Filemon 1:13 - Núúboòd Gú'dúgke Puu Sambə́ Nwɔŋú bìá

¹³ Mə́ í' oò kùm kə̀ máá tá, sɛŋ aa bə́ŋ̀ mə́ tə́ wúltígə́l bə̀ rú, Nwɔŋ Puu Sɔ̀ɔ̀nkè bòórú roó; bɔ̀b oò mà' mə́ tù' ám zɔ̀ŋ ba.

Filemon 1:13 Iomraidhean Croise

1 Korintu 16:17

Mə́ tə́ kə̀ tɛ́m làmkèá, kə̀ yaaké Estefanas bìá, Fortunatus bìá, bít kə̀ Akisda bìá. Mə́ bé' bə̀ yérə, mà' kìínmbə̀ mə́ dáá tə́ sə̀n wərə̀ kíin.

Efesus 3:1

Kə̀ taàbìá, máára mə́ Pol la, mə́ pìì wúltígə́l bə̀ rú, nɛ́b aa íí bàg síndə bòórú. Yéésù Krístù tùm máà sùnú, bɔ̀b yaà máà bàà ii Nwɔŋ Puu Sɔ̀ɔ̀nkèá.

Efesus 4:1

Mə́ tə́ ii kíìn nyɛmàá, máára mə́ kùmsə̀n nɛ́d wúltígə́lú bìá. Kàandə, mə́ tə́ Báátììkpɛ̀ŋ tù' ma'nàá, ìì kùm sɔ̀ɔ̀nkèá, kə̀ nɛɛ̀n aa Vɛnɛ́b í' rə kíin, sɛŋ aa dɛ̀riyà bəroó.

Filipiya 1:7

Tə́ sɔ̀ɔ̀ní, máá bə̀ aí bə̀ seèlǹmbə̀ kə̀ aakíin, íí kóólé. Mə́ zígi tə́ máá tɛ́m ba. Kə̀ aakíin də, íí kóólé, íí bɔ̀b pə̀dkè aa Vɛnɛ́b mà' máà tùsaa bə̀ ma'ǹ də yàá, kóó sɛŋ aa mə́ wúltígə́l bə̀ rú yóo, kóó sɛŋ aa nyàam mə́ nɛ́ŋə̀ yíl bə̀ roó, bɔ̀b máà tág Nwɔŋ Puu Sɔ̀ɔ̀nkèá, bít máà mà'ù oò kùm və̀'kèá.

Filipiya 2:30

Kàandə, nyɛ́d zɔ̀gɔ̀ní, dáà val kò'ùwì Yéésù Krístù tù' bòórú' dáà dá gɔ̀ŋsə́ oò tɛŋ̀, bɔ̀b máá bə̀ lánke aa íí bán máà aànmbə̀ kə̀ yíl aí bə̀ gá rə aànmbìá.

Filemon 1:1

Núúboòraa vúgà máá mə́ Pol naú, kə̀ ɔ̀dkudvɛɛ̀l bə́n Timote naú. Pol lə, màn aa kò' bə̀ páù wúltígə́l bə̀ rú, Yéésù Krístù nwɔŋ bòórú roó. Mə́ tə́ Núúboòraa yée Filemon báràá, oòra kùmsə̀n ɔ̀dzéd í'sɛ̀lbə̀ bə́ tùsú bìá.

Filemon 1:10

Mə́ tə́ən nyɛɛ̀m wàà mə́ Onezimus bòórú, wàà aa mə́ lɛ̀b wúltígə́l bə̀ rú roó. Kàandə, máára mə́ páù sə̀n tɛ́mbagké rú.

Filemon 1:12

Bə́ŋyée, mə́ tə́ù tuùm bí'ǹ ám sunú. Oòrə, mə́ í'ù tə́ kìínmbə̀ yíl máá bə̀ kíin.