Lukas 10:11 - Alkitab bahasa Selaru

¹¹ ‘Heeeeei, ribun lan e! Nus neke kahu malatan ara lwaumy nekre, aramy mryitik ti ne ma kyeluk nyatos ma klyosu ohe Hulasokwe lema yor e de. Klala mnyenas! Hulasokwe mya ma hyareta kola Rajake de.’”

Lukas 10:11 Iomraidhean Croise

Matius 10:14

Dete kolnye msyukar a hnuke it, ode lema rou ma ral e ei wait seire, ta lema rbuma rtomolu e, desikemo mbyetik toha hnu desy, ode mryitik a ahkwe toha lwaumire, ma klyosu ohe ana Hulasokwe ibu a ituly hnu desy.”

Matius 10:7

Dendye mbya, ode mtyanuk ti sir ma mbyohe, ‘Hulasokwe ima ma ihareta kola Rajake ne kyarasy de.’

Matius 3:2

“Mtyunik wasimy lim o sal ba, kali Hulasokwe ima ma ihareta kola Rajake ne kyarasy de!”

Markus 6:11

Keskye kolnye msyukar a hnuke it, ode lema rou ma ral e ei wait seire, ode lema rbuma rtomolu e dakun, desikemo mbyetik toha hnu desy. Keskye mryitik a ahkwe toha lwaumire ti desy aduk, ma klyosu ohe Hulasokwe ana yukun hnu desy.” Yesuske itanuk koldyesy ti sir maktei bonyo, yaso sir ma rba.

Lukas 10:10

Keskyede kolnye msyukar ei nuske it ode lema rou ma ror e ti nus desy mo, mbyai sal lan mamin ti nus desy ode myatelamy ma mbyohe,

Lukas 10:9

Ode iry isy masunw mamin ti desikre mnyoha wait a kbainare ma eras sir. Ode mbyu ti sir de mbyohe, ‘Hulasokwe mya ma hyareta kola Rajake de.’

Lukas 9:5

Dete kolnye msyukar a hnuke it ode lema rou ma ral e ei wait seire, desikemo mbyetik toha hnu desy, ode mryitik a ahkwe toha lwaumire, ma klyosu ohe Hulasokwe ibu a ituly hnu desy dakun.”

Nyasoare ti Karyaatare 13:26

Hei waikw o hatnimakw a Abraham tesnwo natu e, ode iry a lema Yahudi mamtaut Hulasow e! Brit Eras maorif ity neke, Hulasokwe yal ma ity mumu de.

Nyasoare ti Karyaatare 13:40

Lemadendye mironrony mamak a e, ma nam iry manety Hulasokwe wasi nyano desikre rakesy ti wait kitab ne, kete kdi ti e. Kali ti kitab desy, Hulasokwe tyanuk ma byohe,

Nyasoare ti Karyaatare 13:46

Keskyede Paulus yor Barnabas deruke lema ramtaut, de rtanuk ma rbohe, “Musti mo aramy myabrita Hulasokwe tunanare ti iry Yahudi e ne kmuna, keskyede lema myou! Koldyesikemo, ei ne mmyesan a msyusu ohe lema mbyer o mtyahal ma mmyorif nini nam. Lemadendye mimin desy, klala senweke aramy mbya ti myabrita Hulasokwe tunanare ti iry a lema Yahudi-nare!

Nyasoare ti Karyaatare 13:51

Lemadendye Paulus yor Barnabas rritik a ahkwe toha lwautare, ma klyosu ohe Hulasokwe ibu a ituly iry desikre de. Maktei o deruke rtutuk iry desikre ti desy, ode rbai hnu Ikoniumke.

Roma 10:21

Keskyede khyali bangsa Israelke, dendye Yesaya kyesy a Hulasokwe tunanare huruk ma kbyohe, “Sew kyaki nekre khwela simakw ma kukita sir ma rma ma rait Yaw, keskyede sir neke lema rtomolu ode lema rtoha Yaw, de usut a khatu malkyakaw kmati bo.”

Roma 10:8

Keskye rkesy ti Kitab Lanke de ma kbyohe, “Hulasokwe tunanare kyait a e de, ma kimin ti ralamy kralanare de, ma bisa ma mihes Hulasokwe tuna desikre.” Nam Hulasokwe itanuk desikre, ne aramy miabrita ne, ma irire musti mo rtohak ti Kristuske.