Filemon 1:4 - Núúboòd Gú'dúgke Puu Sambə́ Nwɔŋú bìá

⁴ Filemon, sɛŋ aa mə́ tə́ Vɛnɛ́b nyɛɛ̀m də gə́ kóólé, mə́ tə́ ám selàá, bít mə́ tə́ Vɛnɛ́b mə́ mɔ̀'nàá,

Filemon 1:4 Iomraidhean Croise

Roma 1:8

Bə́ŋ̀ mə́ tə́ Vɛnɛ́b mɔ̀'ǹ kə̀ Yéésù Krístù ra, íí kóólé yílú. Mə́ mɔ̀' Vɛnɛ́b kàandə, bə̀ gám nwɔŋ tə́ tɛ́mbagké íí bòórú, zɔ̀ŋə yɛ́b bə kóólé.

Efesus 1:16

mə́ dàà Vɛnɛ́b mɔ̀'ǹmbə̀ aí bòórú sé. Sɛŋ aa mə́ tə́ Vɛnɛ́b nyɛɛ̀m də gə́ kóólé, mə́ tə́ nə́gə́l aí bə̀ gɔnàá.

Filipiya 1:3

Sɛŋ aa sèl mə́ zá' nwɔŋ aí bə̀ rə gə́ kóólé, mə́ mɔ̀' Vɛnɛ́b aí yílú.

Kolosia 1:3

Bə́ tə́ Vɛnɛ́b, Báá bə́n Tììkpɛ̀ŋ Yéésù Krístù bóò mɔ̀'ǹ, sɛŋ aa bə́ tə́ù nyɛɛ̀m aí yílə́ rə gə́ kóólé.

1 Tesalonika 1:2

Sɛŋ gə́ kóólé, bə́ tə́ Vɛnɛ́b mɔ̀'ǹ aí yílú, íí kóólé, bít bə́ tə́ diìn Vɛnɛ́b nyɛɛ̀mbə̀ aí yílú.

2 Tesalonika 1:3

Ɔ̀dkudvɛɛ̀l í'sɛ̀lbə̀ bərá, aa dá sɔɔ̀n də gə́, báà dìì Vɛnɛ́b mɔ̀'ǹmbə̀ aí yílú. Aarə tə́ wɔ̀ɔ̀lə̀ sɔ̀ɔ̀nkè, báà mà' kúnú. Kàandə, tɛ́mbagké íí kàŋ ɛ̀m tə́ númú gbàákù. Bít í'sɛ̀l aa íí kə̀ ɔ̀dnə́ŋ̀ bəd íí bòdbə rə, kàŋ ɛ̀m tə́ númú.

2 Timote 1:3

Mə́ mɔ̀' Vɛnɛ́b aa mə́ tə́ù tù' ma'ǹ kə̀ inselké nyɛdkè máá tɛ́mú bìá, kìínmbə̀ doo mə́ bəd mà' rə kíin də yàá. Mə́ nyɛ̀m Vɛnɛ́b mə́ dàà bə sé, tígə́l kə̀ nyàámbərə̀ tá. Sɛŋ aa mə́ tə́ Vɛnɛ́b nyɛɛ̀m də, mə́ dàà nə́gə́l ámbə̀ dɛdǹmbə̀ sé.

Filemon 1:5

kàandə, mə́ kìì í'sɛ̀l ń aa kə̀ Vɛnɛ́b nɛ́b gìdń bəd də yàá, bít kə̀ tɛ́mbagké ń aa Báátììkpɛ̀ŋ Yéésù bəroó.