Filemon 1:1 - Núúboòd Gú'dúgke Puu Sambə́ Nwɔŋú bìá

¹ Núúboòraa vúgà máá mə́ Pol naú, kə̀ ɔ̀dkudvɛɛ̀l bə́n Timote naú. Pol lə, màn aa kò' bə̀ páù wúltígə́l bə̀ rú, Yéésù Krístù nwɔŋ bòórú roó. Mə́ tə́ Núúboòraa yée Filemon báràá, oòra kùmsə̀n ɔ̀dzéd í'sɛ̀lbə̀ bə́ tùsú bìá.

Filemon 1:1 Iomraidhean Croise

Gbantumsə̀ bəd Tùsá 16:1

Pol ɛ̀m dáá númú, wə́ə́ Derbe bìlú, kə̀ Listra bìlú. Nɛ́d bagké nə́ŋ̀ wərà, nə́gə́l oò Timote. Nà'á oò nɛ́d kéèndo bagké Yéésù bìá, oòrə Yahudu. Zá báá oò gə́, Grɛg.

1 Korintu 3:9

Kàandə, bə́ nɛ́b Vɛnɛ́b tù' bə̀ ma'ǹ bərá, bə́ mà' tù' tə́ nə́ŋ̀ní; aí kɔ̀ íí Vɛnɛ́b lɛsá. Íí kùm tə́ kìínmbə̀ wúl aa bə́ tə́ wəə̀n də kíin.

2 Korintu 1:1

Mə́ bád núúboòraa yée, kə̀ ɔ̀dkudvɛɛ̀l Timote tá. Kə̀ nɛɛ̀n aa Vɛnɛ́b í' rə kíin, mə́ bíl taà Yéésù Krístù gbantumsàá. Bə́ bád núúboòraa yée, Eklisiya bəraa Korintu bìlə́ roó, kə̀ Vɛnɛ́b nɛ́b Gìdń bəraa bə̀ ləə bìl bəraa Korintu bìl kàd bə, Akaya yɛ́b bəroó.

Galatiya 3:26

Kàandə, íí nɛ́b aa íí bàg Yéésù rə gə́ kóólé, íí Vɛnɛ́b yɛbá, kə̀ wálke aí bə̀ kə̀ oòra.

Efesus 3:1

Kə̀ taàbìá, máára mə́ Pol la, mə́ pìì wúltígə́l bə̀ rú, nɛ́b aa íí bàg síndə bòórú. Yéésù Krístù tùm máà sùnú, bɔ̀b yaà máà bàà ii Nwɔŋ Puu Sɔ̀ɔ̀nkèá.

Efesus 4:1

Mə́ tə́ ii kíìn nyɛmàá, máára mə́ kùmsə̀n nɛ́d wúltígə́lú bìá. Kàandə, mə́ tə́ Báátììkpɛ̀ŋ tù' ma'nàá, ìì kùm sɔ̀ɔ̀nkèá, kə̀ nɛɛ̀n aa Vɛnɛ́b í' rə kíin, sɛŋ aa dɛ̀riyà bəroó.

Efesus 6:20

Kóó bə́ŋyée mə́ wúltígə́l bə̀ rú yóo, máára mə́ kùmsə̀n gbantumsə̀ Nwɔŋ Puu Sɔ̀ɔ̀nkè aarə bìá. Ìì nyɛ̀m Vɛnɛ́b, bɔ̀b máà gám nwɔŋ kə̀ tɛ́m gágkeá, kìínmbə̀ nɛɛ̀n aa máá gáàm dú rə kíin.

Filipiya 1:1

Núúboòraa vúgà Pol naú, kə̀ Timote naú, nɛ́b Yéésù Krístù tù' bə̀ ma'ǹ bərá. Núúboòd aarə, bád bə́ pii Vɛnɛ́b nɛ́b gìdń bəraa bə̀ kùm Filipiya bìlə́ rə gə́ kóólé, aa bəraa bə̀ tə́ Yéésù Krístù bagǹ doó, nɛ́b yíl bə̀ bəraa Eklisiya bəd tə́ŋə́ roó, bít kə̀ diakre bəd tá.

Filipiya 2:25

Mə́ sèl lə, tə́ sɔ̀ònkèá, aí bə̀ ɔ̀dkudvɛɛ̀l bə́n Epafrodite tuùm bí'ǹnà bə̀ aí sunú, ɔ̀d mə́ nə́ŋ̀ tùsú bìá, bít ɔ̀d mə́ nə́ŋ̀ bùmú bìá. Oòrə, nɛ́ŋə̀ aa íí tùmə̀ máá səǹ, oò àà mə́ láŋke in aa mə́ ɔ̀d də bə̀ roó.

Filipiya 4:3

Bít ám kɔ̀, ń ɔ̀dnə́ŋ̀ mə́ nə́ŋ̀ vɛ́nà bə̀ tùsú bìá, mə́ tə́ən kíìn nyɛmàá, ǹ láŋ bə̀ ba; kə̀ aakíin də, bə̀ nə́' nə́gə̀d kə̀ máá tá, Nwɔŋ Puu Sɔ̀ɔ̀nkè baànmbə̀ bòórú. Kə̀ aakíin də, Kelemen kɔ̀, kə̀ ɔ̀dnə́ŋ̀ mə́ kam bəraa mə́ tə́ tù' ma'ǹ kə̀ boò tə́ rə gə́ kóólé, nɛ́b aarə nə́gə́l boò tə́ núúboòd gɔ̀ŋsə́ bə̀ rú.

Kolosia 1:1

Núúboòraa vúgà máá mə́ Pol naú. Kə̀ nɛɛ̀n aa Vɛnɛ́b í' rə kíin, mə́ kùm taà Yéésù Krístù gbantumsàá, kə̀ ɔ̀dkudvɛɛ̀l bə́n Timote tá.

Kolosia 4:11

Yéésù aa bə̀ dɛ̀rə̀ Yustus də, dɔ̀mi yàì kɔ̀. Nɛ́b aa boò toorə yée, bə̀ kùmsə̀n Yahudu bərá. Bə̀ mà' tù' tə́ kə̀ máá tə́ Vɛnɛ́b gààrú. Boòra bə̀ tə́ mə́ sə̀n tɛ́m tɛ́'nàá.

1 Tesalonika 3:2

bít bə́ tùm Timote, ɔ̀dkudvɛɛ̀l bə́ aa mà' Vɛnɛ́b tù' kə̀ obə́ tə́ roó, dá oò bàà Nwɔŋ Puu Sɔ̀ɔ̀nkè Krístù bìá. Bə́ tùmə̀ rə, dá oò kpɛ́ŋi tɛ́mbagké íí rú;

2 Tesalonika 1:1

Núúboòraa vúgà máá mə́ Pol naú, Silas naú, kə̀ Timote naú. Bád bə́ pii Eklisiya bəraa Tesalonika bìlə́ roó, Báá bə́n Vɛnɛ́b nɛ́b bərá, bít Báátììkpɛ̀ŋ Yéésù Krístù nɛ́b bərá.

2 Timote 1:8

Ǹ nùù sə́ə́mnúù kə̀ Báátììkpɛ̀ŋ sedako diìnmbə̀ sí. Bít ǹ nùù sə́ə́mnúù kə̀ máá, màn aa mə́ pìì wúltígə́l bə̀ rú rə sí. Zá ǹ bé' búúd kə̀ máá tá, bɔ̀b Nwɔŋ Puu Sɔ̀ɔ̀nkè baànmbìá, kə̀ kpɛŋsɛ́l aa Vɛnɛ́b dá n piìn doó.

Filemon 1:23

Epafras, màn aa kùm wúltígə́l bə̀ rú kə̀ máá tə́, Yéésù Krístù bòórú rə, dɔ̀m m yàá.

Filemon 1:24

Nɛ́b aa bə̀ mà' tù' kə̀ máá tə́ rə, Markus da, Aristarkus da, Demas da, kə̀ Luka tá; bə̀ dɔ̀m m yàì kɔ̀.

Filemon 1:9

Zá í'sɛ̀l mə́ aa kə̀ ám də bòórú, mə́ í' n nwɔŋ nə́ŋ̀ dɛdǹmbìá. Èè, máá mə́ Pol gə́, mə́ nɛ́ŋə̀ dooroá, bít bə́ŋyée kɔ̀, kò' bə̀ páá mə́ì wúltígə́l bə̀ rú, Yéésù Krístù nwɔŋ bòórú.