Filemon 1:5 - Núúboòd Gú'dúgke Puu Sambə́ Nwɔŋú bìá

⁵ kàandə, mə́ kìì í'sɛ̀l ń aa kə̀ Vɛnɛ́b nɛ́b gìdń bəd də yàá, bít kə̀ tɛ́mbagké ń aa Báátììkpɛ̀ŋ Yéésù bəroó.

Filemon 1:5 Iomraidhean Croise

Gbantumsə̀ bəd Tùsá 20:21

Mə́ bàà Yahudu bəd, kə̀ Grɛg bəd tə́ kóólé, boò sɔ̀g kúnú, lìb boò bí'à núù Vɛnɛ́b naú. Bít mə́ bàà bə̀ gə́, boò kóólé, boò bàg Báá bə́n Tììkpɛ̀ŋ Yéésù ra.

Roma 12:13

Ìì láŋ ɔ̀dkudvɛɛ̀l Vɛnɛ́b nɛ́b gìdń búúd bə̀ bəraa bə̀ kə̀ in naà síndə, kə̀ gbaŋə̀ íí bəraa íí kə̀ naà roó, bít ìì kè' Krístù nɛ́b sɛ̀ɛ́n bəraa bə̀ yaà aí kàrú rə kúnú.

1 Korintu 16:1

Ba' wálke Vɛnɛ́b nɛ́b gìdń bəd bə̀ gə́, aí kɔ̀ ìì bàg insánke aa mə́ piià nɛ́b bagké Eklisiya bə̀ bəraa Galatiya yɛ́b bəroó.

Galatiya 5:6

Kàandə, dáà bə́n wáàlǹnì kə̀ Yéésù Krístù gə́, kuùmbə̀ màn aa nàà gàb doó, sínkɔ̀ màn aa nàà gàb síndə, aarə in pɛ̀sə́ bə̀ gá' in pɛ̀sə́ bə̀ rə, tɛ́mbagké aa tə́ tù' ma'ǹ kə̀ í'sɛ̀l loó.

Efesus 1:15

Kə̀ taàbìá, máá kɔ̀ sɛŋ aa mə́ kìì íí tə́ kə̀ tɛ́mbagké naà Báátììkpɛ̀ŋ Yéésù Krístù ba, bít íí í' Vɛnɛ́b nɛ́b gìdń bəd gə́ kóólé tə́ kíìn də,

Kolosia 1:4

Bə́ kìì bə̀ gám nwɔŋ aí bə̀ tɛ́mbagké íí aa Yéésù Krístù bərə yílú, bít kə̀ í'sɛ̀l íí aa kə̀ Vɛnɛ́b nɛ́b gìdń bəd doó.

1 Tesalonika 3:6

Zá bə́ŋyée, Timote bírà aí kàrú rə, bít àà báà nwɔŋ sɔ̀ɔ̀nkè aí bə̀ tɛ́mbagké rú, bít kə̀ í'sɛ̀l aí bìá. Bàà bə́ gə́, sɛŋ gə́ kóólé, íí zíg inselké íí tə́ obə́ ba, kə̀ í'sɛ̀lá, bít íí í' bə́ tə́ bé'ǹmbə̀ kìínmbə̀ nɛɛ̀n aa obə́ kɔ̀ bə́ í' ii bé'ǹmbə̀ rə kíin.

Filemon 1:7

Ɔ̀dkudvɛɛ̀l mə́ í'sɛ̀l bìá, í'sɛ̀l ámbə̀ pii mə́ tɛ́m làmkèì gbàákù, kə̀ váàndo tá. Kàandə, ń nyɛ́' Vɛnɛ́b nɛ́b gìdń bəd tɛ́m yàá.

1 Yohana 3:23

Ìì ɛ̀g indaŋ̀mbə̀ aa Vɛnɛ́b pii bə́nnà roó. Bàà báà bagǹ Wàà bəǹ Yéésù Krístù ra, bít báà í'ǹ ɔ̀dnə́ŋ̀ bəd bə́n bòdba, kìínmbə̀ Krístù bàà bə́n də kíni.