نامەێ فیلیپییل 4:18 - کتاب مقدس به زبان کردی جنوبی - گویش کلهوری

¹⁸ من گشت ئەو پویله تاویل گردمه و تەنانەت فرەتر له هەوەجی خوەم دێرم. ئیسه که خەڵاتیلی که ئیوه هناردین له ئەپافرودیتوس تاویل گردمه، له گشت چشتێگ فره فره دێرم. خەڵاتیەگەدان هویرات خوەشبو و قوروانی قەبوڵ کریاێگه که خودا خوەشنود کەێد.

نامەێ فیلیپییل 4:18 Iomraidhean Croise

کاریل ڕەسولەیل 10:4

کورنلیوس وه ترسەو چەو بڕیە پێ و وەت: «بەڵێ، خوداوەند!» فریشته وەت: «دوعایل و سەدەقەیلد جور یادگاری بەرزەو بینەسه دەرگاێ خودا.

رومیەگان 12:1

جا ئێ برایل، له وەر پرشەێ بەزەیێل خودا، لاڵکمه پێدان که جەسەیلدان جور قوروانیێگ زنی و موقەدەس و دڵخواز خودا پیشکەش بکەن، که پەرەسش روحانی ئیوه هەر ئیەسه.

دویم قورنتییل 11:8

من وەگەرد قەبوڵ کردن مەیەت پویلی، کلیسایلتر تاڵان کردم تا بتویەنم خزمەتدان بکەم.

دویم قورنتییل 9:12

ئەڕا ئیه که ئی خزمەته نه تەنیا هەوەجییل ئیمانداریل وه مەسیح پەرچەو کێ، بەڵکەم بایس سپاس قێر فرەێگ له خودا بود.

ئەفسوسیێل 5:2

وەناو مابەت زنەیی بکێن، ئەوجورە که مەسیح ئیمه مابەت کرد و گیان خوەێ ئەڕا ئیمه جور خەڵاتی بو خوەش و قوروانییگ وه خودا پیشکەش کرد.

نامەێ فیلیپییل 4:12

هەم زانم دەستەنگێ چەس، هەم زانم زنەیی کردن وەناو فراوانی چەس. وه هەر حاڵێگەو، رەمز راز زنەیی کردن وەناو تێرێ و ورسیایی و فراوانی و دەستەنگێ یاێ گردمه.

دویم تسالونیکییل 1:3

ئێ برایل، ئیمه باێه هەمویشه وەبونەێ ئیوه سپاس خودا بکێم و درسیشێ هەر ئیەسه، چوینکه ئیمان ئیوه فره فره گەوراوه بود و مابەت هەر کامدان وه یەکترەکی فرەوه بود.

عبرانییل 13:16

خاسێ کردن و بەشدار کردن ئەو باقی مەردم وه ئەو چشته که دێرین مەخەنه پشت گوش، چوینکه ئیجور قوروانیيلێگ خودا خوەشنودەو کێ.

یەکم پتروس 2:5

ئیوەیش خوەدان جور کوچگیل زنی وێنەێ ماڵێگ روحانی نرێینه سەرپاوه تا کاهنیلێگ موقەدەس بوین و وه وەسلەێ عیسا مەسیح، قوروانییل روحانی که خودا قەبوڵێ کەێد، پیشکەش بکێن.