Filemon 1:9 - Núúboòd Gú'dúgke Puu Sambə́ Nwɔŋú bìá

⁹ Zá í'sɛ̀l mə́ aa kə̀ ám də bòórú, mə́ í' n nwɔŋ nə́ŋ̀ dɛdǹmbìá. Èè, máá mə́ Pol gə́, mə́ nɛ́ŋə̀ dooroá, bít bə́ŋyée kɔ̀, kò' bə̀ páá mə́ì wúltígə́l bə̀ rú, Yéésù Krístù nwɔŋ bòórú.

Filemon 1:9 Iomraidhean Croise

Roma 12:1

Kə̀ taàbìá, ɔ̀dkudvɛɛ̀l mə́ bərá, bə́ŋyée Vɛnɛ́b ì'à sɔ̀ɔ̀nkè oò obə́n yílə́ yée gə́, ogə́ mə́ nyɛ̀m ii kúnú, ìì pii yíl ii Vɛnɛ́b naú, kìínmbə̀ sadaka kíin. Aa kùmsə̀n nɛɛ̀n aa nɛ́ŋə̀ dá Vɛnɛ́b pɔ̀bm̀ dú sɔ̀ɔ̀nkè roó. Ìì pii gɔ̀ŋsə́ íí kə̀ zɔ̀ŋtə́ kóólé, bɔ̀b Vɛnɛ́b tù' bə̀ ma'ǹná. Bít in aa íí tə́ ma'ǹ də gə́ kóólé, oò kùm Gìdńná, bít oò sɔ̀ɔ̀nə̀ kúnú.

2 Korintu 5:20

Aarə kɔ̀ Krístù zɔ̀ŋ ba, bə́n gáàm taà nwɔŋá, kìínmbə̀ Vɛnɛ́b kə̀ yíl oò bə̀ má, dɛ̀ri nwɔŋ kə̀ obə́ rə kíin. Bə́ tə́ ii kíìn nyɛmàá, Krístù nə́gə́lú, ìì kè' kíìn bídǹ saŋ̀mbə̀ kə̀ Vɛnɛ́bá.

2 Korintu 6:1

Kə̀ aakíin də, nɛ́b aa bə́n tə́ən tù' ma'ǹ kə̀ Vɛnɛ́b tə́ rə, bə́ tə́ ii kíìn nyɛmàá, ìì dàà pə̀dkè aa íí bɔ̀bà Vɛnɛ́b naà rə oò bɔ̀b sí.

Galatiya 3:26

Kàandə, íí nɛ́b aa íí bàg Yéésù rə gə́ kóólé, íí Vɛnɛ́b yɛbá, kə̀ wálke aí bə̀ kə̀ oòra.

Efesus 3:1

Kə̀ taàbìá, máára mə́ Pol la, mə́ pìì wúltígə́l bə̀ rú, nɛ́b aa íí bàg síndə bòórú. Yéésù Krístù tùm máà sùnú, bɔ̀b yaà máà bàà ii Nwɔŋ Puu Sɔ̀ɔ̀nkèá.

Efesus 4:1

Mə́ tə́ ii kíìn nyɛmàá, máára mə́ kùmsə̀n nɛ́d wúltígə́lú bìá. Kàandə, mə́ tə́ Báátììkpɛ̀ŋ tù' ma'nàá, ìì kùm sɔ̀ɔ̀nkèá, kə̀ nɛɛ̀n aa Vɛnɛ́b í' rə kíin, sɛŋ aa dɛ̀riyà bəroó.

Efesus 6:20

Kóó bə́ŋyée mə́ wúltígə́l bə̀ rú yóo, máára mə́ kùmsə̀n gbantumsə̀ Nwɔŋ Puu Sɔ̀ɔ̀nkè aarə bìá. Ìì nyɛ̀m Vɛnɛ́b, bɔ̀b máà gám nwɔŋ kə̀ tɛ́m gágkeá, kìínmbə̀ nɛɛ̀n aa máá gáàm dú rə kíin.

1 Timote 1:12

Mə́ mɔ̀' Báá bə́n Tììkpɛ̀ŋ Yéésù Krístù yàá. Oòra pii mə́ sə̀n kpɛŋsɛ́lá, máà mà' tù' bəǹ da. Mə́ mɔ̀'ù yàá, ɛ̀g mə́, mə́ də́ŋì tɛ́m zígǹmbə̀ ba, bít sààvúŋ mə́, máà kùm obəǹ tùsú.

Titus 2:2

M̀ bàà nɛ́b vɔ̀ɔ̀m dooro bəd boò mà' in aa dáá síndə sí. Boò kùm nɛ́b ɔ̀gke bərá, nɛ́b in bə̀ gabm̀ bərá. Boò kùm və̀'kè tɛ́mbagké rú, kə̀ í'sɛ̀lá, bít boò sìd kúnú.

Ibraniŋko bəraa 13:19

Mə́ tə́ ii kíìn nyɛmàá, ìì nyɛ̀m Vɛnɛ́b kə̀ máára, bɔ̀b oò bí' máà aí sə̀n kə̀ báŋ.

1 Piyɛr 2:11

Ɔ̀dzéd mə́ í'sɛ̀lbə̀ bərá, mə́ tə́ ii kíìn baàn nyɛdkè, íí kùm tə́ zɔ̀ŋə yɛ́b bə kìínmbə̀ nɛ́b aa gəə̀l bə̀ tə́ taàn də kíin, bít kə̀ sɛ̀ɛ́n bəd kíin. Kə̀ taàbìá, mə́ tə́ ii taà nyɛmàá, nùù ìì dàà inlɛ'kè vaksə́ bəraa íí tə́ í'ǹ aí tɛ́m bəroó; boò rə, bə̀ nə́' nə́gə̀d tə́ kə̀ nyì' íí ra.