Lukas 10:22 - Alkitab bahasa Selaru

²² Yesuske syambayan maktei bonyo, tyanuk ti iry mamin ti desikre ma byohe, “Amaku yal haretke ma khwareta nam nekre mumu de. Ode lema kika iry mahe Yaw, de lenla Amaku myesan bo. Ode lema kika iry mahe Amakw, de lenla Anan Yaw kmwesan bo, ktwabal a iry kudakin ma kulosu Amakw ti sir ma rhe I ne dakun.”

Lukas 10:22 Iomraidhean Croise

Matius 11:25

Kyoat desike dakun o Yesuske syambayan ma byohe, “O Amo, Amam Lan O, Oi ne muhareta lait o lasmyerke khaha ne. Kswalak eraske ba ti O, kali nam nekre mumu ne muhunik ti iry mahe telare, ode ti iry mahei lulw o lyaw nekre. Klala mlwosu nam nekre mumu ti iry a manauk tenatare ma babaf kola naman kakanare ne.

Matius 11:27

Yesuske syambayan maktei bonyo, tyanuk ti iry mamin ti desikre ma byohe, “Amaku yal haretke mumu ma Yaw de. Ode lema irkye it a hye Yaw dakun, de lenla Amaku myesan a hye Anan a Yaw ne bo. Ode lema irkye it a hye Amakw dakun, de lenla Anan Yaw kmwesan a khwe I bo, ktyabal iry a kudakin ma ana kulosu Amakw ti sir ne, ma bisa ma rhe Amakw dakun.

Matius 28:18

Lemadendye Yesuske bya ti nyey a sir, ode tyanuk ti sir ma byohe, “Haret mamin ti wen sra eras so, ode mamin ti lasmyerke khaha ne mumu, Amaku yal ma Yaw de.

1 Korintus 15:24

Ode ktela iala desikre mumu ne kisakut bonyo, nenmo nuske ktem ne klyodur. Kyoat desike Kristuske yala yal haret mahareta ti laitke ode ti lasmyerke khaha ne mumu, ma iskyui-iskyay wait haret desikre, ma ika Raja ti. Maktei o nenmo yal wasi haret desikre ba mumu ti Ama Hulasokwe.

2 Korintus 4:6

Kali heitlulswo Hulasokwe tyanuk ma byohe, “Lemamo madelahke kdyelaf ti kelerakokke.” Ode I neke Hulasow a maala madelahke ma kdyelaf ti ity ralat a kralanare ne. Yala koldyesy mamode bisa ma the Hulasokwe wasi madelaf a lan a ksyalik ne, neke bisa ma tatos toha Yesus Kristuske.

Efesus 1:21

Lemadendye Yesus Kristuske wasi haretke lan, ma kbyilak esei ta esei ti ihareta lait o lasmyer ne. Neke lema hyareta nam mamin ti lait o lasmyerke khaha ne ti senwe bo, de hyareta nam nekre mumu ti kiba knaru ne.

1 Yohanes 5:20

Keskyede the ohe Hulasokwe Ananke myai nuske ktem ne. Ode I neke yal heheke ma ity, ma the Hulasow a Mlakye. Ode tamorif neke tety ral sasamke tor Hulasokwe, ode Anan Yesus Kristuske dakun. Yesus Kristus neke Hulasow a Mlakye, de lema kika hulasow salik. Ode mormyorif manal nini namke kimin I a myesan bo.

2 Yohanes 1:9

Ode kolnye esei desike lema tyohak manenen nam Kristuske iajarare, de ila toha nam a mlay desikre, desikeo iry desike lema yety ral sasamke yor Hulasokwe. Klala esei desike tyohak manenen nam Kristuske iajarare, desikeo i desike yety ral sasamke yor a ity Amat Hulasokwe ode Ananke dakun.