Lukas 1:6 - Alkitab bahasa Selaru

⁶ Iry deru neke mlay a sir ti Hulasokwe, ode ramorif neke rtoha haret o tnyetak ity Ebut Hulasokwe itenukare mumu, ma lema raka salat.

Lukas 1:6 Iomraidhean Croise

Khyehyeike 17:1

Kyoat Abram wasi ainke hean-siw kresi siw (99) bonyo, YANWE mya ma syusu I ti i ma byohe, “Abram o, Yaw neke Hulasow Malkyakaw Lahuk Yaw. Mtwomolu Yaw, ode mtwoha tun kutanukare ode mmworif mo nelnyely a o.

Khyehyeike 6:9

Nuh wasi mormyorifke ne: Nuh neke iry mlakye, ode lema yala ktela atyatare kola iry mamorif ti taras desy, ode Nuh neke ika lui yor Hulasokwe.

Khyehyeike 7:1

Lemade YANWE byu ti Nuh de byohe, “Mor a wasimw sekye kralake msyukar ei batbatakke krala desy, kali katos ti iry taras ne mo mmwesan a mlay a o.

Lukas 1:7

Keskyede deruke lema raka anat, kali Elisabet ne myakw, ode deruke dakun o enmosw o amosw sir de.

Lukas 16:15

Lemade Yesuske tyanuk ti iry desikre de byohe, “Myala tenamire ma mlay ti irire, keskyede Hulasokwe hye ralamy kralanare. Nam sai irkye dyakin, desikeo Hulasokwe imnisik.

Lukas 2:25

Kyoat desy dakun o ti Yerusalem neke, irkye it ma ani Simeon. I neke iry a mlakye ode indil ma tyoha tnyetak Musake kali imtaut Hulasokwe, ode Hulasokwe Memeanke kimin a i, ode ikita sew Hulasokwe ana yaditi Israel-are toha masunkwe ne.

Nyasoare ti Karyaatare 2:25

Khyali Yesuske mane heitlulswo raja Daud a tyanuk ma byohe, ‘Kumatmatakit ity Ebut Hulasokwe ma kyalamo syara yaw, lemade lema kumtaut namit-namit, kali inonor yaw ma imin serikkwe bo, ma syaluk yaw.

Nyasoare ti Karyaatare 23:1

Kyoat desike Paulus imdiry, ode yatos manenen Yahudi-nare wait a Iry Lan Maohut Tun desikre, ode tyanuk ti sir ma byohe, “Waikw e, krwekan mo kumorif ma ti kinait senweke, ralakkwe krala neke ktyanuk ohe ktela kuala nekre mumu ti Hulasokwe ne mlay bain.”

Nyasoare ti Karyaatare 24:16

Kali koldyesike mane kyalamo kalkyaw yaw bain-bain ma kala eraske, ma ralakw neke nelnyely ti Hulasokwe ode irkye.

Nyasoare ti Karyaatare 8:21

Ode lema bisa ma mkwaryaa mor aramy ti karya ne, kali ralamkwe lema mlay ti Hulasokwe.

Roma 8:4

Hulasokwe yala koldyesy, mamode ity neke bisa ma mlay a ity ti Hulasokwe, ma ktyoha Hulasokwe wasi tnyetak a rakesy ti tnyetak Musake ne. Neke tamorif kyaki-kyaki ne, lema ttoha ity wait dakdyakin atyat mamin ti ity ralat a krala nekre de, de tamorif ne ttoha nam Hulasokwe Memeanke kibuke.

1 Korintus 11:2

Waikw o hatnimakw e! Kalan a e, kali minenenas yaw ti wasikw mormyorifke, ode ei neke mkyumak malkyakaw ktela kuajar ti e desikre de.

2 Korintus 1:12

Ara waimy o ara hatnimamy e! Ara ralamy kralanare ktyanuk ohe, nam aramy miala ti iry mamin ti nuske ktem ne, neke lema aramy myala kyor ara ralamy malakdua iare, de aramy myala kyor ara ralamy krala nelnyelire bo, kali kyosy Hulasokwe. Apalai kyoat aramy minor a e desy. Dendye aramy mimukmuka aramy, kali bisa ma aramy myala koldyesy, keskye nam aramy miala desike lema kyosy irkye wasi hehe manosy nuske ktem ne, de kyosy Hulasokwe rala eraske bo.

Filipi 2:15

Kete myala koldyesy ma ksyusu ohe, ei neke Hulasokwe anan a e, kali lema mika salamy, ode irire lema bisa ma rudu sal ti e dakun, de nelnyelnyely a e bo. Ode musti mo mmyorif koldyesy daku iry mahature, neke iry a kyaki-kyaki ne raala lim o sal nekre ti nuske ktem ne, ode musti mo myabrita Tun manety mormyorif harharkwe ti sir dakun. Koldyesikemo ei ne myola dene thunare ti metdyet mo, radelaf a nuske ktem ne. Mamode ti kyoat Yesus Kristuske ana ima huruk ne, ei ne bisa ma mbyitil matakkwe. Kali kolnye mmyorif koldyesy, neke ksyusu ohe karyaakkwe ode maslyesakkwe ti e ne lema kdi hah bo.

Kolose 1:22

Keskye selsel ne mtyohak ti Kristuske, ode Hulasokwe ika eras yor e de, kali Ananke myai nus ne de, ma yola irkye ma myaty. Hulasokwe yala Ananke koldyesy ma kyoat mimdiry ma msyara I, desikeo nelnyelnyely a e ma lema mika wasimy lim o sal elik.

1 Tesalonika 3:13

Ode ity Ebut Yesuske yala e koldyesy ma yalkyaw ralamy kralanare, ma kolnye kyoat ana mya huruk, ma yor wasi irire mumu, desikeo lema mika salamy, de nelnyely e ma bisa ma mimdiry ma msyara Hulasokwe, neke ity Amatke.

1 Yohanes 2:29

Kali ei ne mhye ohe Kristus neke mlay a I, ode kyaki-kyaki ne lyakut a tyoha nam Hulasokwe ibuke, dendye bisa ma mhye dakun ohe esei desike lyakut a tyoha nam Hulasokwe ibuke, desikeo iry desike Hulasokwe yal mormyorif harharkwe ti i de.

1 Yohanes 2:3

Ode kolkyabei mane bisa ma the ohe, tahe Hulasokwe bain-bain ne de? Kolnye ity ne ttoha Hulasokwe wasi haretare, desikemo ksyusu ohe the I bain-bain.

1 Yohanes 3:7

Lemadendye anakw e, kete mlyura ma irire rakakmet a e, ma rbohe kolnye tety ral sasamke tor Kristuske, desikeo bisa ma tala lim o sal bo. Keskye kete mtyohak tun desy! Kali esei desike yala ktela mlaire ma ktyoha Hulasokwe ibuke, i desike mlay a i, kola ne Kristuske mlay a I ne.