Filemon 1:6 - Núúboòd Gú'dúgke Puu Sambə́ Nwɔŋú bìá

⁶ Mə́ nyɛ̀m Vɛnɛ́b ǹ kùm gágkeá, bɔ̀b tɛ́mbagké ń pɛdǹ gabm̀bə̀ kə̀ nɛ́b bagké kam bərá, bɔ̀b ǹ bɔ̀b ingabké nyììkèá, kə̀ insɔ̀ɔ̀nkè aa bə́n kə̀ naà bə́n gɔ̀ŋsə́ rú, Yéésù rú rə gə́ kóólé.

Filemon 1:6 Iomraidhean Croise

Mata 25:16

Sɛŋ də bəní, màn aa kè' dìg núnə̀ rə, zá' ɛ̀m, nɔ̀ŋ lɛ́b vúŋ dìg núnə̀ ɔ̀d sɔ̀ŋ.

Mata 5:16

Ogə́, laa nyɛdkè aí bə̀ kɔ̀ bììd oò nyɛd kàani, nɛ́b bəd númú, bɔ̀b boò bé' tù' sɔ̀ɔ̀nkè bəraa íí tə́ ma'ǹ doó, bít boò káŋ Báá íí Vɛnɛ́b aa lɛgə́ paà roó.»

1 Korintu 14:25

Bít inselké oò tɛ́mú bə̀ dákíìn vúgǹ zɔ̀ŋ nyɛdkè ba. Dá núù ləə̀n wúbm̀ yɛ́b ba, dá Vɛnɛ́b káŋàá, bít dá baàn: «Vɛ́nà, Vɛnɛ́b tə́ kə̀ aí tá!»

1 Korintu 16:9

Kàandə, bə́ŋyée sɛŋ tə́ sɔ̀ɔ̀ní, máá bìá, bɔ̀b tù' gbà'á bə̀ ma'ǹ zɔ̀ŋə, kóó kə̀ ɔ̀dmáàn bəraa ká' yée tə́ kóólé.

Filipiya 4:8

Nwɔŋ aa máá bɛ́'ǹ kə̀ naà rə, ɔ̀dkudvɛɛ̀l bərá, ìì zíg inselké íí gə́ kóólé in aa sɔ̀ɔ̀n kàn nɛɛ̀n bít də́ŋì káŋ̀mbə̀ rə ba' in aa tə́ sɔ̀ɔ̀n də gə́ kóólé, in aa nɛ́ŋə̀ dá ləə̀n doó, in wɔ̀ɔ̀làá, in nyɛdkèá, in aa sɔ̀ɔ̀n Vɛnɛ́b doó, bít kə̀ in aa nɛ́ŋə̀ dá káŋ̀ doó.

Kolosia 1:9

Kə̀ taàbìá, bə́ kpɛd taà Vɛnɛ́b nyɛɛ̀mbə̀ aí yílə́ sé, sɛŋ aa bə́ kìì bə̀ gám nwɔŋ aí bə̀ roó. Bə́ dɛ̀d Vɛnɛ́b oò nyíí ii kə̀ ingabkéá, kə̀ nɛɛ̀n aa í' rú rə kíin, kə̀ aí bə̀ ingabké aa Nwul oò tə́ piìn də piìnmbìá.

Kolosia 3:10

Bə́ŋyée gə́, kóó nɛ́ɛ̀réè aí tə́ŋú, bíl nɛ́ŋə̀ puu yàá. Sɛŋ gə́ kóólé, lúŋ íí zəgə̀ tə́ kúnú. Kàanyée gə́, kə̀ aakíin də, gàb íí dáù taà kuràá.

Titus 3:14

Nɛ́b bagké bəd kɔ̀, boò dìì tù' sɔ̀ɔ̀n ma'ǹmbìá, boò láŋ nɛ́b kam in aa bə̀ ɔ̀d kə̀ vɛ́nà rə ba. Bə̀ mà' kàan síngə́, gɔ̀ŋsə́ boò kə̀ pɛ̀sə́ naà sé.

Ibraniŋko bəraa 6:10

Kə̀ aakíin də, Vɛnɛ́b gə́, nɛ́ŋə̀ wɔ̀ɔ̀làá. Yid bɔ̀' tù' íí bəraa íí tə́ ma'ǹ də gá, yid bɔ̀' í'sɛ̀l aa íí kə̀ oòrə gá, yid bɔ̀' tùsaa íí mà' Vɛnɛ́b nɛ́b gìdń bəd bə̀ nyàamdoorú, bít bə́ŋyée sɔ̀ŋ də gá.

Yakuba 2:14

Ɔ̀dkudvɛɛ̀l mə́ í'sɛ̀lbə̀ bərá, dáà nɛ́ŋə̀ nə́ŋ̀ bàà yàá: «Mə́ tə́ kə̀ tɛ́mbagké naú», zá mà' in aa dá i'ǹ gə́, tə́ kə̀ tɛ́mbagké naà rə síngə́, aarə dáù níì gbá'ǹ gú? Tɛ́mbagké aarə, dáù bée báàn súùnmbèì?

Yakuba 2:17

Tɛ́mbagké rə, tə́ kə̀ aarə kíni. Tə́ oò nə́ŋ̀ní tə́ŋtə́ŋ, tù' nə́ŋ̀má bə síngə́, in tɛdńná.

1 Piyɛr 2:12

Kumké aí bə̀ kə̀ nɛ́b aa bə̀ bàg Vɛnɛ́b síndə tə́ gə́, oò kùm sɔ̀ɔ̀nkèá, bɔ̀b bə̀ pè' ii tə́ kìínmbə̀ nɛ́b invaksə́ bə̀ ma'ǹ bəd kíin máá, boò bé' gə́, tù' aí bə̀ tə́ nyɛdkèá, bít boò káŋ Vɛnɛ́b sɛŋ aa dáà bídǹnà bəroó.

1 Piyɛr 3:1

Nɛɛ̀n aarə rú, aí kɔ̀ íí nɛ́b kɛ́ɛ̀m bərá, ìì ləə vɔ̀ɔ̀m íí bərá, bɔ̀b kóó dáà nɛ́b kam boò tə́ŋú, bə̀ kè' Vɛnɛ́b nwɔŋ sín máá, boò bɔ̀b tɛ́mbagké nɛɛ̀n aa íí kùm dú rə bòórú, nwɔŋ máá gám íí mú' bə̀ bə gá.

1 Piyɛr 3:16

Zá kè' ìì í' kə̀ tɛ́m ɔ̀gkeá, bít kə̀ ləəkèá. In aa íí tə́ ma'ǹ də gə́ kóólé, tɛ́m íí oò bàà ii gə́, tə́ wɔ̀ɔ̀làá, bɔ̀b nɛ́b bəd pè' iiyì kə̀ gú' wadké gə́, nɛ́b aa tə́ nwɔŋ sɔ̀ɔ̀nsín gáàm aí yílú, nɛɛ̀n aa íí kùm dú sɔ̀ɔ̀nkè, kə̀ Krístù nɛ́b bagké kíin də, sə́ə́mnúù oò mà' bə̀ kə̀ nwɔŋ boò bəraa ìì tə́ gáàm doó.

2 Piyɛr 1:8

Dáà íí tə́ kə̀ in luùm bəraa rə naà gə́, bə̀ dá ma'ǹ ingabké aa íí kə̀ naà Báátììkpɛ̀ŋ Yéésù Krístù yílə́ rə, bíl in tɛdń gá, zá bə̀ dá insɔ̀ɔ̀n lɛbàá.