Lukas 1:51 - Alkitab bahasa Selaru

⁵¹ Ode the ohe Hulasokwe malkyakaw I kali: Iskyui-iskyay iry matun bakbakare.

Lukas 1:51 Iomraidhean Croise

Khyehyeike 11:8

Lemadendye YANWE iskyui-iskyay iry desikre ti nuske ktem ne mumu. Dendye ramres ma lema rala hnu lan desy.

Khyehyeike 6:5

Lemadendye YANWE yatos irire ma rala tot atyatare ti lasmyerke khaha ne, ode nam rarekan ti ralat a kralanare neke kyety atyatke kimesmesan,

Khyehyeike 8:21

Kyoat YANWE ilos a nam Nuh iabar desikre ma kihon a mtelas bonyo, YANWE tyanuk ti ralake de byohe, “Ana lema kuhnutuk lasmyerke khaha ne de, khyali irire totat atyatare. Khwe ohe irire rala rosy kakan sirke nam rarekanare atyat, keskyede ana lema kkwordalam nam ribun lan mamorif nekre de, kola nenmo kuala selsel ne.

Roma 1:21

Keskye lema koldyesy, kali irire mumu ne rhe ohe Hulasokwe imin de, keskye lema rleru I o Hulasow a I, ta lema rsalak eraske ba ti I, de rrekan nam a ktem lema maka kbuanare, ode ralat a kralanare kimin ti kelerakokke bo.

2 Korintus 10:5

Ode Hulasokwe amalkyau inal ma aramy desike, aramy myal dakun ma miskyui-miskyay iry a mabitil tenatare ma atat ti tun ratanukare ti kiba etno eta irire ma lema rahe Hulasokwe ne. Ode aramy myal dakun ma aramy myala nam iry desikre rarekanare ma kihihi i, ma rou ti Kristuske, ma nam rarekan desikre mumu ne ktyoha Kristuske ibuke.

Wahyu 18:8

Kali nus lan Babelke rtanuk koldyesy, lemadendye ana ti sew sasamke bo, desikeo masunkwe kdyan sir o ksunw ksyalik. Neke ana kbainare kena sir, ode ana lu o lar ti sir, ode ana ral matolke kena sir, ode nus lan Babel desike ana akye knya ma ktei dakun. Kali Ebukw Hulasow a maukun sir neke, wasi haretke lan.”