Filemon 1:7 - Alkitab bahasa Selaru

⁷ Waikw Filemon o! Wasimw loblobakke kyala ralakw ne ma malkyakaw, ode kumukmuka kumarmara yaw, kali oi ne maluka Hulasokwe wasi irire ralatare de.

Filemon 1:7 Iomraidhean Croise

1 Korintus 16:18

Kali sir ne raluka ralakkwe kralake, kola dene raluka ralamy kralanare dakun ne. Lemadendye musti mo myalan iry maoly desikre.

2 Korintus 7:13

Lemadendye ktela miala desikre mumu ne kyalkyaw ara ralamy kralanare. Ode lema desy bo, de aramy mimukmuka mimarmara aramy ksyalik, ti kyoat aramy myatos ohe, ity wait Titus neke ralake kimukmuka kimarmara i, kali ei ne mumu ne myaluka ralake kralake ma kele rteka de.

2 Korintus 7:4

Dendye kures ma ktwanuk soru nam nekre ti e. Ode ei ne mbyitil matakkwe. Ode biar ma masunw sai ta sai kdyan yaw, keskye ei ne myaluka yaw, ode myalkyaw ralakkwe a ksyalik. Ode khyali e, mane kumukmuka kumarmara yaw ksyalik.

1 Tesalonika 2:13

Aramy neke lema mimres ma msyalak eraske ba ti Hulasokwe dakun, kali kyoat aramy myabrita Brit Eraske ti e, desikeo ei ne mikita ma myal Brit desy, ma myal o lema kola ne tun irkye itanukke, de myal kola ne tun desikre kyosy Hulasokwe. Ode mlay bain o tun desikre Hulasokwe tunanare. Ode tun desikre kkyarya ti iry matohak Kristus a e ne ralamy kralanare.

1 Tesalonika 2:19

Aramy mbyuma mbya ti myait e, kali ana ti sew a ity Ebut Yesuske mya huruk ma ti tasara I ne, desikeo aramy mhye ohe wasimy tohtohakke malkyakaw ma lema kiwaway. Koldyesike ne ei ne mbyitil ara matamire ma desy, ode myala aramy ma mimukmuka mimarmara aramy dakun.

1 Tesalonika 3:9

Ode kyoat aramy msyara Hulasokwe ma msyambayan bonyo, aramy mimukmuka mimarmara aramy ma aramy msyalak eraske ba ti Hulasokwe o lan a ksyalik kali khyali e.

2 Timotius 1:16

Keskye Onesiforus lema myay, de mya ma syeak yaw ti sey metmetke krala ne, ode kyalamo yalkyaw ralakkwe. Lemade kswambayan ma kuten ity Ebutke, ma syusu wasi loblobakke ti Onesiforus wasi sekye kralake.

Filemon 1:20

Lemadendye waikw a Filemon o, kuten ma lemamo mswaluk a yaw, ma mal Onesimus huruk, kali ituru neke tety ral sasamke ti ity Ebutke. Lemade kuten ma maluka ralakkwe koldyesy, kali ituru neke tety ral sasamke ti Kristuske.

2 Yohanes 1:4

Enen o, kumukmuka kumarmara yaw ksyalik ti kyoat kunal a kor anamure dum, kali rmorif ne rtoha nam a mlay Hulasokwe iajarare, ma ktyoha haret ity Amat Hulasokwe itanuk ma itkye.