نامەێ فیلیپییل 4:17 - کتاب مقدس به زبان کردی جنوبی - گویش کلهوری

¹⁷ نه ئیەک وەشون گردن خەڵاتی بوم، بەڵکەم هامه شون بەرێگەو که وه حساودان فرەوه بود.

نامەێ فیلیپییل 4:17 Iomraidhean Croise

یوحەنا 15:16

ئیوه مه هەڵنەوژاردین، بەڵکەم مه ئیوه هەڵوژاردم و دەس نیشاندان کردم تا بچین و بەر بارین و بەرەگاندان بمینێ، تا هەر چی له باوگ وه ناو منەو داوا بکێن، بێیده پێدان.

یوحەنا 15:8

جەڵاڵ باوگم ها ناو ئیه که ئیوه بەر فرەێگ بارین؛ وه ئیجوره بوینه شاگردیل مه.

رومیەگان 15:28

جا وەختێ ئی کاره کردم و ئەو چشته که گردەو بیه دامەێ پێان، له ڕێ ئیوه چمه ئەڕا ئێسپانیا.

دویم قورنتییل 11:16

وەدواره ئویشم: کەسێگ مه وه گیلگەوج نەزانی. وەلێ ئەگەر ئیجوره کین، دەسکەم جور یە گیلگەوجێگ قەبوڵم بکەن، تا منیش بتویەنم قێرێ وه خوەم شانازی بکەم.

دویم قورنتییل 9:5

جا واجو زانستم که له برایل بتوام وەرجه من بانه ئەڕا لادان و هدیەیلی که واده داوین گورجێەو بکەن. تا جور هدیەێگ بود که دیاره وه گێ دڵیگ داینه نه وه زور.

نامەێ فیلیپییل 1:11

پڕ بوین له بەر سالح بوین، که له ڕێ عیسا مەسیح دەێدەدەس و رەسده جەڵاڵ و ستایش خودا.

نامەێ فیلیپییل 4:11

ئیه له سەر هەوەجی نیویشم، چوینکه یاێ گردمه که له هەر وەزوحالێگ باێه قانێ بوم.

یەکم تسالونیکییل 2:5

چوینکه ئیوه خاس زانين و خودا شاێەته که ئیمه هەراێهەر زوانبازی نەکردیمنه و نقاویگ نەنایمنەسه بان دەمچەومان تا تەما بپوشنێ.

یەکم نامەێ تیموتاوس 3:3

نه سەرخوەشکەر یا زورگو، بەڵکەم دڵنەرم، نه مرافەکەر یا پویل دوس.

یەکم نامەێ تیموتاوس 6:10

چوینکه تەما وه پویل ریشەێگه که گشت جور خراوی له لێ تێدە بار و بڕێگ له تاسەێ ماڵ و دارایی، له ئیمان دویرەو کەفتنه، خوێان تویش ژانیل فره زام‎دار کردنه.

تیتوس 1:7

ئەڕا ئیه که هێوەتکەر کلیسا کاروەدەس خوداس، جا نەبایه وەناو زنەیی چشتێگ بیاشتوی که بوده بایس سەرزەنشتێ. ئەوه نەبایه لویتبەرز بود یا زوی کەفلەهەرز بود یا سەرخوەشکەر یا زورگو بود یا تەمای پویل بیاشتوی،

تیتوس 3:14

بیل مەردمەگەمان یاێ بگرن که خوێان خەریک وەجێ هاوردن کاریل خاس بکەن تا ئەڕا پەرچەو کردن هەوەجییل واجو مەیەتیگ بێەن و زنەیی بی بەرێگ نیاشتوین.

عبرانییل 6:10

چوینکه خودا بی ئنساف نیه که کردەوەدان و مابەتێگ که وەبونەێ ناو ئەیو له خزمەت وه ئیمانداریل وه مەسیح نیشان داینه و هێمراێ نیشانیش دەین له هویرێ بچود.

یەکم پتروس 5:2

ریەنەگەێ خودا که هانه ناودان شوانی بکەن و هێوەتێان بکەن، وەلێ نه وه زور بەڵکەم وه مەیل و دڵ خوەدان، ئەوجورە که خودا تواێ؛ نه وه تەمای نەف خوەدان بەڵکەم له ڕوی شوق و زوق.

دویم پتروس 2:15

ئەوانه ڕێ ڕاس نانەسه لا و له ڕێ دەرچینه. ئەوانه ڕێ بەلعام کوڕ بعور گردنەسه وەر که له ‎حەقدەس نادرسێ خوەشی هاتیاد.

دویم پتروس 2:3

ئیانه له ڕوی تەما، وەگەرد قسیەيل گولدەر، تاڵاندان کەن. ماکومیەتیان که له جارانەو دیاری کریاس، بێکار نەنیشتیه و له بین چینێان نەخەفتیه.

یەهودا 1:11

وای وه حاڵیان، چوینکه ئەوانه ڕێیگ چینه که قائن چی و ئەڕا وه دەس هاوردن نەف، خوێان خستنەسه ناو خەتای بەلعام و وەناو یاخی بین قورەح له بین چینه.