wer a kmatanare mumu.”

Wahyu 15:4

O Ebo, irire ana ralan O, ode ramtaut ti O. Ode irire mumu ne ana rleru o rbitil Animkwe. Kali cuma mo Oi neke mmwesan a nelnyelnyely a O bo. Ode bangsa nekre mumu ne, ana rma ma rsakitil ode rou ti O. Kali ribun lan ne ratos ohe, muukun tun, ode nam muohut nekre mlay ksyalik.

Wahyu 20:14

Lemade iry a lema rakesy anitare ti Kitab Mormyorifke kralake ne, ana nyaso manosy laitke yotuk sir ei tasike krala akye ode belerangke kilehur ti desy. Maktei o Hulasokwe yotuk haret maala iry o nam mamorif mamin ti lasmyerke khaha ne mumu ne ma ramaty ne, ktyabal wen mamatire ramin tike ne, neke yotuk bai tasike krala akye ode belerangke kilehur tike dakun. Wen a akye ode belerangke kilehur ti desy ne rabohe, “Matmyaty a Kla-ruake” desy.