Yuda 1:3 - Núúboòd Gú'dúgke Puu Sambə́ Nwɔŋú bìá

³ Ɔ̀dzéd mə́ bərá, mə́ bári núúboòd súúke bə̀ aa Vɛnɛ́b pii bə́nnà bə́n kóólé roó, bɔ̀b oò kùm obə́n gɔ̀ŋsə́ rú. Zá bə́ŋyée, mə́ tə́ ii núúboòraa bádǹ, bɔ̀b ìì kùm kə̀ váàndoá, bɔ̀b ìì dìì nə́gə̀d nə́'ǹmbə̀ tɛ́mbagké aa Vɛnɛ́b pii rə bòórú. Tɛ́mbagké aarə, Vɛnɛ́b pii nɛ́b gìdń oò bərá, sɛŋ nə́ŋ̀ní tə́ŋtə́ŋ, dùg bəní.

Yuda 1:3 Iomraidhean Croise

Gbantumsə̀ bəd Tùsá 17:3

Tə́ bə̀ kíìn baàn i'nàá, bít tə́ bə̀ kíìn zibm̀ i'nàá kìínmbə̀ Vɛnɛ́b nwɔŋ bàà rə kíni. Nɛ́ŋə̀ aa Vɛnɛ́b tɔ̀bə̀ gààd yílə́ rə, oò bé' búúrá, val oò kò'ù kúnú, bít oò díím kíìn valú. Pol bàà: «Yéésù aa mə́ tə́ ii nwɔŋ oò baàn bə́ŋyée rə, oòra kùmsə̀n Nɛ́ŋə̀ aa Vɛnɛ́b tɔ̀bə̀ gààd kílə́m yílə́ roó.»

Gbantumsə̀ bəd Tùsá 18:28

Gám Yahudu bəd nwɔŋ kə̀ kpɛŋsɛ́lá, nɛ́b zùúm númú kóólé. Bə̀ bé' gə́, bə̀ kə̀ vɛ́nà naà sé. Ì' bə̀ kə̀ Núúboòd Gìdń bərá Yéésù kùmsə̀n Nɛ́ŋə̀ aa Vɛnɛ́b tɔ̀bə̀ gààd kílə́m yílə́ roó.

Gbantumsə̀ bəd Tùsá 20:27

Kàandə, mə́ bàà ii in aa Vɛnɛ́b í' ma'ǹmbə̀ rəì kóólé, mə́ mə́' ii in nə́ŋ̀má sé.

Gbantumsə̀ bəd Tùsá 28:28

«Pol bàà zəg sɔ̀ŋ: ‹Ìì gàb kúnú, Vɛnɛ́b tùmà súúke nwɔŋ oò aa yée, nɛ́b aa bàgə̀ síndə bìá. Bə̀ dá nwɔŋ aarə kíìn zɛŋàá.› [

Gbantumsə̀ bəd Tùsá 4:12

Yéésù oò nə́ŋ̀ní tə́ŋtə́ŋ, dá sə̀n báàn nɛ́b bəd súùnmbìá. Nə́gə́l oò bə̀ ní, kùmsə̀n kpɛŋsɛ́l aa piià zɔ̀ŋə yɛ́b ba, dá báàn nɛ́b bəd súùnmbə̀ roó. Bít báá n súúke bɔbm̀ kə̀ oòra.»

Gbantumsə̀ bəd Tùsá 6:7

Vɛnɛ́b nwɔŋ sa' ɛ̀m númú, nɛ́b sáànmbə̀ bəd kɔ̀ tóó bə̀ kàn nɛɛ̀n Urusalima bìlú, bít nɛ́b láŋsə́ bə̀ ma'ǹ bəd zùúm bə̀ kè'ì Nwɔŋ Puu Sɔ̀ɔ̀nkè bagǹmbìá.

Gbantumsə̀ bəd Tùsá 9:13

Ananiyas kè' í'ù: «Báátììkpɛ̀ŋ Yéésù, nɛ́b bəd zùúm bə̀ ùd mə́ nɛ́ŋ váàndo aa nwɔŋ yàá. Ìì bàà mə́ nɛɛ̀n aa í' Vɛnɛ́b nɛ́b gìdń bəd búúd dú, Urusalima bìlə́ rəì kóólé.

Gbantumsə̀ bəd Tùsá 9:22

Zá sɛŋ də, Sol ùd dáá Vɛnɛ́b nwɔŋ sɛŋ gə́ kóólé númú númú, kə̀ váàndoá. Yahudu bəraa bə̀ ləə Damas bìlə́ rə, ìì gàb nɛɛ̀n aa kè' ìì dáù í'ǹ dú rə gá, màìgə́, zìb tə́ bə̀ i'ǹ Yéésù kùmsə̀n Nɛ́ŋə̀ aa Vɛnɛ́b tɔ̀bə̀ gààd kílə́m yílə́ rə gə́ roó.

1 Korintu 15:3

Mə́ bààiyà nwɔŋ aa éèn mə́ bɔ̀bà kə̀ yíl máá bə̀ ní roó. Val kò' Krístù invaksə́ bə́n bəd bòórú, kìínmbə̀ nɛɛ̀n aa Núúboòd Gìdń bəd bàà rə kíin.

Galatiya 2:5

Nɛ́b aarə gə́, bə́ ləə bə̀ sé, bə́ pii yíl bə́ sɛŋ wàà zɔ̀gɔ̀ boò naà sé. Bə́ í' rə gə́, Nwɔŋ Puu Sɔ̀ɔ̀nkè aarə, oò ɛ̀m númú aí tə́ŋú, oò pɛ́n bə sí.

Galatiya 3:28

Bə́ŋyée gə́, Vɛnɛ́b pɛ̀d Yahudu bəd kə̀ Grɛg bəd sé. Pɛ̀d kɔ̀' kə̀ nɛ́ŋə̀ aa kɔ̀' síndə sé. Pɛ̀d nɛ́ŋ váàndo kə̀ nɛ́ŋ kéèndo sé; kə̀ aakíin də, íí kóólé íí tə́ nə́ŋ̀ní, wálke íí kə̀ Yéésù Krístù ra.

Galatiya 6:11

Ìì ɛ̀g nwɔŋ gbàád bəraa yóo' mə́ bári sə̀n kə̀ nɛɛ̀n tɛ́m máá bìá.

Efesus 1:1

Núúboòraa vúgà máá, mə́ Pol naú. Kə̀ nɛɛ̀n aa Vɛnɛ́b í' rə kíin, mə́ kùm taà Yéésù Krístù gbantumsàá. Bád mə́ pii nɛ́b aa bə̀ tə́ Yéésù bagǹ kə̀ tɛ́m nə́ŋ̀ní, bɔ̀b bənə́ kumnə́ gìdń oò númú, bə̀ ləə Efesus bìlə́ roó.

Filipiya 1:1

Núúboòraa vúgà Pol naú, kə̀ Timote naú, nɛ́b Yéésù Krístù tù' bə̀ ma'ǹ bərá. Núúboòd aarə, bád bə́ pii Vɛnɛ́b nɛ́b gìdń bəraa bə̀ kùm Filipiya bìlə́ rə gə́ kóólé, aa bəraa bə̀ tə́ Yéésù Krístù bagǹ doó, nɛ́b yíl bə̀ bəraa Eklisiya bəd tə́ŋə́ roó, bít kə̀ diakre bəd tá.

Filipiya 1:27

Bə́ŋyée mə́ tə́ ii baàn sɔ̀ŋ, ìì kò' yíl íí kə̀ nɛɛ̀n aa kùm íí dá saŋ̀ kə̀ Nwɔŋ Puu Sɔ̀ɔ̀nkè Krístù bə̀ roó, bɔ̀b dá máà bé' ii kúnú, kóó sínkɔ̀ mə́ dáá sín má, máá kíìn báàn gabm̀bìá, íí kùm tə́ və̀'kèá, inselké íí wál tə́ nə́ŋ̀ní. Bít íí nə́' nə́gə̀d tə́ kə̀ tɛ́m nə́ŋ̀ní, tɛ́mbagké aa Nwɔŋ Puu Sɔ̀ɔ̀nkè tə́ piìn də bìá.

Kolosia 1:2

Bə́ bád núúboòraa rə, Vɛnɛ́b nɛ́b gìdń bəraa Kolosia bìlə́ roó, ɔ̀dkudvɛɛ̀l bə́n bəraa bə̀ bàg Krístù kə̀ tɛ́m nə́ŋ̀ní roó. Mə́ nyɛ̀m Báá bə́n Vɛnɛ́b oò mà' ii pə̀dkèá, bít oò pii ii tɛbàá.

1 Tesalonika 2:2

Íí gàb yàá, sɛŋ aa báà yaànnà aí səǹ də, bə̀ í' bə́ búúd, Filipiya bìlú, bít bə̀ dúl bə́ kúnú. Zá Vɛnɛ́b gə́, kpɛ́ŋ bə́ tɛ́m, bɔ̀b báà bàà ii Nwɔŋ Puu Sɔ̀ɔ̀nkè aa vúgà oò naà roó, kóó nə́gə̀d zùúm bərú.

1 Timote 1:18

Ámda ń wàà mə́ Timote ra, mə́ tə́ən nwɔŋ aa yée baanàá; nwɔŋ aarə, dáá tə́ kə̀ nwɔŋ aa vúgà Vɛnɛ́b naà, Vɛnɛ́b gbantumsə̀ bəd bə̀ gám nyàamdoorú ám yílə́ roó. Kò' ǹ və́' nwɔŋ aarə naú, bɔ̀b nə́gə̀d sɔ̀ɔ̀n bə̀ nə́'ǹná.

1 Timote 6:12

Aa dá sɔɔ̀n də gə́, ǹ nə́' nə́gə̀d sɔ̀ɔ̀nkè tɛ́mbagké bìá, bɔ̀b m̀ bɔ̀b kə̀ gɔ̀ŋsə́ aa bɛ́d bə gá roó. Kàandə, Vɛnɛ́b dɛ̀dnnà yaà ǹ kùm gɔ̀ŋsə́ aa rú, sɛŋ aa ń mà' kə̀ sedako tɛ́mbagké rú, nɛ́b zùúm númú roó.

2 Timote 1:13

Ǹ ɛ̀g nwɔŋ nyɛdkè bəraa ń kììà máá naà yérə, kə̀ nwɔŋ sɔ̀ɔ̀n aa dá n kpaŋ̀ i'ǹ də kíin, bít ǹ kùm və̀'kè tɛ́mbagké aa kə̀ í'sɛ̀l tá, Yéésù Krístù rú rə rú.

Titus 1:4

Mə́ tə́ən núúboòraa báràá, Titus, ámda ń kùmsə̀n wàà vɛ́nà bə̀ mə́, tɛ́mbagké aa wál bə́n də bìá. Mə́ nyɛ̀m Báá bə́n Vɛnɛ́b kə̀ Yéésù Krístù Nɛ́d Nɛ́ŋə̀ bə̀ Súùn bə́n tá, boò mà' n pə̀dkèá, bít boò pii n tɛbàá.

Ibraniŋko bəraa 13:22

Ɔ̀dkudvɛɛ̀l mə́ í'sɛ̀lbə̀ bərá, mə́ tə́ ii kíìn nyɛmàá, ìì zɛ̀ŋ nwɔŋ tɛ́m gágke bə̀ máa yée kə̀ tɛ́m sidkéá, kàandə, nwɔŋ aa mə́ báriyà núúboòraa rú yée, bùùd sé.

Ibraniŋko bəraa 6:9

Zá kóó dáà bə́ gám tə́ kə̀ aakíin, ɔ̀dzéd mə́ í'sɛ̀lbə̀ bərá, bə́ nyìì tə́ kə̀ tɛ́m zígke kə̀ aíra. Bə́ gàb yàá, íí tə́ kpaŋ̀ sɔ̀ɔ̀nú, kpaŋ̀ aa dá ii aàn súúke rú roó.

1 Piyɛr 5:12

Mə́ bári núúboòd kə́ddo wàà aa yée, kə̀ láŋke Silas bìá. Silas də, mə́ ɛ̀gə̀ tə́ kìínmbə̀ ɔ̀dkudvɛɛ̀l aa tə́ Vɛnɛ́b bagǹ kə̀ tɛ́m nə́ŋ̀ní rə kíin. Mə́ í' ii váàndo piìnmbìá, bít mə́ í' ii baàn nyɛ́'ǹmbə̀ gə́, aarə kùmsə̀n Vɛnɛ́b pə̀dkè sɔ̀ɔ̀ná. Ìì kùm və̀'kè oò rú.

2 Piyɛr 1:1

Núúboòraa vúgà máá mə́ Simon Piyɛr naú. Mə́ Yéésù Krístù nɛ́d tù' bə̀ ma'ǹná, bít mə́ gbantumsə̀ oòra. Tùm mə́ pii núúboòraa íí nɛ́b aa íí bɔ̀bà tɛ́mbagké pɛ̀sə́ bə̀ kìínmbə̀ obə́ kíin doó. Íí bɔ̀b tɛ́mbagké aarə, Yéésù Krístù, Vɛnɛ́b bə́n, bít Nɛ́d Nɛ́ŋə̀ bə̀ Súùn bə́n insɔ̀ɔ̀n aa mà' rə bòórú.

2 Piyɛr 2:21

Aa dá sɔɔ̀n də, dáà boò gàb kpaŋ̀ wɔ̀ɔ̀lə̀ sí, kə̀ gabm̀bìá, bít məə̀n daànmbə̀ indaŋ̀mbə̀ Gìdń oò aa bàà bə̀ rə gə́ roó!

Yuda 1:1

Máá mə́ Yuda, Yéésù Krístù nɛ́d tù' bə̀ ma'ǹná, Yakuba kudvɛɛ̀lá. Mə́ bád núúboòraa yée, nɛ́b aa Vɛnɛ́b sààvúŋ bà roó, aa bəraa kùm Báá Vɛnɛ́b í'sɛ̀lú, bít Yéésù Krístù tə́ bə̀ nwáàn doó.

Yuda 1:17

Zá íí ɔ̀dzéd mə́ bərá, sèl ìì zá' nwɔŋ aa Báátììkpɛ̀ŋ Yéésù Krístù gbantumsə̀ bəd bàà ii nyàamdoorú roó.

Yuda 1:20

Zá ɔ̀dzéd mə́ bərá, ìì kpɛ́ŋ yíl íí tɛ́mbagké gìdń aa yée rú. Ìì nyɛ̀m Vɛnɛ́b kə̀ Nwul Gìdń kpɛŋsɛ́lá,

Kedké Yohana Núù bìá 12:11

Ɔ̀dkudvɛɛ̀l bə́n bagké bəd gə́, nə́' bə̀ kànə̀ kə̀ Bɛ̀rə̀wà nyɛ̀lə́má, bít bə̀ kànə̀ kə̀ sedako nwɔŋ aa bə̀ bàà nɛ́b bəd doó. Bə̀ í' gɔ̀ŋsə́ boò gbàákù sé, kə̀ taàbìá, bə̀ kè' taà gɔ̀ŋsə́ boò piìnmbə̀ val naú.

Kedké Yohana Núù bìá 2:10

Ǹ nùù də́dǹ kə̀ búúraa ń dá bé'ǹ bə́ŋyée rə sí. Mə́ tə́ən kíìn baanàá, Sámbàŋyɛ́rə̀ də́' dá ii kíìn ɛgàá, kə̀ páànmbə̀ nɛ́b zùúm kambəd aí tə́ŋú, wúltígə́l bə̀ rú, bít íí dá búúd bé'ǹ sɛŋ kób. Zá ǹ kùm kə̀ tɛ́mbagkéá, val oò kò' n zé; bít máá n mə̀ə̀lə̀ gɔ̀ŋsə́ bə̀ piinàá.