Filemon 1:7 - Núúboòd Gú'dúgke Puu Sambə́ Nwɔŋú bìá

⁷ Ɔ̀dkudvɛɛ̀l mə́ í'sɛ̀l bìá, í'sɛ̀l ámbə̀ pii mə́ tɛ́m làmkèì gbàákù, kə̀ váàndo tá. Kàandə, ń nyɛ́' Vɛnɛ́b nɛ́b gìdń bəd tɛ́m yàá.

Filemon 1:7 Iomraidhean Croise

1 Korintu 16:18

Kàandə, yaà bə̀ tɛ́' mə́ tɛ́m yàá, kìínmbə̀ nɛɛ̀n aa bə̀ tɛ́' ii tɛ́m də kíni. Ìì gàb nɛ́b luùm bəraa rə kíìn mɔ̀'ǹmbə̀ kə̀ in aa bə̀ mà' roó.

2 Korintu 7:13

Kə̀ taàbìá, in aa íí mà' bə́ rə, tɛ́' bə́ tɛ́m yàá. Bə́ bɔ̀b tɛ́m tɛbə̀ ní sé, zá bə́ kìì tɛ́m làmkè gbà'á aa kàŋ kàn nɛɛ̀n də sɔ̀ŋ, sɛŋ aa bə́ bé' Titus kə̀ tɛ́m làmkèá, nɛɛ̀n aa íí kóólé, íí tɛ́'ù tɛ́m dú roó.

2 Korintu 7:4

Mə́ zíg tɛ́m tə́ aí naà gbàákù, bít tɛ́m yád mə́ tə́ kə̀ aí gbàákù. Tɛ́m mə́ tə́ kə̀ tɛbàá, bít kə̀ làmkèá, kə̀ búúd bəraa mə́ tə́ bé'ǹ də tə́ kóólé.

1 Tesalonika 1:3

Kə̀ aakíin də, sèl bə́ tə́ zá'ǹ Báá bə́n Vɛnɛ́b númú, nɛɛ̀n aa íí tə́ tù' ma'ǹ kə̀ tɛ́mbagké íí roó, nɛɛ̀n aa í'sɛ̀l aí bə̀ tə́ ii kpɛŋsɛ́l piìn dú roó, kə̀ nɛɛ̀n aa tɛ́m zígke íí aa Báá bə́n Tììkpɛ̀ŋ Yéésù Krístù bərə kùm dú və̀'kè roó.

1 Tesalonika 2:13

Nwɔŋ ɔ̀ɔ̀raa bə́ dàà Vɛnɛ́b mɔ̀'ǹmbə̀ síndə, sɛŋ aa bə́ ùri Vɛnɛ́b nwɔŋ də, íí kìì yàá, bít íí kè' kìínmbə̀ nɛ́ŋə̀ nwɔŋ kíin sé. Zá íí kè' kìínmbə̀ Vɛnɛ́b nwɔŋ kíin; aarə tə́ vɛ́nà. Kə̀ aakíin də, oòrə mà' tù' tə́ nɛ́b aa íí tə́ bagǹ də tɛ́mú.

1 Tesalonika 2:19

Kə̀ aakíin də, aíra íí kùmsə̀n tɛ́mzígke bə́ra, tɛ́mlàmkè bə́ra, bít kə̀ mə̀ə̀lə̀ aa bá báàn kùlə́ ma'ǹmbə̀ kə̀ kùrú, sɛŋ aa Báá bə́n Tììkpɛ̀ŋ Yéésù Krístù dáà bídǹnà bəroó.

1 Tesalonika 3:9

Bə́ tə́ kə̀ tɛ́m làmkè gbà'á, Vɛnɛ́b númú, aí bòórú. Bə́ mɔ̀' Vɛnɛ́bì gbàákù, tɛ́m làmkè aa bə́ tə́ bɔbm̀ aí yílə́ rə bòórú.

2 Timote 1:16

Báátììkpɛ̀ŋ oò mà' sɔ̀ɔ̀nkè oò nɛ́b aa Onezifor yiìl lə kóólé yílú. Kàandə, sɛŋ gə́ kóólé, tə́ mə́ kpɛŋsɛ́l piinàá. Oòrə, nùù sə́ə́mnúù sɛŋ aa mə́ wúltígə́l bə̀ rú rə sé.

Filemon 1:20

Báà ɛɛ̀m kúnú, ɔ̀dkudvɛɛ̀lá. Ǹ mà' mə́ tùsaa yérə Báátììkpɛ̀ŋ nə́gə́lú. Ǹ nyɛ́' mə́ tɛ́m, kə̀ wálke mə́ kə̀ Krístù ra.

2 Yohana 1:4

Mə́ bɔ̀b yɛb ḿ bəd kam bə̀ tə́ insánke vɛ́nà bə̀ ko'ǹ, kə̀ nɛɛ̀n aa Báá indaŋ̀mbə̀ bàà rə kíin. Tɛ́m mə́ kìì làmkè yàá.