Lukas 1:1 - Alkitab bahasa Selaru

^1-2 Teofilus amam lan o, kyala kyosy khyehyeike iry ribunke rmatakit ktela ribun a Yesuske iala nekre. Maktei o sir ne rlosu nam ramatakit desikre ma ity, ode rabrita Hulasokwe tunanare dakun. Lemade iry desikre dum a ralkyaw sir ma rkesy a brit ne ma kola dene brit a iry mamunanare ralosu ma ity ne.

Lukas 1:1 Iomraidhean Croise

Markus 16:20

Lemadendye Yesuske wasi matoha Iare rba ti rabrita Brit Eraske ti kabei ta kabei bo. Ode ity Ebutke dakun o yor sir ti wait karyaare. Ode yal wasi haretke ti sir ma kyalkyaw sir ma rala ktela masalsyalik iare, ma ksyusu ohe brit ratanuk ne Brit a mlakye.]

Roma 14:5

Ode iry matohakare dum rrekan ohe, sekwe it a eras ma kbyilak sew ida nekre, ma tawahuk ity ti sew desy ma tsambayan. Klala iry matohakare dum huruk a rrekan ohe, sew nekre mumu neke mais bo, ma tawahuk ity ti ma tsambayan. Keskye mnyenas, it o it neke musti mo tyoha nam irekanare ma mlay ti Hulasokwe.

Roma 4:21

Abraham neke tyohak bain-bain ohe, Hulasokwe wasi haretke ma yala nam ihatetak desy ma kdi ti.

Kolose 2:2

Kala koldyesy ma ralamire mumu ne malkyakaw ode myety ral sasamke ma it de lyobak it. Kala koldyesy dakun ma ei ne mumu neke mhye bain-bain o nam Hulasokwe ihunik ti heitlulswoke, neke Kristuske I desy.

Kolose 4:12

Ode Epafras yosa wasi salamke ti e dakun. I neke miktem hnu, ode Yesus Kristuske wasi makarya i dakun. Ma kyaki-kyaki ne yalkyaw i ma syambayan ti e, ma iten ma Hulasokwe yala wasimy tohtohakare ma malkyakaw, ode mhye bain-bain nam a Hulasokwe ibuare mumu.

1 Tesalonika 1:5

Kali kyoat aramy myabrita Brit Eraske ti e, desikeo lema tunke ma aramy mtyanuk bo, de kamalkyauke kyosy a Hulasokwe Memeanke. Ode aramy mtyohak a ksyalik Brit Eras desike kamlaike. Ode ei ne mhye nam ne dakun de, kali kyoat aramy minor a eke, desikeo myatos de, ma aramy mtyanuk kolkyabei ma aramy msyaluk a e, ode aramy mmyorif kolkyabei ma aramy msyaluk a e dakun.

1 Timotius 3:16

Mlay bain nyano manosy Hulasokwe ne eras a ksyalik. Heitlulswo nyano ne kihunik i, keskye Hulasokwe lyosu ma ity de. Lemade ity wait tohtohakke ne, ttohak ode tou nyano malosu Yesus Kristuske, neke ne: I neke myai nus ne ma yola irkye, ode Hulasokwe Memeanke klyosu o Yesuske Hulasokwe Anan I, ode Hulasokwe wasi nyasoare rosy laitke ratos I de, ode I neke wasi britke irire rabrita ti negara-nare, ode ti nuske ktem ne irire rtohak I, ode Hulasokwe syalak a I bai wen sra eras madelaf Hulasokwe imin tike.

2 Timotius 4:17

Keskyede ti kyoat kumdiry ma kswara iry maukun tun desikre, desikeo ity Ebutke inonor a yaw ti wasikw tun ne, ode yalkyaw yaw ma bisa ma kabrita Brit Eraske mumu, ti iry ribun a lema Yahudi mamin ti wen desy ma rtomolu. Ode ity Ebutke dakun o yaditi yaw toha haret matmyaty rabu ma raohut ma yaw ne.