Filemon 1:2 - Alkitab bahasa Selaru

² Ode kkwesy atyahy ne ti o, mor ity rahyetat Apfia, mtyabal Arkhipus dakun. Ode Arkhipus neke kyarya karya takarya ne ti desy kola o dakun. Ode i neke ires ma yabrita Brit Eraske, biar ma masunkwe kdyan i, kola dene suldatke ti ihar masunkwe ti wasi karyake ne. Ode atyahy kukesy neke lema ti e bo, de ti iry matohak a rawahuk sir ti wasimw sey desy ma miktem a misambayan desy dakun.

Filemon 1:2 Iomraidhean Croise

Roma 16:1

Waikw o hatnimakw e! Kyosy atyahy ne, kbwuma kuhes ti e ti khyali ity hatnimat wamfwetke ma ani Febe. I neke eras a i, ode ika diaken ma syaluk ribun matohak a mawahuk sir ma rasambayan ti hnu Kengkreake.

Roma 16:5

Ode mlyosu wasikw salamke ti iry a matohak ma mawahuk sir ma rasambayan ti Akwila yor Priskila wait sekye krala desy. Ode mlyosu wasikw salamke ti waikw Epenetus kulobak desy. I neke iry mamunmuna matohak ti Kristuske ti propinsi Asiake ne.

1 Korintus 16:19

Waikw o hatnimakw e, ribun matohak a mawahuk sir ma rasambayan ti nus o hnu mamin ti propinsi Asia ne, neke rosa wait salamke ti e. Ode Akwila yor sawa Priskila, ror iry matohak a mawahuk sir ma rasambayan ti Akwila wait sekye ne, neke ral ralat a kralanare bain-bain ma rosa wait salamke ti miktemtem dakun, kali ror e neke myety ral sasamke myor ity Ebut Yesuske de.

Filipi 2:25

Keskyede krwekan ohe, musti mo kaso ity wait Epafroditus ne, ma yulak i ti yait e aduk. I neke heit a myaso i ma mya ma syaluk yaw, ma aramy miru ne mkyarya ti Hulasokwe. Ode aramy myabrita Brit Eraske, biar ma masunkwe kdyan aramy, kola dene suldatke ti ihar masunkwe ti wasi karyake ne.

Kolose 4:15

Lemade mlyosu ti ity wait matohak mamin ti nus Laodikia-nare ohe aramy myosa ara wasimy salamke ti sir, ode ti Nimfa dakun, rtabal a iry matohak mawahuk sir ti Nimfa wasi sey desy ma rasambayan ne.

Kolose 4:17

Ode mlyosu ti Arkhipus ma nyenas ohe, musti mo kyarya harhar ity Ebutke inal ti i desy nini ktei.